IOSUA 22:6 - Buka Helaga (Hiri Motu) 1993

⁶ Unai neganai Iosua ese idia ia hanamoa, bona idia ia siaia lao. Vadaeni idia edia noho rumadia dekenai idia giroa lou.

IOSUA 22:6 Iomraidhean Croise

GENESE 14:19

Ia ese Aberamo ia hanamoa, ia gwau, “Ataiai Momokani Dirava, guba bona tanobada karaia Dirava ese, Aberamo ia hanamoa be namo,

GENESE 47:10

Unai neganai Iakobo ese ia hanamoa lou Farao dekenai, vadaeni ia rakatania.

GENESE 47:7

Iosepa ese iena tamana Iakobo ia hakaua vareai, Farao ena vairana dekenai. Vadaeni Iakobo ese ia hanamoa Farao dekenai.

2 SAMUELA 6:18

Unai boubou gaudia ia henia ore neganai, Davida ese Israela taudia ia hanamoa, Siahu Ibounai Lohiabada ena ladana dainai.

2 SAMUELA 6:19

Bona Davida ese Israela taudia ibounai dekenai aniani ia henia. Tatau ta ta, bona hahine ta ta ibounai dekenai beredi ta, vamu taina, bona vain huahua kaukaudia keke ta ia henia. Vadaeni taunimanima ibounai ese edia ruma ta ta dekenai idia giroa lou.

2 SAMUELA 6:20

Gabeai Davida be ia giroa lou, iena famili do ia hanamoa gwauraia neganai, Mikala, Saulo ena natuna hahine be ia danu ia hedavari, ia gwau, “King Davida be hari dina ia sibona ia hanamoa bada, ani? Oi ese hesiai kekeni edia vairana dekenai oiemu dabua oi kokia, oi mavaru, kavakava tauna ia karaia bamona.”

1 KING TAUDIA 8:66

Dina namba 8 dekenai Solomona ese taunimanima ia siaia lao. Idia ibounai ese Solomona idia hanamoa, bona edia ruma dekenai idia lao, mai edia moale bona mai edia lalona namo danu, Lohiabada ese iena hanamoa ibounai, be iena hesiai tauna Davida, bona iena bese Israela dekenai ia hedinaraia dainai.

2 SIVARAI 30:18

Momokani taunimanima momo, Eparaima, bona Manase, bona Isakara bona Sebuluno dekena amo ese sibodia idia hahelagaia lasi, to Pasova Aria idia ania kava, taravatu ia gwauraia hegeregerena lasi. To inai taudia totona Hesekaia ia guriguri, ia gwau,

ESODO 39:43

Mose ese inai gaudia ibounai ia itaia namonamo, bona ia diba gau ibounai idia karaia vadaeni namo herea, Lohiabada ese Mose ia oda henia hegeregerena. Vadaeni Mose ese unai Israela taudia ia hanamodia.

LUKA 2:34

Vadaeni Simeona ese idia ruaosi ia hanamodia, bona Maria dekenai ia hamaoroa, ia gwau: “Inai mero Iesu ese Israela taudia momo do ia hamorua, bona momo do ia hatorea isi. Ia be toa bamona do ia lao, bona taunimanima momo ese ia do idia herevalaia, mai edia laloa dika danu.

LUKA 24:50

Vadaeni Iesu ese idia ia hakaua murimuri dekenai, ela bona Betania idia kahirakahira vadaeni. Vadaeni iena imana ia abia isi, ia hanamoa idia dekenai.

IOSUA 14:13

Vadaeni Iosua ese Kaleba ia hanamoa, ia ese Heberona tano be ia dekenai ia henia, iena tano korikori.

IOSUA 24:28

Vadaeni Iosua ese Israela taudia ia siaia lao, idia ta ta edia tano, edia tano dekenai idia lao.

1 SAMUELA 10:25

Samuela ese king dagi ena gaukara, bona iena siahu, be taunimanima dekenai ia hadibaia. Inai hereva be buka dekenai ia torea, bona buka be Lohiabada ena vairanai ia atoa. Vadaeni Samuela ese hebou taudia ia siaia lao, idia ta ta edia ruma, edia ruma dekenai idia lao.

1 SAMUELA 13:2

Saulo ese Israela tatau 3000 ia abia hidi. 2000 be Saulo danu Mikimasa bona Betele ena ororo dekenai idia noho, bona 1000 be iena natuna tau Ionatana danu idia noho, Gibea dekenai, Beniamina tano dekenai. Israela taudia oredia be Saulo ese ia siaia lao, ta ta edia ruma edia ruma dekenai idia noho.

1 SAMUELA 2:20

Unai neganai Eli ese Elikana bona iena adavana ia hanamoa, ia gwau, “Lohiabada ese natuna ma haida inai hahine dekena amo oi dekenai do ia henia, inai mero Samuela, Lohiabada dekenai umui henia ena davana.” Vadaeni idia be ruma dekenai idia giroa lou.