IOSUA 22:28 - Buka Helaga (Hiri Motu) 1993

²⁸ “Bona ai laloa, bema nega ta inai bamona ai dekenai, o aiemai natudia dekenai idia hereva neganai, aiemai natudia do idia gwau, ‘Umui itaia! Aiemai tubudia ese boubou patana ta idia haginia, iena toana be Lohiabada ena boubou patana bamona. To ia be gabua bouboudia totona lasi, o boubou haida totona lasi, ia be toa ta sibona, aiemai taunimanima bona emui taunimanima iseda huanai.’

IOSUA 22:28 Iomraidhean Croise

GENESE 31:48

Vadaeni Labana ia gwau, “Hari dina dekenai inai nadi haboua ese, be maino laloatao toana oi bona lau iseda huanai.” Unai dainai unai laloatao nadina ena ladana be Galeda.

2 KING TAUDIA 16:10

King Ahasa be Damaseko dekenai ia lao, Tigolata Pilesere, Asuria ena king danu do ia hedavari totona. Unai neganai Ahasa ese boubou patana ta ia itaia, Damaseko dekenai. Vadaeni king Ahasa ese unai boubou patana ena laulau ta ia abia, hahelagaia tauna Uria dekenai ia siaia lao. Unai laulau ese unai boubou patana karaia dalana bona iena toana ia hedinaraia namonamo.

ESODO 25:40

Do umui itaia namonamo, inai gau ibounai be lauegu palani hegeregerena momokani do umui karaia. Inai egu palani be ororo dekenai lau hedinaraia vadaeni oi dekenai.”

ISAIA 19:19

Unai dina dekenai Lohiabada ena boubou patana ta be Aigupito tano dekenai do ia noho, bona Lohiabada ena ladana hanamoa totona, nadi namona badana do idia haginia Aigupito ena tano hetoana dekenai.

HEBERU 8:5

Idia ese hahelagaia gaukara idia karaia noho, to edia dubu be guba ena dubu helaga ena toana sibona. Inai be Dirava ese Mose ia hamaorolaia bamona. Mose ese guriguri palai dubu ta ia haginia gwauraia neganai, Dirava ese ia hamaoroa, ia gwau, “Oi naria namonamo, gau ibounai do oi karaia, ororo dekenai oi dekenai lau hadibaia ena laulau hegeregerena.”

IOSUA 22:27

To toa gauna sibona, ai bona umui, iseda huanai, bona aiemai bese, bona emui bese edia huanai. Inai toa ena anina be, ai ese Lohiabada ai tomadiho henia noho momokani, iena Palai Dubu korikori dekenai. Unuseni gabua bouboudia, kara dika totona bouboudia, bona maino karaia bouboudia do ai karaia noho. Vadaeni nega gabeai umui emui natudia ese aiemai natudia dekenai inai bamona do idia gwau diba lasi, ‘Umui be Lohiabada ena bese taudia lasi.’

IOSUA 22:29

“Ai ese Lohiabada do ai dagedage henia diba lasi momokani! Ai ese gabua bouboudia, o paraoa bouboudia, o kara dika totona bouboudia totona boubou patana ta ai karaia lasi momokani! Ai ese Lohiabada, aiemai Dirava ena boubou patana, iena Palai Dubu ena vairana dekenai ia gini noho gauna be do ai rakatania lasi, o haidaua lasi, momokani.”

IOSUA 24:27

Vadaeni Iosua ese Israela taudia ibounai ia hamaoroa, ia gwau, “Inai nadi be iseda uitnesi do ia lao. Inai nadi ese Lohiabada ese ita dekenai ia henia hereva ibounai ia kamonai vadaeni. Unai dainai inai nadi be iseda gwauhamata ena maka, vadaeni umui itaia negadia ibounai, be emui gwauhamata do umui laloa, emui Dirava do umui koia garina.”