IOSUA 24:14 - Buka Helaga (Hiri Motu) 1993

¹⁴ Ma Iosua ia gwau, “Unai dainai, Lohiabada do umui gari henia, iena hesiai gaukara do umui karaia, mai emui momokani, bona mai emui laloa maoromaoro danu. Unai dirava koikoidia, emui sene taudia Mesopotamia bona Aigupito dekenai idia tomadiho henia diravadia do umui negea, bona Lohiabada sibona mo ena hesiai gaukara do umui karaia.

IOSUA 24:14 Iomraidhean Croise

GENESE 17:1

Aberamo ena mauri lagani be 99 neganai, Lohiabada ese ia dekenai ia hedinarai, ia gwau, “Lau be Siahu Ibounai Dirava, lau dekenai do oi kamonai oiemu mauri dinadia ibounai, bona kara maoromaoro do oi karaia.

GENESE 35:2

Unai dainai, Iakobo ese iena orea taudia ibounai dekenai ia hereva, ia gwau, “Idau dirava umui dekenai idia noho gaudia umui negea, umui sibona umui hagoevaia, dabua miro lasi umui karaia.

2 KING TAUDIA 20:3

“Lohiabada e, mani emu kara lauegu kara do oi laloatao, lau ese mai egu abidadama bona mai egu kudouna ibounai oiemu hesiai gaukara lau karaia, bona oiemu vairana dekenai lau kara maoromaoro.” Bona Hesekaia be ia tai bada herea.

ESERA 9:11

Oi ese unai oda be oiemu hesiai peroveta taudia dekena amo, ai dekenai oi henia, oi gwau, ‘Umui raka vareai bona do umui noho tano be miro, unai tano taudia edia kara be miro dainai. Edia kara dika herea ese, miro dekena amo tano idia hahonua, duduna ela bona duduna.

IOBU 1:1

Usu tanona dekenai tau ta ena ladana Iobu ia noho. Ia be kerere ta lasi, bona kara maoromaoro tauna. Ia ese Dirava dekenai ia gari, bona kara dika dekena amo ia siri.

IOBU 28:28

Bona Dirava ese taunimanima ia hamaoroa, ia gwau, ‘Kamonai, Lohiabada do umui gari henia, aonega be unai, bona kara dika do umui rakatania, laloa kehoa be unai.’ ”

SALAMO 111:10

Lohiabada gari henia kara be aonega hamatamaia ena dala. Lohiabada ena hereva idia badinaia taudia ibounai ese, diba namona idia abia noho. Lohiabada do ita hanamoa noho ela bona hanaihanai.

SALAMO 119:1

Mai edia kerere lasi dekenai idia noho taudia, bona Lohiabada ena taravatu hegeregerena idia noho taudia, be do idia moale noho.

SALAMO 119:80

Lohiabada e, mani emu kara lau do oi durua, oiemu taravatu do lau naria namonamo momokani, kerere ta lasi, vadaeni hemarai be do lau abia diba lasi.

SALAMO 130:4

To oi ese aiemai dika oi gwauatao noho, unai dainai ai ese oi dekenai ai gari henia be namo.

SALAMO 81:10

Lau sibona be Lohiabada, emui Dirava. Aigupito dekena amo umui lau hakaua mai. Umui ese emui uduna do umui kehoa, bona lau ese umui do lau ubua.

ESEKIELA 20:18

To tano kaukau dekenai lau ese edia natudia lau hamaoroa, lau gwau, ‘Emui tamadia idia karaia taravatu do umui badinaia lasi, edia oda hereva gaudia do umui kamonai lasi, edia kaivakuku danu do umui tomadiho henia lasi, do umui miro garina.

ESEKIELA 23:3

Idia be kekeni bona rami hebou neganai, tau haida ese kemedia idia rosia, bona edia ratadia idia gigia. Vadaeni idia ese ariara karadia idia karaia Aigupito dekenai.

HOSEA 3:5

Inai nega be ia ore neganai, Israela taudia ese Lohiabada Dirava dekenai do idia giroa lou, bona ia sibona dekenai do idia tomadiho. Bona idia ese edia King, Davida ena tubuna do idia kamonai henia. Unai neganai idia ese Lohiabada do idia gari henia, bona ia ese iena harihari gaudia do ia henidia.

LEVITIKO 17:7

“Unai dainai Israela taudia ese dirava koikoi gaudia dekenai boubou do idia henia lou lasi. Idia ese unai bamona lau do idia rakatania lou lasi. Inai taravatu be noho hanaihanai taravatuna, idia, bona idia edia natuna, tubuna taudia ibounai edia latanai.

MIKA 6:8

Lasi momokani! Lohiabada ese kara namo dalana ita ia hamaoroa vadaeni. Lohiabada ia ura ita karaia gauna be inai: Kara maoromaoro do ita karaia, taunimanima ibounai do ita lalokau henia nega ibounai, bona mai manau danu Dirava danu do ita raka hebou.

LUKA 8:15

To tano namona dekenai idia moru gaudia, be taunimanima ese hereva idia kamonai mai edia lalona maoromaoro bona goevagoeva danu, bona idia dogoatao auka momokani, idia hesiku lasi, ela bona edia huahuana idia havaraia.

APOSETOLO EDIA KARA 9:31

Unai neganai Iudea tano ibounai, bona Galilea bona Samaria dekenai danu, ekalesia orea ibounai ese maino idia abia vadaeni, bona idia goada daekau, bona Lohiabada dekenai idia gari noho, bona Lauma Helaga ese laloa goada idia dekenai ia henia. Vadaeni ekalesia ia bada daekau.

2 KORINTO 1:12

Ai be gau ta totona ai heagi noho, gauna be inai: Mai laloa namo danu ai diba momokani, aiemai kara, tanobada lalonai, bona umui emui vairanai danu, be mai momokani bona mai laloa maoromaoro danu. Tanobada taunimanima edia aonega dekena amo inai kara ai karaia lasi. To Dirava ena hariharibada ena siahu ese ai ia biagua dainai ai karaia.

EFESO 6:24

Iseda Lohiabada Iesu Keriso idia lalokau henia hanaihanai taudia ibounai dekenai Dirava ese iena hariharibada do ia henia.

DEUTERONOMI 10:12

Ma Mose ia hereva, ia gwau, “Israela taudia e, kamonai namonamo! Lohiabada, iseda Dirava ena oda hereva umui dekenai, do umui kamonai henia. Gauna be inai: Lohiabada emui Dirava do umui gari henia, bona iena dala ibounai do umui raka. Lohiabada emui Dirava do umui lalokau henia, bona iena hesiai gaukara do umui karaia, mai emui lalona ibounai, bona mai emui lauma ibounai.

DEUTERONOMI 18:13

Do umui noho namonamo, kerere ta lasi, Lohiabada, emui Dirava ena vairanai.”

DEUTERONOMI 6:13

“Lohiabada emui Dirava dekenai do umui gari, iena gaukara do umui karaia, bona iena ladana dekenai emui gwauhamata do umui karaia.

FILIPI 1:10

Unai dekena amo gau namodia edia toana do umui diba. Vadaeni mai goeva danu, bona kerere lasi do umui noho, ela bona Keriso do ia giroa mai dinana.

IOSUA 24:2

Bona Iosua ese taunimanima ibounai dekenai ia hereva, ia gwau, “Lohiabada, Israela ena Dirava be inai bamona ia hereva, ia gwau: Umui emui sene taudia edia nega dekenai, Tera, Aberahamo bona Nahoro edia tamana, be Euperate Sinavai unai kahana dekenai ia noho. Unuseni idia ese dirava idaudia dekenai idia tomadiho henidia.

IOSUA 24:23

Iosua ma ia hereva lou, ia gwau, “Vadaeni, dirava idaudia, umui emui huanai idia noho gaudia do umui negea. Bona umui emui lalona do umui giroa Lohiabada, Israela ena Dirava dekenai.”

1 SAMUELA 12:14

Bema Lohiabada dekenai umui gari, iena hesiai gaukara umui karaia, ia dekenai do umui kamonai, bona iena oda hereva do umui kamonai henia, bona bema umui bona emui king ese Lohiabada emui Dirava ena murinai umui raka neganai, emui noho be do ia namo.

1 SAMUELA 12:24

“Lohiabada garina do umui gari, bona iena hesiai gaukara do umui karaia namonamo, mai emui kudouna ibounai. Do umui laloa noho, ia ese kara badadia dekena amo umui ia hanamoa vadaeni.

1 SAMUELA 7:3

Vadaeni Samuela ese Israela taudia ibounai dekenai ia sisiba, ia gwau, “Bema Lohiabada dekenai umui giroa momokani, mai emui lalona ibounai neganai, dirava idaudia bona Asataroto do umui negea. Emui kudouna bona lalona ibounai Lohiabada dekenai do umui henia. Ia sibona dekenai do umui tomadiho henia, vadaeni ia ese Pilistia taudia edia siahu dekena amo umui do ia hamauria.”