IOSUA 22:31 - Buka Helaga (Hiri Motu) 1993

³¹ Bona Pineha, hahelagaia tauna Eleasara ena natuna ese Rubena, bona Gado, bona Manase taudia ia hamaoroa, ia gwau, “Harihari ai diba Lohiabada be iseda huana dekenai ia noho, badina be umui ese iena hereva umui negea lasi momokani. Bona unai dainai umui ese Lohiabada ena badu dekena amo Israela taudia ibounai umui hamauria vadaeni.”

IOSUA 22:31 Iomraidhean Croise

2 SIVARAI 15:2

vadaeni Asa hedavari totona ia raka lao. Ia hereva henia, ia gwau, “Asa e, bona Iuda bona Beniamina taudia ibounai e, lau dekenai do umui kamonai! Umui be Lohiabada dekenai umui noho neganai, ia ese umui dekenai danu ia noho. Bema Lohiabada umui tahua, umui ese do umui davaria. To bema umui rakatania, ia ese umui do ia rakatania.

ESERA 7:5

Buki be Abisua ena natuna. Abisua be Pineha ena natuna. Pineha be Eleasara ena natuna, Eleasara be Arona, Hahelagaia Tauna Badana ena natuna.

SALAMO 68:17

Lohiabada be Sinai Ororo dekena amo, iena helaga gabuna dekenai ia mai, mai ena kariota goadadia momo herea danu.

ESODO 25:8

“Israela taudia danu do oi hamaoroa, lauegu Palai Dubu Helagana do idia karaia, idia edia huana dekenai do lau noho totona.

ISAIA 12:6

Siona dekenai noho taudia e, mai moale danu do umui boiboi, bona ane do umui abia, badina Israela ena Helaga Dirava be bada, bona ia ese iena bese taudia, edia huanai ia noho.”

SEKARAIA 8:23

Ma Siahu Ibounai Lohiabada ia gwau, “Unai dinadia lalonai tau ibounai 10, gado idauidau ibounai besedia dekena amo, ese Iuda tauna ta dekenai do idia mai, iena dabua do idia dogoatao, do idia noia, do idia gwau, ‘Mani emu kara, oi danu do ita lao, badina be ai be ai kamonai vadaeni, Dirava be oi dekenai ia noho.’ ”

MATAIO 1:23

“Umui kamonai, tau ia diba lasi kekeni ese ena natuna do ia abia, mero ta. Iena ladana do idia atoa, Emanuela.” Emanuela ena anina be, “Dirava ita dekenai ia noho.”

1 KORINTO 14:25

Unai tau ese iena hunia laloa do ia gwauraia hedinarai, vadaeni Dirava ena vairanai do ia tomadiho, do ia gwau, “Momokani Dirava be umui emui huanai ia noho.”

IOSUA 22:30

Hahelagaia tauna Pineha bona hanua lohia taudia, Israela iduhu kwarana taudia ese Rubena taudia bona Gado taudia, bona Manase taudia edia hereva idia kamonai, vadaeni idia edia lalona idia namo.

IOSUA 22:32

Vadaeni hahelagaia tauna Pineha Eleasara bona hanua lohia taudia ese Rubena taudia bona Gado taudia idia rakatania, Gileada tano dekenai. Idia giroa lou, Kanana tano dekenai idia lao, bona unai sivarai be Israela taudia edia vairanai idia gwauraia.

IOSUA 3:10

Iosua ma ia gwau, “Umui raka vaira neganai Lohiabada ese Kanana taudia bona Hiti taudia bona Perisi taudia bona Girigasa taudia bona Amoro taudia bona Iebusu taudia umui emui vairana dekenai do ia luludia lao. Inai dekena amo do umui diba Mauri Diravana be umui emui huanai ia noho.