IOSUA 23:14 - Buka Helaga (Hiri Motu) 1993

¹⁴ “Nega daudau lasi lalonai lau be taunimanima ibounai edia dalana hegeregerena do lau mase. Umui ibounai be emui lalona, bona emui laumana dekenai umui diba, Lohiabada, emui Dirava, ese iena gwauhamata namodia ibounai umui dekenai ia hamomokania vadaeni, idia ta ia reaia lasi. Ibounai idia vara momokani, ta ia moru lasi.

IOSUA 23:14 Iomraidhean Croise

GENESE 47:29

Iena mase ia kahirakahira neganai, iena natuna Iosepa dekenai ia boiria. Ia gwau, “Mani emu kara, oiemu imana lauegu mamuna henunai do oi atoa. Vadaeni mai momokani danu do oi gwauhamata inai kara namona do oi karaia, lau oi lalokau henia toana: Aigupito dekenai lau do oi guria lasi.

1 KING TAUDIA 2:2

“Lauegu mase be kahirakahira. Do oi laloa goada, bona kara goada tauna do oi lao.

1 KING TAUDIA 8:56

Ia gwau, “Lohiabada do ita hanamoa, badina be ia ese iena bese Israela dekenai maino ia henia, iena gwauhamata ibounai hegeregere. Iena gwauhamata namodia ibounai, iena hesiai tauna Mose ena uduna dekenai ia gwauraia gaudia, be Lohiabada ese ia badinaia vadaeni.

IOBU 30:23

Lau diba oi ese lau do oi alaia mase, bona taunimanima ibounai edia dokona gabuna dekenai, lau do oi siaia lao.

ESODO 3:8

Lau diho mai inai, Aigupito taudia edia imana dekena amo do lau hamauridia totona. Unai tano dekena amo dohore lau hakaudia, ia lao bona tano namo herea dekenai. Tano badana dekenai dohore idia ginidae. Unai tano be aniani namodia gabuna, Kanana taudia edia tano unai, Hiti taudia edia, bona Amoro taudia edia, bona Perisi taudia edia, bona Hivi taudia edia, bona Iebusu taudia edia.

HADIBAIA TAUNA 12:5

Unai neganai danu oi be ataiai gabudia dekenai do oi gari, bona dala dekenai oi raka neganai, moru garina do oi gari. Oiemu huina be do idia kurokuro, bona mai hekwarahi danu do oi raka lao. Ma oi manoka dainai, oiemu hahine do oi sihari henia diba lasi. Badina ita be iseda laga-ani gabuna, dokona dekenai ita lao noho, bona mase dainai idia taitai taudia be ariara dekenai idia tai noho.

HADIBAIA TAUNA 9:10

Oiemu imana ese ia davaria gaukara ibounai, be do oi karaia mai oiemu goada ibounai danu. Badina be mase taudia edia gabu, oi lao gabuna, dekenai be kara ta lasi, laloa ta lasi, diba bona aonega ta lasi.

ESEKIELA 20:28

Lau gwauhamata do lau henidia tano lalonai lau hakaudia vareai neganai, idia ese ororo latana ta o au namona ta idia itaia neganai idia ese boubou gaudia unai ororo o au ibounai dekenai idia henia. Bona inai bamona bouboudia idia gabua, bona uaina bouboudia idia bubua dekena amo idia ese lau idia habadua.’

NUMERA 23:19

Dirava be taunimanima bamona lasi, mai ena koikoi lasi, Dirava be taunimanima ena natuna bamona lasi, mai ena laloa rua lasi. Dirava ia hereva vadaeni gauna, be do ia karaia lasi, a? Dirava ia gwauhamata neganai, iena gwauhamata do ia hamomokania lasi, a?

LUKA 21:33

Guba bona tanobada do idia boio, to lauegu hereva be do ia boio lasi.

HEBERU 9:27

Taunimanima ibounai be nega tamona sibona do idia mase. Unai murinai Dirava ese idia do ia kota henia.

1 SAMUELA 3:19

Samuela ia tubu noho ela bona ia bada, ena dina ibounai lalonai, Lohiabada ese ia dekenai ia noho. Vadaeni Samuela ese ia gwauraia hereva ibounai, be Lohiabada ese ia hamomokania.