IOSUA 22:9 - Buka Helaga (Hiri Motu) 1993

⁹ Unai dainai Rubena iduhu, Gado iduhu, bona Manase iduhu kahana taudia be edia gabu korikori dekenai idia giroa lao. Idia ese Israela taudia oredia Silo, Kanana tano dekenai idia rakatania, bona edia tano, Gileada dekenai idia giroa lao hamatamaia. Unai Gileada tano idia abia guna vadaeni, Lohiabada ese Mose dekenai unai bamona ia oda henidia dainai.

IOSUA 22:9 Iomraidhean Croise

2 SAMUELA 2:9

Unuseni Abinere ese Isiboseta king ia halaoa, inai tanodia dekenai: Gileada, Asuru, Ieserele, Eparaima bona Beniamina, bona Israela kahana ibounai.

1 SIVARAI 5:9

Dina ia daekau kahana dekenai danu idia noho, ela bona tano kaukau raka vareai gabuna, Euperate Sinavai inai kahana dekenai, badina be edia boromakau momo be Gileada tano dekenai idia noho.

SALAMO 60:7

Gileada be egu tano, Manase danu be lauegu. Eparaima be egu tuari kwara gauna, bona Iuda be egu dagi toana auna.

NUMERA 32:1

Rubena bona Gado iduhu taudia be mai edia boromakau bona mamoe momo herea. Idia itaia, Iasera bona Gileada tano be boromakau bona mamoe totona tano namo herea, rei namona gabuna.

NUMERA 32:20

Mose ia haere, ia gwau, “Vadaeni, inai bamona do umui karaia. Umui emui tuari gaudia do umui abia, bona Lohiabada ena vairana dekenai do umui raka lao, do umui tuari totona.

NUMERA 32:22

Bona unuseni do umui noho, ela bona Lohiabada ese tano ibounai do ia abia momokani. Unai murinai umui be inai gabu dekenai umui giroa mai diba, badina be Lohiabada bona Israela taudia durua totona kara umui karaia haorea vadaeni. Bona unai neganai Lohiabada ese do ia gwauraia, inai tano, Ioridane Sinavai ena dina daekau kahana tano be umui emui.

NUMERA 32:26

Aiemai natuna maragidia bona aiemai adavana bona aiemai mamoe bona boromakau be iniseni do idia noho, Gileada hanua badadia dekenai.

NUMERA 32:29

“Bema Gado bona Rubena taudia ese mai edia tuari gaudia danu Ioridane Sinavai idia hanaia, Lohiabada ena vairana dekenai, bona umui danu idia tuari murinai, tano do umui abia neganai, Gileada tano be idia dekenai do umui henia, edia tano.

DEUTERONOMI 3:18

Ma Mose ia gwau, “Unai neganai lau ese idia lau hamaoroa, lau gwau: Lohiabada emui Dirava ese inai tano umui dekenai ia henia vadaeni, emui tano. To hari emui goada taudia ibounai ese edia tuari gaudia do idia abia, bona Ioridane Sinavai do umui hanaia, emui varavara Israela taudia edia vairana dekenai.

DEUTERONOMI 3:20

Do umui tuari noho, ela bona Lohiabada ese do ia henidia tano, Ioridane Sinavai ena dina diho kahanai be emui varavara taudia ese do idia noholaia, mai edia maino bona laga-ani danu, umui ese noho namo gabuna umui abia vadaeni bamona. Unai murinai umui giroa mai diba, bona inai umui dekenai lau henia vadaeni tano dekenai do umui noho.

DEUTERONOMI 34:1

Mose be Moaba ena tano palaka dekena amo Nebo Ororo dekenai ia lao. Ia daekau lao Pisiga Ororo atai dekenai, Ieriko ena dina daekau kahana dekenai. Unuseni Lohiabada ese tano ibounai Mose dekenai ia hedinaraia, Gileada tanona ela bona Dano.

IOSUA 13:11

Bona Gileada, bona Gesuru taudia, bona Makata taudia edia tano, bona Heremona Ororo ibounai, bona Basana tano ibounai ela bona Saleka.

IOSUA 13:25

Edia tano be Iasere, bona Gileada dekenai noho hanua ibounai, bona Amono taudia edia tano kahana, ela bona Aroere, Raba ena dina daekau kahana dekenai.

IOSUA 13:31

Gileada ena kahana danu be Manase iduhu kahana taudia edia, bona Asataroto bona Ederei, Oga ena basileia hanua badadia Basana lalonai. Unai hanua bona gabudia be Mose ese Makiri Manase ena bese taudia dekenai ia henia. Makiri iduhu kahana taudia ese inai tano idia abia, edia bese ta ta dekena amo, edia tano korikori.

IOSUA 22:10

Idia be Ioridane Sinavai ena isena dekenai, gabu ta ladana Geliloto dekenai idia ginidae, Kanana tano dekenai. Unuseni Rubena iduhu bona Gado iduhu bona Manase iduhu kahana taudia ese boubou patana badana ta idia haginia, Ioridane Sinavai ena badibadinai.

GUNALAIA TAUDIA 20:1

Vadaeni Israela taudia ibounai ese inai hereva idia kamonai, bona idia ibounai be mai lalona tamona Lohiabada ena vairana dekenai idia haboua Misipa dekenai, Dano dekena amo, ela bona Bere Sieba, bona Gileada kahana dekena amo danu.

GUNALAIA TAUDIA 5:17

Gileada taudia be Ioridane Sinavai unai kahana dekenai idia noho. Dano iduhu taudia be dahaka dainai lagatoi dekenai idia helai noho? Asere iduhu taudia be kone dekenai idia noho kava. Sinavai ena vopu dekenai idia gini kava.