IOSUA 23:13 - Buka Helaga (Hiri Motu) 1993

¹³ Lohiabada, emui Dirava ese unai idau bese taudia emui vairana dekenai do ia lulua lao lasi. Lasi momokani, to idia be do idia noho, tarapu o rikiriki bamona, bona idia ese umui do idia hisihisi henia, kwadia gauna emui doruna dekenai, o ginigini emui matana dekenai bamona. Bona inai bamona kara do idia vara noho, ela bona inai tano namona, Lohiabada, emui Dirava ese umui ia henia tano, dekena amo do umui boio.

IOSUA 23:13 Iomraidhean Croise

1 KING TAUDIA 11:4

Badina be Solomona ia buruka vadaeni neganai, iena adavana ese iena lalona idia veria, dirava idaudia dekenai, bona ia ese Lohiabada, iena Dirava, ia badinaia momokani lasi, iena tamana Davida ese ia badinaia bamona.

2 KING TAUDIA 17:18

Unai dainai, Lohiabada ese Israela taudia dekenai ia badu henia momokani, bona iena vairana dekena amo idia ia lulua lao, ta ia noho lasi, Iuda iduhu taudia sibona.

2 KING TAUDIA 17:20

Vadaeni Lohiabada ese Israela besena ibounai ia negea, bona ia hisihisi henidia. Bona Lohiabada ese idia dekenai idia dagedage taudia edia siahu henunai ia atodia, ela bona iena vairana dekena amo idia ia negea ore.

2 KING TAUDIA 25:21

Unuseni Babulonia ena king ese idia ia botaia, bona ia aladia mase. Unai bamona dala dekenai, Iuda taudia be mai guia danu, edia tano dekena amo, Babulonia taudia ese idia abia lao, daudau gabuna dekenai idia noho.

2 KING TAUDIA 25:26

Vadaeni Israela taudia ibounai, maragidia bona badadia, bona tuari biagudia idia toreisi, Aigupito dekenai idia lao. Badina be idia ese Babulonia taudia dekenai idia gari henia.

SALAMO 69:22

Vadaeni, gabeai aniani bada ena aria do idia karaia neganai, lau ura inai aria ese idia do ia hadikaia ore. Bona aria helagana idia karaia neganai, lau ura inai kara ese, idia do ia hamorua momokani.

ESODO 10:7

Vadaeni Farao dekenai, iena hesiai taudia ese idia hereva, idia gwau, “Inai tau ese dika momo ita dekenai do ia henia noho ia lao bona edena negai? Inai taudia oiemu imana dekena amo oi negea, do idia lao, Lohiabada, idia edia Dirava dekenai do idia tomadiho lao, ia namo. Aigupito ia dika momokani vadaeni, oi diba lasi, a?”

ESODO 23:33

“Idia be emui tano dekenai do idia noho lasi, idia ese umui do idia hakaua kerere, vadaeni do umui kara dika lauegu vairana dekenai garina. Bema umui ese edia dirava dekenai umui tomadiho, umui be dika momokani do umui davaria.”

ESODO 34:12

Do umui naria namonamo, do umui lao gabudia edia noho taudia danu do umui gwauhamata karaia lasi, hekwakwanai dekenai do umui moru garina.

ESODO 34:16

Bona Israela taudia edia natudia tau ese unai bese idauidau hahine do idia adavaia lasi. Badina unai hahine ese edia dirava idia tomadiho henia neganai, unai Israela taudia ese lau do idia rakatania, vadaeni edia adavana edia dirava do idia tomadiho henia garina.

ESEKIELA 28:24

Lohiabada ia gwau, “Israela tano idia hegegea noho bese taudia ese ava ginigini o au ginigini bamona Israela taudia do idia hisihisi henidia lou lasi, bona idia ese Israela taudia do idia hereva dika henia o negea lou lasi, guna idia karaia bamona. Unai neganai do idia diba lau be Lohiabada Dirava.”

NUMERA 33:55

“To bema unai tano dekenai idia noho taudia umui lulua ore lasi, idia do noho taudia ese umui do idia hakererea, emui matana dekenai kahu bamona, o emui kopina dekenai au ginigini bamona. Idia ese umui noho tano dekenai umui do idia tuari henia.

LUKA 21:24

Haida be kaia edia matana dekenai do idia mase, haida be do idia abia mauri, idau hanua idau hanua dekenai do idia abia lao. Idau bese taudia ese aena dekenai Ierusalema do idia moia tao, ia lao bona unai idau bese edia nega do ia ore.

DEUTERONOMI 29:28

Iena badu ena siahu dekena amo Lohiabada ese inai bese taudia edia tano dekena amo ia kokia, bona idia ia lulua lao, idau tano dekenai do idia noho, hari inai dina dekenai idia noho gabuna.’

DEUTERONOMI 30:18

lau ese hari dina umui lau hamaoroa, umui be do umui mase ore. Ioridane Sinavai do umui hanaia, to unai tano, do umui abia bona noholaia tanona dekenai do umui mauri daudau lasi.

DEUTERONOMI 4:26

Lau ese hari dina dekenai guba ena ladana dekenai bona tanobada ena ladana dekenai umui lau hamaoroa, bema lau dekenai umui kamonai henia lasi, unai tano dekenai do umui noho daudau lasi. Oibe, Ioridane Sinavai do umui hanaia murinai umui abia tanona dekenai do umui mauri daudau lasi, to do umui mase ore.

DEUTERONOMI 7:16

To Lohiabada, emui Dirava, ese emui siahu henunai ia atoa bese ibounai, be do umui alaia ore. Do umui bogahisihisi henidia lasi, bona edia dirava do umui tomadiho henidia lasi. Badina be unai bamona umui karaia neganai kerere do umui davaria.

2 TIMOTEO 2:26

Guna Satani ese iena koikoi dekena amo idia ia abia, vadaeni iena ura idia karaia. To bema hereva momokani idia davaria bona diba neganai, edia laloa do idia maoromaoro, vadaeni Satani ena koikoi dekena amo do idia roho mauri.

GUNALAIA TAUDIA 2:21

lau ese Iosua ia mase murinai idia do noho idau bese taudia, be do lau lulua lao lasi Israela taudia edia vairana dekena amo.