IOSUA 23:12 - Buka Helaga (Hiri Motu) 1993

¹² Badina be bema Lohiabada dekena amo umui raka siri, bona inai idau bese taudia, emui huanai do noho taudia danu bema umui turana karaia, bona idia danu umui headava neganai,

IOSUA 23:12 Iomraidhean Croise

GENESE 2:24

Unai dainai tau ese tamana sinana do ia rakatania, iena adavana dekenai do ia noho, ruaosi be tauanina tamona do idia lao.

GENESE 34:3

To Sekema ese unai kekeni ia ura henia dikadika, bona ia lalokau henia dainai, Daina ena lalona hanamoa totona bogahisihisi hereva ia henia.

1 KING TAUDIA 11:2

Unai bese edia hahine be Lohiabada ese Israela taudia dekena amo ia taravatua, ia gwau, “Unai bese taudia do umui adavaia lasi, bona idia ese umui do idia adavaia lasi, badina idia ese momokani emui lalona do idia veria, edia dirava do umui tomadiho henia.” To Solomona ese unai hahine momo ia ura henia dikadika.

1 KING TAUDIA 11:4

Badina be Solomona ia buruka vadaeni neganai, iena adavana ese iena lalona idia veria, dirava idaudia dekenai, bona ia ese Lohiabada, iena Dirava, ia badinaia momokani lasi, iena tamana Davida ese ia badinaia bamona.

SALAMO 125:5

To oi ese kara dika taudia edia dika davana oi henia neganai, mani emu kara, oiemu dala idia rakatania taudia danu edia dika davana do oi henia. Israela dekenai maino ia noho, be namo!

SALAMO 36:3

Unai tau ena hereva be dika, bona mai ena koikoi bada danu. Ia ese aonega kara bona kara namo ia hadokoa vadaeni.

ISAIA 1:4

Kara dika besena e! Emui kerere ese umui ia hametaua noho. Umui be dika taudia momokani, bona kara koikoi dekenai umui manada vadaeni. Umui ese Lohiabada umui rakatania vadaeni. Umui ese Israela ena Dirava Helagana umui negea vadaeni, bona ia dekena amo umui raka siri vadaeni.

ESEKIELA 18:24

“To bema kara maoromaoro tauna ta ese iena kara maoromaoro ia rakatania, bona kara dikadia momokani idauidau, tau dikadia idia karaia noho gaudia, ia karaia neganai, ia be do ia mauri noho, a? Lasi. Iena kara namodia ibounai be Kota Badana lalonai do idia laloaboio momokani, bona iena koikoi kara bona iena kara dika dainai ia be do ia mase.

SEPANAIA 1:6

Bona egu murinai idia raka dalana idia rakatania taudia, bona lau idia tahua lasi, o lau idia nanadaia lasi taudia, idia danu do lau hadikaia ore.”

MATAIO 12:45

Vadaeni ia ese lauma idia dika momokani 7 ma ia hakaua lao, ibounai idia raka vareai, ruma lalonai idia noho. Unai dainai, unai tau be hamatamaia neganai ena dika be sisina ia maragi, to dokona dekenai iena dika be ia bada herea.”

IOANE 6:66

Unai neganai iena diba tahua taudia momo ese Iesu idia rakatania, bona ia danu idia raka hebou lou lasi.

ROMA 12:9

Taunimanima umui lalokau henia koikoi lasi, to umui lalokau henia momokani. Dika do umui negea momokani, to namo do umui dogoatao momokani.

DEUTERONOMI 6:15

Badina be Lohiabada, emui Dirava, umui dekenai ia noho Diravana, ia ura lasi idau dirava umui laloa. Unai bamona umui karaia neganai, iena badu be lahi bamona umui do ia gabua ore, tanobada ena kopina dekena amo.

DEUTERONOMI 7:3

Unai bese taudia ta do umui adavaia lasi, umui emui natudia kekeni be edia uhau taudia dekenai do umui henidia lasi, bona edia natudia kekeni do umui abidia lasi emui uhau totona.

DEUTERONOMI 7:4

Badina unai bamona neganai, idia ese emui natudia Lohiabada dekena amo do idia hakaua siri, idau dirava tomadiho henia totona. Unai bamona ia vara neganai, Lohiabada ese umui do ia hadikaia ore haraga.

IOSUA 23:11

“Unai dainai, do umui naria namonamo, Lohiabada, emui Dirava do umui lalokau henia.

1 IOANE 2:9

Bema tau ta ia gwau, “Lau be diari lalonai lau noho,” to ia ese iena tadikakana ia badu henia noho, unai tau be do dibura lalonai ia noho.

GUNALAIA TAUDIA 14:3

To Samson ena tamana bona sinana ese ia dekenai idia sisiba, idia gwau, “Kekeni namona ta oiemu bese dekenai ia noho lasi, a? Badina dahaka unai Dirava diba lasi Pilistia taudia edia huanai oiemu adavana ta oi tahua?” To Samson ese iena tamana ia hamaoroa, ia gwau, “Unai kekeni be lau ura henia. Ia do umui abia, lau totona.”

GUNALAIA TAUDIA 3:6

Idia ese unai bese taudia edia natudia kekeni idia adavaia, bona edia natudia kekeni be unai bese edia uhau taudia dekenai idia henia, do idia adavaia totona. Ma Israela taudia ese danu unai bese taudia edia dirava edia hesiai gaukara idia karaia.