IOSUA 22:8 - Buka Helaga (Hiri Motu) 1993

⁸ “Emui noho ruma dekenai do umui giroa lao, mai emui kohu momo, mai emui boromakau bona mamoe, mai emui siliva, golo, auri laboralabora, bona mai emui dabua momo danu. Tuari dekenai umui abia kohu, be umui bona emui varavara taudia danu, emui huanai do umui haria karaia.”

IOSUA 22:8 Iomraidhean Croise

1 SIVARAI 5:9

Dina ia daekau kahana dekenai danu idia noho, ela bona tano kaukau raka vareai gabuna, Euperate Sinavai inai kahana dekenai, badina be edia boromakau momo be Gileada tano dekenai idia noho.

2 SIVARAI 17:5

Lohiabada ese Iehosapata ia durua dainai, iena basileia Iuda be ia ese ia biagua mai goada danu, bona iena taunimanima ibounai ese harihari gaudia ia dekenai idia mailaia. Unai dainai ia be mai ena kohu momo, bona taunimanima ese ia idia matauraia bada.

2 SIVARAI 32:27

Hesekaia ena kohu be momo, bona taunimanima ibounai ese ia idia matauraia. Ia ese kohu haboua rumadia ia haginia. Idia edia lalonai Hesekaia ese iena siliva bona golo bona davana bada nadidia, bona aniani hanamoa muramura, bona kesi, bona davana bada kohu idauidau ia udaia.

SALAMO 68:12

“King taudia bona edia tuari taudia idia heau lao noho!” Ruma dekenai idia noho hahine ese, edia bese tuari taudia ese idia abia kohu idia haria.

AONEGA HEREVADIA 3:16

Mauri daudau be aonega dekena amo do oi abia. Kohu momo bona mataurai danu, be aonega dekena amo do oi davaria.

NUMERA 31:27

Vadaeni do umui haria, kahana rua. Kahana ta be tuari dekenai idia lao taudia edia, to kahana ta be hanua dekenai idia noho taudia edia.

1 KORINTO 15:58

Unai dainai, lauegu varavara taudia e, egu lalokau, do umui gini goada, do umui marere lasi. Nega ibounai Lohiabada ena gaukara do umui karaia goadagoada. Badina be umui diba Lohiabada ena gaukara lalonai, emui hekwarahi be hekwarahi kava lasi momokani.

HEBERU 11:26

Mose ia laloa, Keriso dainai hemarai bona hisihisi do ia abia be namo. To Aigupito ena kohu momo do ia abia be dika. Badina be Dirava do ia henia davana namona ia laloa.

1 SAMUELA 30:16

Vadaeni Aigupito tauna ese Davida ia hakaua lao, bona Amaleka taudia idia davaria. Amaleka taudia be tano gabu idauidau ibounai idia raka kava noho, idia aniani, idia inuinu, bona idia mavaru noho, kohu bada herea be Pilistia bona Iuda taudia edia tano dekena amo idia dadia dainai.

1 SAMUELA 30:24

Daika ese emui hereva do idia kamonai henia? Tau ta lasi, ani? Ita ese tuari dekenai ita abia kohu do ita haria neganai, tuari dekenai lao taudia bona kohu naria taudia edia ahuna be tamona.”