IOSUA 24:19 - Buka Helaga (Hiri Motu) 1993

¹⁹ To Iosua ese Israela taudia ia hamaoroa, ia gwau, “Umui ese Lohiabada ena hesiai gaukara umui karaia diba lasi, badina ia be Dirava Helagana. Ia ese emui kara dika bona emui kara kerere do ia gwauatao lasi, badina ia ese idau dirava dekenai ia badu henia noho.

IOSUA 24:19 Iomraidhean Croise

2 SIVARAI 36:16

To idia ese Dirava ena hesiai taudia idia kirikirilaia, bona edia hereva idia negea. Iena peroveta taudia danu be idia ese idia hevaseha henia, ela bona Lohiabada ena badu iena bese taudia dekenai ia toreisi, bona inai badu hakerua dalana be lasi.

SALAMO 99:3

Taunimanima ibounai ese, Lohiabada ena ladana badana bona mai garina, be do idia hanamoa. Lohiabada be helaga!

SALAMO 99:5

Lohiabada, iseda Dirava do umui hanamoa. Iena terona ena vairana dekenai do umui tomadiho henia. Lohiabada be helaga!

SALAMO 99:9

Lohiabada, iseda Dirava do umui hanamoa. Iena ororo helagana dekenai do umui tomadiho, badina be Lohiabada, iseda Dirava, be helaga.

ESODO 20:5

Laulau o kaivakuku ta dekenai do umui tomadiho henia lasi, bona iena hesiai gaukara do umui karaia lasi. Badina be lau Lohiabada emui Dirava be lau ura umui be lau sibona egu. Idia ura henia lasi lau dekenai taudia edia kara dika ena davana, be do lau henia edia natuna bona tubuna dekenai, ia lao bona uru toi o hani.

ESODO 23:21

Ia dekenai do umui kamonai namonamo, iena gadona do umui kamonai henia, bona iena hereva do umui utua lasi. Badina be ia ese emui kara dika do ia gwauatao lasi, ia ese lauegu siahu ia abia dainai.

ESODO 34:14

“Umui ese lau sibona do umui tomadiho henia, idau dirava ta do umui tomadiho henia lasi. Badina lau be Lohiabada, bona lau ura lasi idau dirava ta ese lau do ia hereaia.

ESODO 34:7

Taunimanima momo herea dekenai lau bogahisihisi henia noho, bona kara dika, bona kara kerere idauidau lau gwauatao noho. To kerere momokani taudia do lau panisia. Bona tamadia edia kara dika davana be edia natudia dekenai do lau henia, bona edia tubudia dekenai do lau henia, ia lao bona uru toi o uru hani idia ore.”

ISAIA 2:9

Lohiabada e, unai taunimanima do oi atodia diho. Idia do oi hamanaua, vadaeni do idia hemarai, bona edia dika do oi gwauatao lasi.

ISAIA 27:11

Au edia rigi idia kaukau, bona idia makohia, bona au rakuraku idia tahua hahine idia mai, unai rigi idia haboua noho. Badina inai taudia be mai edia laloa kehoa lasi, unai dainai idia ia karaia Dirava ese, idia do ia bogahisihisi henia lasi, bona ia ese idia dekenai do ia laloa namo lasi.

ISAIA 30:11

Aiemai dala do umui koua lasi, ai dekena amo do umui siri. Ai ura lasi Israela ena Dirava Helagana ena hereva do ai kamonai.”

ISAIA 30:15

Ma Lohiabada, King, Israela ena Dirava Helagana ia hereva, ia gwau, “Umui emui lalona do umui giroa, bona mai manau danu lau dekenai do umui abidadama. Unai neganai goada do umui davaria, bona mauri namona do umui davaria. To umui ese lauegu hereva umui abia dae lasi, umui gwau, ‘Lasi,

ISAIA 5:16

To Siahu Ibounai Lohiabada be iena kota maoromaorona dekena amo hanamoa bada do ia davaria, bona ia sibona ese ladana bada do ia abia, ibounai edia ataiai. Ma Helaga ena Dirava ese iena helaga, be kara maoromaoro dekena amo, taunimanima dekenai do ia hedinaraia noho.

LEVITIKO 10:3

Unai neganai Mose ese Arona ia hamaoroa, ia gwau, “Lohiabada be inai bamona ia hereva vadaeni, ani? Ia gwau, ‘Egu orea taudia dekenai lau be helaga, bona lauegu gaukara idia karaia taudia ese egu helaga do idia matauraia. Taunimanima ibounai ese lauegu hairaina do idia itaia, bona lau do idia hanamoa.’ ” To Arona be hereva ta ia gwauraia lasi.

LEVITIKO 11:44

“Badina lau be Lohiabada, umui emui Dirava, unai dainai do umui helaga, badina lau be helaga. Tano dekenai idia rau gaudia edia miro dekenai do umui miro lasi.

LEVITIKO 11:45

Lau be Lohiabada, Aigupito tano dekena amo umui lau hakaua mai, emui Dirava do lau lao totona. Unai dainai do umui helaga, badina lau be helaga.

LEVITIKO 19:2

“Israela taudia ibounai do oi hamaoroa, do oi gwau: Do umui helaga, badina be lau Lohiabada, emui Dirava, lau be helaga vadaeni.

LEVITIKO 20:26

“Do umui helaga, bona lau sibona egu bese taudia do umui lao. Badina be, lau be Lohiabada, bona lau be helaga. Lau ese bese idauidau edia huanai dekena amo umui lau abia hidi vadaeni, egu bese korikori do umui lao totona.

LEVITIKO 20:7

Unai dainai umui ese sibona do umui hahelagaia, bona do umui helaga noho, badina lau be Lohiabada, emui Dirava.

NAHUMU 1:2

Lohiabada be mai ena mama, ia ura lasi idau dirava ese, iena gabu do idia abia. Bona Lohiabada ese ia dekenai idia dagedage henia noho taudia, be ia panisidia noho. Mai badu danu ia ese edia davana ia henidia noho.

HABAKUKU 1:13

Inai Babulonia taudia be koikoi taudia, bona dika idauidau momo idia karaia noho. Idia be unai bamona dainai, edena bamona oi ese oiemu gaukara idia dekenai oi henia noho? Lau diba oi be helaga momokani dainai oi ese kara dika taudia oi kota henia, bona edia kerere davana oi henia noho. Unai bamona dainai, badina dahaka inai Babulonia taudia dikadia ese ai namo sisina Iuda taudia idia hadikaia neganai, oi ese hereva ta oi gwauraia lasi?

MATAIO 6:24

“Tau ta ese biaguna rua edia hesiai gaukara ia karaia diba lasi. Badina be ta do ia badu henia, to ta be do ia lalokau henia, o ta be do ia abia dae, ma ta be do ia abia dae lasi. Dirava bona kohu momo danu nega tamona edia hesiai gaukara do oi karaia diba lasi.

IOSUA 24:18

Lohiabada ese danu taunimanima ibounai iseda vairana dekenai ia luludia. Amoro taudia danu, unai tano idia noholaia taudia ibounai ia ese ia luludia. Unai dainai ai danu Lohiabada ena hesiai gaukara do ai karaia, badina ia be aiemai Dirava.”

IOSUA 24:23

Iosua ma ia hereva lou, ia gwau, “Vadaeni, dirava idaudia, umui emui huanai idia noho gaudia do umui negea. Bona umui emui lalona do umui giroa Lohiabada, Israela ena Dirava dekenai.”

RUTA 1:15

Naomi ia gwau, “Oi itaia, oiemu nakimi ese iena bese taudia bona iena dirava dekenai ia giroa lou. Ia danu do oi giroa lou.”

1 SAMUELA 3:14

Unai dainai Eli ena bese taudia dekenai lau hereva metau henia, lau gwau, ‘Idia edia boubou gauna ta, o boubou karana ta, ese edia kara dika do idia kokia diba lasi momokani, ela bona hanaihanai!’ ”

1 SAMUELA 6:20

Vadaeni Bete Semese taudia idia gwau, “Daika ese inai Dirava helagana, Lohiabada ena vairanai do ia gini diba? Bona edeseni Taravatu Maua do ita siaia lao, ita dekena amo do ia noho siri totona?”