IOSUA 22:5 - Buka Helaga (Hiri Motu) 1993

⁵ Lohiabada ena hesiai tauna Mose ese umui dekenai ia henia oda bona taravatu do umui kamonai henia momokani. Bona Lohiabada, emui Dirava, do umui lalokau henia, iena dala dekenai do umui raka namonamo, bona iena oda do umui kamonai henia. Io, Lohiabada do umui badinaia momokani, bona iena hesiai gaukara do umui karaia, mai emui kudouna ibounai, bona mai emui lauma ibounai danu.”

IOSUA 22:5 Iomraidhean Croise

SALAMO 106:3

Mai edia laloa maoromaoro bona edia momokani taudia be namo. Nega ibounai kara maoromaoro idia karaia taudia danu be namo.

SALAMO 78:7

Bona unai dala dekenai, edia natudia ese Dirava do idia abidadama henia, bona iena kara do idia laloaboio lasi, to iena taravatu do idia kamonai henia nega ibounai.

ESODO 15:26

Ia gwau, “Bema umui ese Lohiabada emui Dirava ena gadona umui kamonai henia, bona bema lauegu vairana dekenai emui kara ia maoromaoro, bona bema lauegu hagoadaia hereva umui badinaia, bona bema lauegu taravatu umui naria namonamo, lau ese gorere idauidau do lau henia lasi umui dekenai, Aigupito taudia dekenai gorere lau henia hegeregerena, badina lau be Lohiabada, umui lau hamauria Diravana.”

ESODO 20:6

To lau dekenai idia lalokau henia taudia bona egu taravatu idia badinaia taudia do lau lalokau henia. Bona edia tubuna taudia momo momo herea danu do lau lalokau henia.

ESODO 23:13

“Lau Lohiabada egu hereva ibounai umui kamonai namonamo. Idau dirava ta dekenai umui guriguri henia lasi. Edia ladana danu do umui gwauraia lasi.

ESODO 23:25

Lau Lohiabada, emui Dirava, do umui tomadiho henia, vadaeni aniani bona ranu hegeregere do lau henia umui dekenai, bona emui gorere ibounai do lau abia siri.

AONEGA HEREVADIA 4:23

To gau badana momokani, oiemu kudouna, oiemu laloa ia havaraia gauna, do oi naria namonamo, badina be oiemu laloa dekena amo, oiemu mauri be ia heau noho.

ISAIA 55:2

Badina dahaka emui moni umui negea kava noho, mai ena anina lasi gauna totona? Badina dahaka emui gaukara ena davana moni umui negea, to umui hitolo noho? Lau dekenai do umui kamonai, bona lauegu hereva do umui karaia. Unai neganai aniani namo herea momokani do umui moalelaia.

IEREMIA 12:16

Bema inai idau bese taudia ese mai edia kudoudia ibounai danu egu bese taudia edia tomadiho daladia idia tahua, bona bema egu ladana dekenai do idia gwauhamata, do idia gwau, ‘Lohiabada ia mauri noho momokani,’ idia ese guna Bala dirava dekenai idia gwauhamata bamona, unai neganai idia be egu bese taudia edia huanai lau ese do lau haginidia, egu bese kahana ta.

MATAIO 22:37

Iesu ia haere henia, ia gwau, “ ‘Lohiabada oiemu Dirava dekenai do oi lalokau henia mai emu lalona ibounai, mai emu lauma ibounai, mai emu kudouna ibounai.’

MATAIO 4:10

Iesu ma ia haere henia, ia gwau, “Satani e, idau gabu dekenai oi lao, badina be Buka Helaga lalonai ia torea, ia gwau, ‘Lohiabada oiemu Dirava do oi tomadiho henia, ia sibona dekenai hesiai gaukara do ia karaia.’ ”

MATAIO 6:24

“Tau ta ese biaguna rua edia hesiai gaukara ia karaia diba lasi. Badina be ta do ia badu henia, to ta be do ia lalokau henia, o ta be do ia abia dae, ma ta be do ia abia dae lasi. Dirava bona kohu momo danu nega tamona edia hesiai gaukara do oi karaia diba lasi.

LUKA 1:74

ita dekenai idia tuari henia taudia dekena amo, ia ese ita do ia hamauria. Ia gwau, iena hesiai gaukara do ita karaia, bona do ita gari lasi.

IOANE 12:26

Tau ta bema ia ura lauegu hesiai gaukara do ia karaia, ia ese lauegu murina dekenai do ia raka. Vadaeni do lau noho gabuna dekenai, egu hesiai tauna danu do ia noho. Bema tau ta ese lauegu hesiai gaukara do ia karaia, egu Tamana ese do ia hanamoa.”

IOANE 14:15

“Bema lau dekenai umui lalokau henia, be lauegu taravatu do umui badinaia.

APOSETOLO EDIA KARA 11:23

Banaba ia ginidae neganai, Dirava ena hariharibada ia itaia, bona ia moale bada, bona ibounai dekenai ia hereva goada, idia ese mai edia kudouna ibounai Lohiabada do idia badinaia.

APOSETOLO EDIA KARA 27:23

Lau be Dirava ena tau, bona ia dekenai lau tomadiho henia. Varani hanuaboi aneru ta lau dekenai ia gini,

ROMA 1:9

Dirava ia diba momokani, iena gaukara lau karaia noho, mai egu lauma ena goada ibounai danu. Inai gaukara be, Dirava ena Natuna ena Sivarai Namona lau harorolaia. Dirava danu ia diba lau be hanaihanai doko lasi umui totona lau guriguri noho.

ROMA 12:9

Taunimanima umui lalokau henia koikoi lasi, to umui lalokau henia momokani. Dika do umui negea momokani, to namo do umui dogoatao momokani.

ROMA 8:28

Bona ita diba, Dirava idia lalokau henia taudia dekenai, dahaka dahaka idia vara gaudia ibounai ese unai taudia edia mauri do idia hanamoa. Inai taudia Dirava ese ia abia hidi iena ura gaudia do idia karaia totona.

DEUTERONOMI 10:20

“Lohiabada, emui Dirava, do umui gari henia. Iena hesiai gaukara do umui karaia, bona ia dekenai do umui badinaia. Emui gwauhamata be Lohiabada ena ladana sibona dekenai do umui karaia.

DEUTERONOMI 11:1

Mose ma ia hereva, ia gwau, “Unai dainai Lohiabada emui Dirava do umui ura henia, bona iena Taravatu bona oda ibounai do umui kamonai henia nega ibounai.

DEUTERONOMI 11:13

“Unai dainai, hari dina umui dekenai lau henia vadaeni Taravatu do umui kamonai henia. Lohiabada emui Dirava do umui ura henia, bona iena hesiai gaukara do umui karaia, mai emui kudouna ibounai.

DEUTERONOMI 11:22

“Lau ese umui dekenai lau henia vadaeni Taravatu ibounai do umui kamonai henia namonamo. Lohiabada emui Dirava do umui lalokau henia, iena dala ibounai lalonai do umui raka, bona Lohiabada do umui badinaia, mai momokani danu.

DEUTERONOMI 13:4

Lohiabada, emui Dirava ena murinai do umui raka, bona ia do umui gari henia. Lohiabada ena hereva do umui kamonai henia, iena hesiai gaukara do umui karaia, bona ia do umui badinaia.

DEUTERONOMI 4:29

To unai gabudia dekenai, umui ese Lohiabada emui Dirava do umui tahua. Bona bema Dirava umui tahua mai emui lauma ibounai neganai, do umui davaria.

DEUTERONOMI 4:4

To umui ese Lohiabada, emui Dirava umui abidadama henia taudia ibounai, be umui mauri noho ia mai bona harihari.

DEUTERONOMI 4:6

Idia do umui badinaia namonamo, badina be emui aonega, bona emui laloa goada, be bese idauidau dekenai do ia hedinarai. Bona inai taravatu ibounai do idia kamonai neganai do idia gwau, ‘Momokani inai bese badana be aonega bona laloa goada besena!’

DEUTERONOMI 4:9

“Do umui naria namonamo! Emui mauri do umui naria, Lohiabada ena hoa kara do umui laloaboio garina. To emui mauri dinadia ibounai lalonai, emui matana idia itaia vadaeni hoa gaudia do umui laloatao. Umui emui natudia bona tubudia dekenai inai gaudia do umui hadibaia namonamo.

DEUTERONOMI 5:10

To lau dekenai idia lalokau henia taudia bona egu taravatu idia badinaia taudia do lau lalokau henia. Bona edia tubuna taudia momo herea danu do lau lalokau henia.

DEUTERONOMI 6:17

Lohiabada, emui Dirava ese iena Taravatu bona iena oda umui dekenai ia henia gaudia do umui badinaia.

HEBERU 12:15

Umui naria namonamo, umui ta ese Dirava ena hariharibada do ia reaia garina. Umui ta be au dikana bamona do umui tubu lasi. Badina be ia tubu neganai, iena poisini ese hisihisi bona kerere momo umui emui huanai do ia havaraia garina.

IAMESI 1:12

Hisihisi bona dibagani ia abia neganai ia gini noho, mai haheauka danu tauna be namo. Badina be unai dika dekena amo ia kwalimu neganai, ia ese Dirava ia gwauhamata gauna, mauri hanaihanai, iena kwalimu ahuna, do ia davaria. Dirava ia hereva vadaeni, ia idia lalokau henia taudia ibounai ese unai mauri hanaihanai do idia davaria.

IAMESI 2:5

Lauegu varavara taudia e, lauegu lalokau, umui kamonai. Inai tanobada ena ogogami taudia be Dirava ese ia abia hidi vadaeni, iena Basileia do idia abia totona. Inai Basileia be Dirava ia gwauhamata vadaeni, ia idia lalokau henia taudia ese do idia abia. Oibe, ogogami taudia edia abidadama, be guba ena kohu momo bamona, badina be Dirava ena Basileia lalonai do idia vareai.

IOSUA 23:8

To Lohiabada, emui Dirava, do umui badinaia, gunaguna ia mai bona harihari umui badinaia hegeregerena.

APOKALUPO 15:3

Idia ese Dirava ena hesiai tauna Mose ena ane idia abia, bona Mamoe ena Natuna ena ane danu. Inai ane be inai bamona ia gwau, “Lohiabada Dirava e, Siahu Ibounai Dirava e, oiemu gaukara be bada herea momokani. Oiemu hoa karadia be idau momokani. Oi be bese ibounai edia King! Oiemu kara ibounai be maoromaoro bona momokani.

1 SAMUELA 12:20

Vadaeni Samuela ese idia ia hamaoroa, ia gwau, “Do umui gari lasi, inai kara dika ibounai umui karaia vadaeni. To Lohiabada dekena amo do umui raka siri lasi. Lohiabada ena hesiai gaukara do umui karaia, mai emui kudouna ibounai.

1 SAMUELA 12:24

“Lohiabada garina do umui gari, bona iena hesiai gaukara do umui karaia namonamo, mai emui kudouna ibounai. Do umui laloa noho, ia ese kara badadia dekena amo umui ia hanamoa vadaeni.

1 SAMUELA 7:3

Vadaeni Samuela ese Israela taudia ibounai dekenai ia sisiba, ia gwau, “Bema Lohiabada dekenai umui giroa momokani, mai emui lalona ibounai neganai, dirava idaudia bona Asataroto do umui negea. Emui kudouna bona lalona ibounai Lohiabada dekenai do umui henia. Ia sibona dekenai do umui tomadiho henia, vadaeni ia ese Pilistia taudia edia siahu dekena amo umui do ia hamauria.”