IOSUA 23:7 - Buka Helaga (Hiri Motu) 1993

⁷ Inai bese haida, emui huanai do noho, be idia danu do umui turana karaia lasi. Idia edia dirava edia ladana do umui gwauraia lasi, bona edia ladana dekenai do umui gwauhamata lasi. Edia hesiai gaukara do umui karaia lasi, bona idia dekenai do umui tomadiho lasi.

IOSUA 23:7 Iomraidhean Croise

2 KING TAUDIA 17:12

Lohiabada ese idia ia hamaoroa kaivakuku do idia tomadiho henia lasi, be idia ese idia tomadiho henia.

2 KING TAUDIA 5:18

Inai kara tamona dekenai lau ura Lohiabada ese lau do ia bogahisihisi henia. Lauegu king danu Rimono, Suria ena dirava tomadiho henia totona iena dubu ai raka vareai lao neganai, Lohiabada ese lau do ia bogahisihisi henia. Lau ese Rimono ena vairanai king danu lau tui diho neganai, lau noinoi Lohiabada ese inai lauegu dika do ia gwauatao.”

2 SIVARAI 7:19

“To bema oi o oiemu bese taudia ese egu Taravatu bona egu oda, oi dekenai lau henia vadaeni gaudia, umui kamonai henia lasi, bona dirava idaudia do umui tomadiho henia neganai,

SALAMO 16:4

Dirava idauna murinai idia heau taudia ese, edia hisihisi idia habadaia noho. Edia inuinu boubou gaudia be rara, bona lau ese unai bamona boubou, be do lau karaia lasi. Edia dirava dekenai lau tomadiho henia lasi, ma edia dirava ena ladana lau gwauraia lasi.

ESODO 20:5

Laulau o kaivakuku ta dekenai do umui tomadiho henia lasi, bona iena hesiai gaukara do umui karaia lasi. Badina be lau Lohiabada emui Dirava be lau ura umui be lau sibona egu. Idia ura henia lasi lau dekenai taudia edia kara dika ena davana, be do lau henia edia natuna bona tubuna dekenai, ia lao bona uru toi o hani.

ESODO 23:13

“Lau Lohiabada egu hereva ibounai umui kamonai namonamo. Idau dirava ta dekenai umui guriguri henia lasi. Edia ladana danu do umui gwauraia lasi.

ESODO 23:33

“Idia be emui tano dekenai do idia noho lasi, idia ese umui do idia hakaua kerere, vadaeni do umui kara dika lauegu vairana dekenai garina. Bema umui ese edia dirava dekenai umui tomadiho, umui be dika momokani do umui davaria.”

AONEGA HEREVADIA 4:14

Kara dika taudia edia dala dekenai, do oi raka vareai lasi. Kerere taudia edia kara do oi karaia lasi.

IEREMIA 12:16

Bema inai idau bese taudia ese mai edia kudoudia ibounai danu egu bese taudia edia tomadiho daladia idia tahua, bona bema egu ladana dekenai do idia gwauhamata, do idia gwau, ‘Lohiabada ia mauri noho momokani,’ idia ese guna Bala dirava dekenai idia gwauhamata bamona, unai neganai idia be egu bese taudia edia huanai lau ese do lau haginidia, egu bese kahana ta.

IEREMIA 5:7

Lohiabada ese ia henanadai, ia gwau, “Egu bese taudia edia kara dika, be badina dahaka do lau gwauatao? Idia ese lau idia rakatania vadaeni, bona dirava koikoidia dekenai idia tomadiho vadaeni. Lau ese egu bese taudia lau ubudia, idia boga kunu, to idia ese heudahanai idia karaia, bona ariara hahine edia ruma dekenai idia haboua lao.

HOSEA 2:17

Bona lau ese do lau taravatua, ia ese Bala ena ladana do ia gwauraia lou lasi. Lasi momokani.

SEPANAIA 1:5

Ruma edia guhi dekenai, dina, hua, o guba ena hisiu idia tomadiho henia taudia, be do lau hadikaia ore. Idia haida ese lau danu dekenai idia tomadiho noho, to nega tamona danu idia ese, Milekoma dirava dekenai idia gwauhamata henia noho. Inai taudia danu be lau ese do lau hadikaia ore.

NUMERA 32:38

bona Nebo, Bala Meoro (inai hanua ruaosi be Israela taudia ese edia ladana idia haidaua), bona Sibima. Israela taudia ese hanua idia haginia lou murinai, ladana matamata idia dekenai idia henia.

NUMERA 33:55

“To bema unai tano dekenai idia noho taudia umui lulua ore lasi, idia do noho taudia ese umui do idia hakererea, emui matana dekenai kahu bamona, o emui kopina dekenai au ginigini bamona. Idia ese umui noho tano dekenai umui do idia tuari henia.

1 KORINTO 15:33

Umui laloa kerere lasi. Bema kara dika taudia danu umui turana karaia neganai, idia ese emui kara namona do idia hadikaia.

EFESO 5:11

Dibura karadia, idia be anina lasi karadia, dekena amo do umui raka siri, to unai kara idia karaia taudia do umui sisiba henia, bona edia dika do umui gwauraia hedinarai.

DEUTERONOMI 10:20

“Lohiabada, emui Dirava, do umui gari henia. Iena hesiai gaukara do umui karaia, bona ia dekenai do umui badinaia. Emui gwauhamata be Lohiabada ena ladana sibona dekenai do umui karaia.

DEUTERONOMI 6:13

“Lohiabada emui Dirava dekenai do umui gari, iena gaukara do umui karaia, bona iena ladana dekenai emui gwauhamata do umui karaia.

DEUTERONOMI 6:14

Idau dirava, umui kahirakahira idia noho besedia edia dirava dekenai do umui tomadiho henia lasi.

IOSUA 23:12

Badina be bema Lohiabada dekena amo umui raka siri, bona inai idau bese taudia, emui huanai do noho taudia danu bema umui turana karaia, bona idia danu umui headava neganai,

IOSUA 23:8

To Lohiabada, emui Dirava, do umui badinaia, gunaguna ia mai bona harihari umui badinaia hegeregerena.