IOSUA 22:4 - Buka Helaga (Hiri Motu) 1993

⁴ Harihari, Lohiabada, emui Dirava, ese emui varavara Israela taudia dekenai maino ia henia vadaeni, ia gwauhamata henia hegeregerena. Unai dainai do umui giroa lou, emui tano korikori, Lohiabada ena hesiai tauna Mose ese umui dekenai ia henia tano, Ioridane Sinavai unai kahana dekenai do umui giroa lou.

IOSUA 22:4 Iomraidhean Croise

1 SIVARAI 22:18

“Lohiabada, emui Dirava, be umui dekenai ia noho, ani? Ia ese umui dekenai maino ia henia vadaeni kahana ibounai dekenai, ani? Badina Lohiabada ese lau ia durua, vadaeni inai tano dekenai guna idia noho taudia ibounai be lau ese lau halusia, bona hari idia be Lohiabada bona iena bese taudia emui siahu henunai.

ESODO 33:14

Lohiabada ia gwau, “Lau ese oi do lau bamoa, bona kwalimu oi dekenai do lau henia.”

NUMERA 32:18

Ai ese aiemai hanua dekenai do ai giroa mai lasi ela bona Israela taudia ibounai ese edia tano korikori, Lohiabada ese ia henidia noho tano idia abia vadaeni.

DEUTERONOMI 12:9

badina be emui laga-ani gabuna, bona emui tano korikori, Lohiabada emui Dirava ese umui do ia henia gabuna dekenai umui do ginidae lasi dainai.

DEUTERONOMI 29:8

Edia tano ita abia, bona Rubena iduhu taudia, Gado iduhu taudia, bona Manase iduhu kahana taudia dekenai inai tano ita henia, edia tano korikori totona.

DEUTERONOMI 3:20

Do umui tuari noho, ela bona Lohiabada ese do ia henidia tano, Ioridane Sinavai ena dina diho kahanai be emui varavara taudia ese do idia noholaia, mai edia maino bona laga-ani danu, umui ese noho namo gabuna umui abia vadaeni bamona. Unai murinai umui giroa mai diba, bona inai umui dekenai lau henia vadaeni tano dekenai do umui noho.

HEBERU 4:8

Bema Iosua ese unai taudia dekenai Dirava ia gwauhamatalaia laga-ani ia henidia, Dirava be dina ta ma do ia herevalaia lasi.

IOSUA 1:15

Inai bamona do umui karaia ela bona Israela taudia ese Ioridane Sinavai ena dina ia diho kahana tanona, Lohiabada ese ia henidia vadaeni tanona do idia abia. Israela iduhu ibounai be idia noho namo, tuari ta lasi neganai, umui be iniseni do umui giroa mai diba. Bona unai neganai emui tano, Mose ese Ioridane Sinavai ena dina daekau kahana, umui ia henia vadaeni tanona, do umui noholaia diba.”

IOSUA 12:6

Inai king ruaosi be Mose bona Israela taudia ese idia halusia. Mose, Lohiabada ena hesiai tauna ese inai king ruaosi edia tano ia abia, Rubena iduhu taudia bona Gado iduhu taudia, bona Manase iduhu kahana taudia dekenai ia henia, edia tano korikori.

IOSUA 13:15

Mose ese inai tano Rubena iduhu dekenai ia henia vadaeni, edia bese ta ta dekenai edia tano ta ta ia henia, edia tano korikori do ia lao:

IOSUA 13:8

To Manase iduhu kahana ese Rubena bona Gado iduhu taudia danu edia tano kahadia idia abia guna vadaeni. Badina Mose ese idia dekenai ia henia, Ioridane Sinavai ena dina daekau kahana dekenai. Lohiabada ena hesiai tauna Mose ese ia henia tano be inai:

IOSUA 22:3

Emui varavara Israela taudia be nega ta umui rakatania lasi ia mai bona harihari. Lohiabada, emui Dirava ena oda danu umui kamonai henia namonamo.