IOSUA 23:1 - Buka Helaga (Hiri Motu) 1993

¹ Nega daudau ia lao vadaeni, bona Lohiabada ese Israela taudia dekenai laga-ani ia henia. Idia dekenai idia tuari gwauraia taudia, Israela idia hagegea taudia be Lohiabada ese ia koua. Unai neganai Iosua be ia buruka, iena mauri lagani be momo.

IOSUA 23:1 Iomraidhean Croise

GENESE 25:8

Vadaeni ia mase, ia buruka momokani neganai, bona iena varavara mase taudia danu ia haboua.

1 KING TAUDIA 1:1

King Davida ia buruka vadaeni, iena mauri lagani be momo. Dabua momo ia karaia, to unai dabua ese iena tauanina idia hasiahua lasi.

1 SIVARAI 23:25

Badina be Davida ia gwau, “Lohiabada, Israela ena Dirava, ese iena bese taudia dekenai maino ia henia, bona ia, Dirava be Ierusalema dekenai do ia noho ela bona hanaihanai.

1 SIVARAI 27:1

Israela taudia edia iduhu lohia taudia bona tuari orea edia biagudia, bona king ena hesiai gaukara idia karaia opesa taudia edia ladadia be inai. Tuari orea be 12, bona lagani ibounai lalonai, hua ta ta dekenai, orea ma ta ese basileia naria gaukara idia karaia, edia nega, edia nega dekenai. Tuari orea ta ta edia tuari taudia be 24,000.

2 SIVARAI 14:1

Vadaeni Abaisa ia mase, bona Davida ena Hanua lalonai idia guria, iena tubuna bona tamana edia guria gabuna dekenai. Abaisa ena gabu dekenai iena natuna Asa ese king dagi ia abia. Asa iena lohia nega lalonai tano be ia maino noho, lagani 10 lalonai.

2 SIVARAI 14:5

Iuda hanua ibounai edia lalonai Asa ese ataiai idia noho tomadiho gabudia, bona bonana namo muramura patadia ia kokia ore dainai, iena basileia be mai maino danu ia noho.

2 SIVARAI 20:30

Unai dainai, Iehosapata ese iena basileia be mai maino danu ia biagua, badina be Dirava ese tano ena kahana ibounai dekenai laga-ani ia henia.

SALAMO 46:9

Tuari be Dirava ese ia hadokoa noho, tanobada kahana ibounai dekenai. Ia ese peva ia makohia noho, bona io be ia ese ia hakwaidua noho. Kariota be ia ese lahi dekenai ia gabua noho.

ISAIA 63:14

Boromakau be edia biaguna ese rei namona gabuna dekenai ia hakaudia bamona, Lohiabada ese iena bese dekenai laga-ani ia henidia. Ia ese iena bese taudia ia hakaua namonamo, bona unai dainai iena ladana be bada momokani.

DEUTERONOMI 31:2

Bona ia ese ma idia dekenai ia gwau, “Hari dina dekenai lauegu mauri dinadia be 120. Lauegu goada be hegeregere lasi umui do lau hakaua noho. Bona Lohiabada ese lau ia hamaoroa vadaeni, ia gwau, ‘Oi be inai Ioridane Sinavai do oi hanaia lasi.’

IOSUA 11:23

Unai dainai Iosua ese tano ibounai ia abia, Lohiabada ese Mose ia oda henia hereva ibounai hegeregerena. Inai tano be Iosua ese Israela taudia dekenai ia henia, edia tano. Idia dekenai tano ia haria lao, edia iduhu ta ta dekenai tano kahana ta ia henia. Vadaeni taunimanima be tuari dekena amo idia laga-ani.

IOSUA 13:1

Iosua be ia buruka vadaeni, iena mauri lagani be momo herea. Lohiabada ese ia hereva henia, ia gwau, “Oi be oi buruka vadaeni, oiemu mauri lagani be momo herea, to tano bada herea be do noho, umui do abia lasi.

IOSUA 21:44

Vadaeni Lohiabada ese maino mai laga-ani danu idia dekenai ia henia, edia tano kahana ibounai dekenai, ia ese edia sene taudia dekenai ia gwauhamata hegeregerena. Idia dekenai idia tuari taudia ibounai, ta ese idia ia koua diba lasi, badina be Lohiabada ese tuari taudia ibounai dekena amo Israela taudia dekenai kwalimu ia henia.

IOSUA 22:4

Harihari, Lohiabada, emui Dirava, ese emui varavara Israela taudia dekenai maino ia henia vadaeni, ia gwauhamata henia hegeregerena. Unai dainai do umui giroa lou, emui tano korikori, Lohiabada ena hesiai tauna Mose ese umui dekenai ia henia tano, Ioridane Sinavai unai kahana dekenai do umui giroa lou.

1 SAMUELA 12:2

Vadaeni harihari king ta umui abia, emui gunalaia tauna, to lau be lau buruka vadaeni. Lauegu huina ia kurokuro vadaeni, lauegu natuna danu umui itaia noho, umui dekenai idia noho. Lau be umui lau gunalaia, lau uhau neganai ia mai bona hari dina.