IOSUA 23:3 - Buka Helaga (Hiri Motu) 1993

³ Lohiabada, emui Dirava ese inai idau bese taudia dekenai umui dainai ia karaia gaudia, be umui itaia vadaeni. Lohiabada, emui Dirava ese umui dainai ia tuari vadaeni.

IOSUA 23:3 Iomraidhean Croise

ESODO 14:14

Lohiabada be umui totona do ia tuari karaia, umui be do umui noho kava sibona.”

ESODO 19:4

‘Aigupito taudia dekenai edena bamona lau karaia gaudia umui itaia vadaeni. Umui diba danu edena bamona lau abia mai umui, ugava manu ese iena hanina latanai iena natuna maragi ia abia mai bamona. Vadaeni umui lau hakaua mai inai gabu dekenai, bona lau dekenai umui noho inai.

ESEKIELA 20:28

Lau gwauhamata do lau henidia tano lalonai lau hakaudia vareai neganai, idia ese ororo latana ta o au namona ta idia itaia neganai idia ese boubou gaudia unai ororo o au ibounai dekenai idia henia. Bona inai bamona bouboudia idia gabua, bona uaina bouboudia idia bubua dekena amo idia ese lau idia habadua.’

MALAKI 1:5

Israela taudia ese inai kara be edia matana dekenai do idia itaia, bona do idia gwau, “Lohiabada ena siahu be bada, iseda tano lalonai sibona lasi, to Israela tano ena murimurinai danu!”

DEUTERONOMI 1:30

Lohiabada, emui Dirava, umui emui vairana dekenai ia raka noho Diravana ese umui dainai do ia tuari, Aigupito dekenai ia karaia hegeregerena.

DEUTERONOMI 20:4

Lohiabada emui Dirava ese kwalimu umui dekenai do ia henia.’

DEUTERONOMI 4:9

“Do umui naria namonamo! Emui mauri do umui naria, Lohiabada ena hoa kara do umui laloaboio garina. To emui mauri dinadia ibounai lalonai, emui matana idia itaia vadaeni hoa gaudia do umui laloatao. Umui emui natudia bona tubudia dekenai inai gaudia do umui hadibaia namonamo.

DEUTERONOMI 7:17

“Sedira do umui laloa inai bamona, bona do umui gwau, ‘Inai besedia be badadia momokani, edena bamona ita luludia diba?’

DEUTERONOMI 7:24

Edia king be umui emui siahu henunai do ia atodia. Do umui aladia, bona edia ladana be do idia boio momokani. Tau ta ese umui emui kara do ia koua diba lasi, to ibounai be do umui alaia ore.

IOSUA 10:14

Idaunegai momokani ia mai bona harihari be dina ta inai bamona ia vara lasi! Badina be unai dina dekenai Lohiabada ese tau ta ia kamonai henia. Lohiabada ese Israela taudia edia tuari lalonai ia danu ia tuari, Israela taudia durua totona!

IOSUA 10:42

Iosua ese inai gabudia edia king ibounai bona edia tano ibounai be unai nega tamona dekenai ia abia momokani, badina be Lohiabada, Israela ena Dirava, ese Israela bese totona ia tuari noho.

IOSUA 23:10

Umui ta ese taunimanima 1000 umui lulua diba, badina be Lohiabada, emui Dirava ese umui dainai ia tuari, umui dekenai ia gwauhamata hegeregerena.