IOSUA 22:29 - Buka Helaga (Hiri Motu) 1993

²⁹ “Ai ese Lohiabada do ai dagedage henia diba lasi momokani! Ai ese gabua bouboudia, o paraoa bouboudia, o kara dika totona bouboudia totona boubou patana ta ai karaia lasi momokani! Ai ese Lohiabada, aiemai Dirava ena boubou patana, iena Palai Dubu ena vairana dekenai ia gini noho gauna be do ai rakatania lasi, o haidaua lasi, momokani.”

IOSUA 22:29 Iomraidhean Croise

GENESE 44:17

To Iosepa ia gwau, “Lasi. Unai bamona do lau karaia lasi umui dekenai. Lauegu kapusi ia abia tauna sibona mo be lauegu hesiai tauna davana lasi do lau halaoa, to umui orena be umui emui tamana dekenai do umui giroa lou mai maino danu.”

GENESE 44:7

Idia haere henia ia dekenai, idia gwau, “Lohia e, dahaka dainai inai bamona oi hereva? Ai be unai bamona ai karaia lasi, lasi momokani.

1 KING TAUDIA 21:3

To Naboto ese Ahaba dekenai ia haere, ia gwau, “Lohiabada ia ura lasi lauegu tubuna taudia edia tano oi dekenai do lau henia.”

2 KING TAUDIA 18:22

Rabesake ma ia gwau, “Bema inai bamona umui gwau, ‘Ai be Lohiabada, aiemai Dirava ai abidadama henia noho,’ inai danu be hegeregere lasi. Badina be Hesekaia ese Lohiabada ena ataiai gabudia bona boubou patadia ia kokia vadaeni, bona Iuda taudia ibounai ia oda henidia Ierusalema dekenai ia noho boubou patana sibona dekenai do idia tomadiho.”

2 SIVARAI 32:12

Inai Hesekaia ese Lohiabada ena ataiai idia noho tomadiho gabudia bona ena boubou patadia ia hadikaia ore, bona ia ese Iuda bona Ierusalema taudia ibounai ia oda henia, boubou patana tamona sibona ena vairana dekenai do idia tomadiho, bona iena latanai sibona, edia boubou do idia gabua ore.

ROMA 3:6

Lasi momokani! Bema Dirava ia maoromaoro lasi, ia be edena bamona tanobada taudia do ia kota henidia diba?

ROMA 6:2

Lasi, lasi momokani. Ita mase vadaeni dika dekenai, be edena bamona dika ita karaia noho diba iseda mauri lalonai?

ROMA 9:14

Dahaka do ita gwau? Dirava ena kara be maoromaoro lasi, a? Lasi momokani.

DEUTERONOMI 12:11

Unai neganai Lohiabada ese gabu ta do ia abia hidi, iena Ladana do ia noho totona. Unai gabu dekenai Lohiabada do umui tomadiho henia, bona unuseni be umui dekenai lau oda gaudia ibounai do umui mailaia, emui gabua bouboudia, emui boubou idauidau, bona emui kohu haria kahana 10 dekena amo kahana ta Lohiabada henia gaudia, harihari gaudia idaudia, bona emui gwauhamata gaudia, Lohiabada ena.

IOSUA 22:23

“Bema ai ese Lohiabada ena hereva ai negea, bona inai boubou patana be ai ese ai haginia, ai sibona ese gabua bouboudia, o paraoa bouboudia, o maino karaia bouboudia do ai karaia totona, Lohiabada ese davana ai dekenai do ia henia.

IOSUA 22:26

“Unai dainai ai sibona ai herevahereva, ai gwau, ‘Namona be, boubou patana ta do ita haginia, gabua boubou totona lasi, o boubou ta totona lasi gauna.’

IOSUA 22:28

“Bona ai laloa, bema nega ta inai bamona ai dekenai, o aiemai natudia dekenai idia hereva neganai, aiemai natudia do idia gwau, ‘Umui itaia! Aiemai tubudia ese boubou patana ta idia haginia, iena toana be Lohiabada ena boubou patana bamona. To ia be gabua bouboudia totona lasi, o boubou haida totona lasi, ia be toa ta sibona, aiemai taunimanima bona emui taunimanima iseda huanai.’

IOSUA 22:30

Hahelagaia tauna Pineha bona hanua lohia taudia, Israela iduhu kwarana taudia ese Rubena taudia bona Gado taudia, bona Manase taudia edia hereva idia kamonai, vadaeni idia edia lalona idia namo.

IOSUA 24:16

Vadaeni Israela taudia idia haere, idia gwau, “Ai ese Lohiabada do ai rakatania lasi, dirava idauna be do ai tomadiho henia lasi, lasi momokani.

1 SAMUELA 12:23

Bona lau danu, lau ese guriguri umui dainai do lau hadokoa lasi. Badina bema umui totona lau guriguri noho lasi neganai, lau be Lohiabada dekenai lau kara dika. Lasi, to lau ese dala namona bona dala maorona be umui dekenai do lau hadibaia.