IOSUA 23:5 - Buka Helaga (Hiri Motu) 1993

⁵ Lohiabada, emui Dirava, ese unai do noho bese taudia do ia doria lao, bona emui vairana dekena amo do ia luludia ore. Unai neganai edia tano do umui abia, Lohiabada emui Dirava ese umui dekenai ia gwauhamata hegeregerena.

IOSUA 23:5 Iomraidhean Croise

ESODO 23:20

“Umui itaia, aneru ta emui vairana dekenai lau siaia noho. Ia ese dala dekenai do ia naria namonamo umui, ia lao bona lau abia hegaegae gabuna dekenai umui do ia hakaua vareai.

ESODO 33:2

Aneru ta umui emui vairana dekenai do lau siaia, bona Kanana taudia, bona Amoro taudia, bona Hiti taudia bona Perisi taudia bona Hivi taudia bona Iebusu taudia do lau lulua, bona kokia.

ESODO 34:11

Hari dina umui dekenai do lau henia taravatu ibounai do umui badinaia. Lau be umui emui vairana dekenai do lau lao, Amoro taudia, bona Kanana taudia, bona Hiti taudia, bona Perisi taudia, bona Hivi taudia, bona Iebusu taudia do lau lulua momokani.

DEUTERONOMI 11:23

Unai neganai Lohiabada ese inai bese taudia emui vairana dekenai do ia lulua lao. Bona umui ese, bese badadia, emui goada idia hereaia besedia, edia tano do umui abia.

IOSUA 13:6

“Sidono taudia edia tano danu, ororo dekenai idia noho, Lebanona dekena amo ela bona Misirepoto Maimi, unai taudia ibounai be Israela taudia edia vairana dekenai do lau lulua lao. Inai tano be Israela taudia edia huanai do oi haria, lau ese oi lau oda henia guna hegeregerena.

GUNALAIA TAUDIA 2:21

lau ese Iosua ia mase murinai idia do noho idau bese taudia, be do lau lulua lao lasi Israela taudia edia vairana dekena amo.