IOSUA 23:15 - Buka Helaga (Hiri Motu) 1993

¹⁵ To Lohiabada, emui Dirava, ena gwauhamata namodia umui dekenai ia badinaia momokani hegeregerena, Lohiabada ese gau dikadia danu umui dekenai do ia mailaia diba, ela bona umui do ia hadikaia ore, bona inai tano namona, umui dekenai ia henia tano, dekena amo do umui boio.

IOSUA 23:15 Iomraidhean Croise

1 KING TAUDIA 14:15

Bona Lohiabada ese Israela do ia panisia, bona Israela be gari dainai do ia mareremarere, sinavai dekenai siriho ia mareremarere bamona. Lohiabada ese inai tano namona, edia sene taudia ia henidia tano dekena amo, Israela taudia do ia kokia, bona Euperate Sinavai unai kahana dekenai do ia luludia lao, badina idia dekenai ia badu momokani, Asera dirava hahine ena kaivakuku idia karaia dainai.

1 KING TAUDIA 8:56

Ia gwau, “Lohiabada do ita hanamoa, badina be ia ese iena bese Israela dekenai maino ia henia, iena gwauhamata ibounai hegeregere. Iena gwauhamata namodia ibounai, iena hesiai tauna Mose ena uduna dekenai ia gwauraia gaudia, be Lohiabada ese ia badinaia vadaeni.

ISAIA 24:6

Unai dainai Dirava ese tanobada ena latanai, iena hadikaia hereva ia atoa vadaeni, bona tanobada noho taudia, be edia kara dika dainai idia hisihisi noho. Do mauri noho taudia be tamona tamona sibona.

IEREMIA 32:24

“Babulonia taudia ese hanua magudia ibounai dekenai tano badana idia haboua vadaeni, hanua do idia tuari henia bona abia totona. Tuari, bona hitolo, bona hanaia gorere dainai, inai hanua be Babulonia taudia edia siahu henunai do ia moru. Oi ese oi gwauraia guna herevadia edia anina idia vara vadaeni, bona oi itaia noho.

IEREMIA 32:42

“Lau Lohiabada lau hereva inai: Inai dika bada ibounai be inai bese taudia edia latanai lau atoa vadaeni hegeregerena, lau ese danu lau gwauhamata henidia noho kara namodia ibounai, be ma edia latanai do lau atoa.

IEREMIA 35:17

Unai dainai, lau, Siahu Ibounai Lohiabada, Israela ena Dirava ese inai bamona lau hereva: Kamonai! Dika bada, Iuda bona Ierusalema dekenai noho taudia ibounai edia latanai lau gwauraia vadaeni gauna, be idia dekenai do lau havaraia, badina be lau hereva henia vadaeni, to idia kamonai lasi, bona idia dekenai lau boiboi, to idia haere lasi.”

LEVITIKO 26:3

“Bema lauegu taravatu umui badinaia bona lauegu oda umui kamonai henia,

1 TESALONIKA 2:16

Idia ese danu aiemai haroro gaukara idia koua toho. Oibe, Iuda lasi taudia do idia mauri totona ai haroro noho, be Iuda taudia ese aiemai dala idia ura koua gwauraia. Inai dala dekenai edia kara dika, nega ibounai idia karaia vadaeni gaudia, idia habadaia momokani vadaeni. Unai dainai hari Dirava ena badu idia dekenai ia ginidae momokani vadaeni.

GUNALAIA TAUDIA 13:1

Israela taudia ma Lohiabada dekenai idia kara dika lou. Vadaeni Lohiabada ese Pilistia taudia edia siahu henunai ia atodia, lagani 40 lalonai.

GUNALAIA TAUDIA 3:12

Vadaeni Israela taudia be ma Lohiabada ena vairanai idia kara dika lou. Unai dainai Lohiabada ese Egalona, Moaba ena king ia hagoadaia, iena goada ese Israela ena goada ia hanaia.

GUNALAIA TAUDIA 3:8

Vadaeni, Lohiabada ese Israela taudia ia badu henidia, bona ia durudia lasi dainai, Kusana Risataimi, Mesopotamia ena king, ese idia ia halusia. Vadaeni Israela taudia ese unai tau ena hesiai gaukara lagani 8 lalonai idia karaia.

GUNALAIA TAUDIA 6:1

Israela taudia ma idia kara dika Lohiabada ena vairana dekenai. Vadaeni Lohiabada ese Midiana taudia edia siahu henunai Israela taudia ia atodia, ela bona lagani 7 idia ore.