IOSUA 23:10 - Buka Helaga (Hiri Motu) 1993

¹⁰ Umui ta ese taunimanima 1000 umui lulua diba, badina be Lohiabada, emui Dirava ese umui dainai ia tuari, umui dekenai ia gwauhamata hegeregerena.

IOSUA 23:10 Iomraidhean Croise

2 SAMUELA 23:8

Davida ena goada herea taudia edia ladana be inai: Ioseba Basebeta, Takemono tauna. Ia be “Tuari Lohia Taudia Toi” edia orea ena tau ginigunana. Ia ese tuari ta lalonai iena io dekena amo tau ibounai 800 ia alaia mase.

1 SIVARAI 5:20

Idia ese Dirava idia abidadama henia, bona Dirava idia noia, ia ese idia do ia durua, bona Dirava ese edia noinoi ia kamonai. Vadaeni idia ese Hagara taudia bona edia durua taudia idia halusia.

1 SIVARAI 5:22

Momo herea danu idia alaia mase, badina be unai tuari be Dirava ena ura. Vadaeni Rubena, Gado, bona Manase iduhu kahana taudia be unai tano dekenai idia noho ela bona Asuria taudia ese Asuria dekenai mai guia danu idia abidia lao.

SALAMO 35:1

Lohiabada e, lau dekenai idia heai noho taudia, be oi ese do oi heai henidia, bona lau dekenai idia tuari henia noho taudia, be do oi tuari henidia.

SALAMO 46:7

Siahu Ibounai Lohiabada be ita dekenai ia noho. Iakobo ena Dirava be iseda heau mauri gabuna.

ESODO 14:14

Lohiabada be umui totona do ia tuari karaia, umui be do umui noho kava sibona.”

ISAIA 30:17

Umui emui taudia 1000 ese tuari tauna ta do idia itaia neganai, do idia heau, bona tuari taudia 5 umui itaia neganai, gari dainai do umui heau boio. Bona emui tuari taudia ibounai do idia heau dainai, pepe tamona sibona be ororo ena ataiai dekenai do ia noho.”

LEVITIKO 26:7

“Umui dekenai idia tuari henia taudia dekena amo do umui kwalimu, do umui luludia, bona emui tuari kaia dekena amo do umui aladia mase.

LEVITIKO 26:8

Umui 5 ese 100 do umui lulua lao, do umui halusidia, bona umui emui taudia 100 ese 10,000 do umui halusia. Badina umui dekenai idia tuari taudia ibounai be umui ese do umui alaia mase.

SEKARAIA 12:8

Unai nega lalonai, lau Lohiabada ese Ierusalema noho taudia do lau naria, bona edia goada lasi taudia danu, be goada do idia abia, Davida ena goada hegeregerena. Bona Davida ena tubuna taudia ese Ierusalema taudia do idia gunalaia, Lohiabada ena aneru bamona, oibe, Dirava sibona ese idia ia gunalaia bamona.

ROMA 8:31

Inai gaudia be edena bamona ma do ita herevalaia? Bema Dirava ese ita ia durua neganai, daika ese ita do ia hadikaia diba?

DEUTERONOMI 20:3

do ia gwau, ‘Israela taudia e, hari dina umui be do umui tuari momokani. Umui dekenai idia tuari henia taudia dekenai do umui gari lasi, do umui boga auka bona do umui daradara sisina lasi.

DEUTERONOMI 20:4

Lohiabada emui Dirava ese kwalimu umui dekenai do ia henia.’

DEUTERONOMI 28:7

“Lohiabada ese umui dekenai idia tuari henia taudia do ia halusia. Dala tamona dekena amo umui dekenai do idia mai, to dala 7 dekena amo, umui emui vairana dekena amo do idia heau.

DEUTERONOMI 3:22

Unai dainai idia dekenai do oi gari lasi, badina be Lohiabada oiemu Dirava ese oi totona do ia tuari.”

DEUTERONOMI 32:20

Ia gwau, “Lauegu vairana be idia dekena amo do lau hunia, bona edia dokona be do lau itaia, badina idia be dagedage taudia. Idia be mai edia abidadama lasi taudia.

DEUTERONOMI 32:30

Badina dahaka tau tamona sibona ese, Israela ena tatau 1000 ia lulua diba? Bona tau rua sibona ese Israela tatau 10,000, edena bamona idia halusia diba? Badina be inai: Edia Dirava ese idia ia rakatania vadaeni. Edia Siahu Ibounai Dirava ese idia ia negea vadaeni.

IOSUA 10:42

Iosua ese inai gabudia edia king ibounai bona edia tano ibounai be unai nega tamona dekenai ia abia momokani, badina be Lohiabada, Israela ena Dirava, ese Israela bese totona ia tuari noho.

IOSUA 23:11

“Unai dainai, do umui naria namonamo, Lohiabada, emui Dirava do umui lalokau henia.

IOSUA 23:3

Lohiabada, emui Dirava ese inai idau bese taudia dekenai umui dainai ia karaia gaudia, be umui itaia vadaeni. Lohiabada, emui Dirava ese umui dainai ia tuari vadaeni.

GUNALAIA TAUDIA 15:15

Vadaeni ia ese doniki ena auki turiana matamata ia davaria, iena imana dekenai ia dogoatao, tatau 1000 unai turia dekena amo ia aladia mase.

GUNALAIA TAUDIA 3:31

Ehuda ena murinai, be Samiga Anata ia toreisi. Ia ese Pilistia taudia ibounai 600 be io maragina ta dekena amo ia alaia. Unai io, be boromakau do ia gaukara namonamo totona matakani henia gauna. Samiga ese danu Israela ia hamauria.

1 SAMUELA 14:6

Ionatana ese iena kesi huaia tauna ia hamaoroa, ia gwau, “Oi mai, harihari unai Dirava diba lasi Pilistia taudia edia kamepa dekenai do ita lao. Sedira Lohiabada ese ita do ia durua. Badina be bema Lohiabada ese ita ia durua neganai, taunimanima ese ita idia koua diba lasi. Lohiabada ia ura hamauria kara ia karaia neganai, taunimanima momo, o taunimanima momo lasi, be idia koua diba lasi.”