IOSUA 23:8 - Buka Helaga (Hiri Motu) 1993

⁸ To Lohiabada, emui Dirava, do umui badinaia, gunaguna ia mai bona harihari umui badinaia hegeregerena.

IOSUA 23:8 Iomraidhean Croise

2 KING TAUDIA 18:6

Badina be Hesekaia ese Lohiabada ia badinaia namonamo, bona Lohiabada ena murinai raka ena kara dekena amo ia raka siri lasi momokani. Hesekaia ese Lohiabada ena Taravatu ibounai, Mose dekenai ia henia gaudia ibounai, ia badinaia namonamo.

APOSETOLO EDIA KARA 11:23

Banaba ia ginidae neganai, Dirava ena hariharibada ia itaia, bona ia moale bada, bona ibounai dekenai ia hereva goada, idia ese mai edia kudouna ibounai Lohiabada do idia badinaia.

DEUTERONOMI 10:20

“Lohiabada, emui Dirava, do umui gari henia. Iena hesiai gaukara do umui karaia, bona ia dekenai do umui badinaia. Emui gwauhamata be Lohiabada ena ladana sibona dekenai do umui karaia.

DEUTERONOMI 11:22

“Lau ese umui dekenai lau henia vadaeni Taravatu ibounai do umui kamonai henia namonamo. Lohiabada emui Dirava do umui lalokau henia, iena dala ibounai lalonai do umui raka, bona Lohiabada do umui badinaia, mai momokani danu.

DEUTERONOMI 13:4

Lohiabada, emui Dirava ena murinai do umui raka, bona ia do umui gari henia. Lohiabada ena hereva do umui kamonai henia, iena hesiai gaukara do umui karaia, bona ia do umui badinaia.

DEUTERONOMI 13:5

To unai peroveta tauna o nihi tauna be do umui alaia mase, badina ia ese Lohiabada kamonai henia lasi kara ia hadibaia noho. Ia gwau Lohiabada emui Dirava, Aigupito dekena amo umui ia hakaua, bona hesiai mai guia dekena amo umui ia hamauria Diravana do umui kamonai henia lasi. Bona ia gwau Lohiabada ese umui ia oda henia dalana dekena amo do umui raka siri. Unai tau do umui alaia mase, unai bamona kara dika emui huanai dekena amo do umui kokia totona.

DEUTERONOMI 4:4

To umui ese Lohiabada, emui Dirava umui abidadama henia taudia ibounai, be umui mauri noho ia mai bona harihari.

DEUTERONOMI 8:20

Lohiabada ese bese haida umui emui vairana dekenai ia hadikaia ore bamona, umui danu do ia hadikaia ore, bema iena hereva umui kamonai henia lasi neganai.”

IOSUA 22:5

Lohiabada ena hesiai tauna Mose ese umui dekenai ia henia oda bona taravatu do umui kamonai henia momokani. Bona Lohiabada, emui Dirava, do umui lalokau henia, iena dala dekenai do umui raka namonamo, bona iena oda do umui kamonai henia. Io, Lohiabada do umui badinaia momokani, bona iena hesiai gaukara do umui karaia, mai emui kudouna ibounai, bona mai emui lauma ibounai danu.”

IOSUA 23:7

Inai bese haida, emui huanai do noho, be idia danu do umui turana karaia lasi. Idia edia dirava edia ladana do umui gwauraia lasi, bona edia ladana dekenai do umui gwauhamata lasi. Edia hesiai gaukara do umui karaia lasi, bona idia dekenai do umui tomadiho lasi.

IOSUA 23:9

“Badina be Lohiabada ese bese badadia bona goadadia be emui vairana dekena amo ia lulua ore vadaeni. Tau ta ese umui ia koua diba lasi, ia mai bona hari dina.