IOSUA 23:11 - Buka Helaga (Hiri Motu) 1993

¹¹ “Unai dainai, do umui naria namonamo, Lohiabada, emui Dirava do umui lalokau henia.

IOSUA 23:11 Iomraidhean Croise

ESODO 20:6

To lau dekenai idia lalokau henia taudia bona egu taravatu idia badinaia taudia do lau lalokau henia. Bona edia tubuna taudia momo momo herea danu do lau lalokau henia.

AONEGA HEREVADIA 4:23

To gau badana momokani, oiemu kudouna, oiemu laloa ia havaraia gauna, do oi naria namonamo, badina be oiemu laloa dekena amo, oiemu mauri be ia heau noho.

LUKA 21:34

“Do umui naria namonamo, aniani bona kekero muramura bona tanobada ena laloa metau momo gaudia ese emui lalona do idia guia garina, vadaeni Lohiabada ena Dina do ia mai haraga, umui hegaegae lasi garina.

ROMA 8:28

Bona ita diba, Dirava idia lalokau henia taudia dekenai, dahaka dahaka idia vara gaudia ibounai ese unai taudia edia mauri do idia hanamoa. Inai taudia Dirava ese ia abia hidi iena ura gaudia do idia karaia totona.

1 KORINTO 16:22

Bema tau ta ese Lohiabada Iesu ia ura henia lasi, unai tau madi ia be dika momokani! Lohiabada Iesu e, mani oi mai!

1 KORINTO 8:3

To tau ta ese bema Dirava ia lalokau henia, Dirava be ia diba momokani unai tau be iena.

EFESO 5:15

Unai dainai umui emui kara do umui naria namonamo. Aonega taudia bamona do umui noho, kavakava taudia bamona lasi.

DEUTERONOMI 30:16

Lohiabada emui Dirava ena oda, hari dina umui dekenai lau henia gaudia do umui kamonai henia. Bema unai bamona umui karaia, bona bema Lohiabada umui lalokau henia, iena dala do umui raka, bona iena taravatu ibounai do umui badinaia, umui be do umui mauri. Bona Lohiabada ese umui do ia hagoadaia, vadaeni emui bese do ia habadaia. Oibe, Lohiabada ese umui do ia hanamoa, do umui raka vareai bona abia tanona lalonai.

DEUTERONOMI 30:20

Lohiabada emui Dirava do umui lalokau henia, bona iena hereva do umui kamonai henia, bona Lohiabada do umui badinaia namonamo. Unai neganai ia be emui mauri ena badina, bona ia ese mauri lagani momo herea umui dekenai do ia henia. Bona emui sene taudia Aberahamo bona Isako bona Iakobo dekenai Lohiabada ese ia gwauhamata henidia tano lalonai do umui noho daudau herea.”

DEUTERONOMI 4:15

“Lohiabada ese Sinai Ororo ena lahi dekena amo umui dekenai ia hereva dinana dekenai iena toana umui itaia lasi. Unai dainai do umui naria namonamo,

DEUTERONOMI 4:9

“Do umui naria namonamo! Emui mauri do umui naria, Lohiabada ena hoa kara do umui laloaboio garina. To emui mauri dinadia ibounai lalonai, emui matana idia itaia vadaeni hoa gaudia do umui laloatao. Umui emui natudia bona tubudia dekenai inai gaudia do umui hadibaia namonamo.

HEBERU 12:15

Umui naria namonamo, umui ta ese Dirava ena hariharibada do ia reaia garina. Umui ta be au dikana bamona do umui tubu lasi. Badina be ia tubu neganai, iena poisini ese hisihisi bona kerere momo umui emui huanai do ia havaraia garina.

IOSUA 22:5

Lohiabada ena hesiai tauna Mose ese umui dekenai ia henia oda bona taravatu do umui kamonai henia momokani. Bona Lohiabada, emui Dirava, do umui lalokau henia, iena dala dekenai do umui raka namonamo, bona iena oda do umui kamonai henia. Io, Lohiabada do umui badinaia momokani, bona iena hesiai gaukara do umui karaia, mai emui kudouna ibounai, bona mai emui lauma ibounai danu.”

IOSUA 23:10

Umui ta ese taunimanima 1000 umui lulua diba, badina be Lohiabada, emui Dirava ese umui dainai ia tuari, umui dekenai ia gwauhamata hegeregerena.

IOSUA 23:12

Badina be bema Lohiabada dekena amo umui raka siri, bona inai idau bese taudia, emui huanai do noho taudia danu bema umui turana karaia, bona idia danu umui headava neganai,