IOSUA 22:33 - Buka Helaga (Hiri Motu) 1993

³³ Israela taudia idia moale bada unai hereva dainai. Israela taudia ese Dirava idia hanamoa, bona edia tuari hereva, Rubena bona Gado edia tano hadikaia totona hereva, idia hadokoa.

IOSUA 22:33 Iomraidhean Croise

1 SIVARAI 29:20

Vadaeni Davida ese hebou taudia ibounai ia oda henia, ia gwau, “Lohiabada, emui Dirava, do umui hanamoa.” Vadaeni hebou taudia ibounai ese Lohiabada, edia sene taudia edia Dirava idia hanamoa, edia kwaradia tano dekenai idia atoa diho, Lohiabada idia tomadiho henia. King ena vairanai danu idia tomadiho.

AONEGA HEREVADIA 25:25

Sivarai namona gabu daudau dekena amo, be ranu keru momokani, ranu mase tauna dekenai bamona.

DANIELA 2:19

Unai hanuaboi lalonai, mata hanai ta dekenai Dirava ese unai hunia gauna be Daniela dekenai ia hedinaraia. Unai dainai Daniela ese guba ena Dirava ia hanamoa henia, ia gwau,

LUKA 2:28

Vadaeni Simeona ese ia abia, ia rosia, Dirava dekenai ia hanamoa, ia gwau:

APOSETOLO EDIA KARA 15:12

Bona hebou taudia ibounai be regena lasi. Banaba bona Paulo edia hereva danu idia kamonai, Dirava ese toa bona hoa gaudia ia karaia idau bese taudia edia huanai, idia dekenai amo.

APOSETOLO EDIA KARA 15:31

Vadaeni revareva idia duahia, bona inai goada henia hereva namona dekenai idia moale bada.

2 KORINTO 7:7

Oibe, Tito ia ginidae dainai ai moale. To inai sibona lasi dainai, ai moale bada ena badina ta danu be, Tito ia gwau umui ese ia umui abia dae namo herea. Bona Tito ese ai ia hamaoroa, umui ura bada lau do umui itaia. Lau dainai umui tai, bona lau umui lalokau noho, bona lau umui badinaia noho, inai hereva ia gwauraia neganai, lauegu moale be ia bada momokani.

EFESO 1:3

Dirava ita tanikiu henia be namo, ia be iseda Lohiabada Iesu Keriso ena Tamana. Bona Keriso danu ita hakapua dainai Dirava ese guba ena hanamoa gaudia ibounai ita dekenai ia henia, iseda lauma durua totona.

IOSUA 22:30

Hahelagaia tauna Pineha bona hanua lohia taudia, Israela iduhu kwarana taudia ese Rubena taudia bona Gado taudia, bona Manase taudia edia hereva idia kamonai, vadaeni idia edia lalona idia namo.

IOSUA 22:32

Vadaeni hahelagaia tauna Pineha Eleasara bona hanua lohia taudia ese Rubena taudia bona Gado taudia idia rakatania, Gileada tano dekenai. Idia giroa lou, Kanana tano dekenai idia lao, bona unai sivarai be Israela taudia edia vairanai idia gwauraia.