IOSUA 22:27 - Buka Helaga (Hiri Motu) 1993

²⁷ To toa gauna sibona, ai bona umui, iseda huanai, bona aiemai bese, bona emui bese edia huanai. Inai toa ena anina be, ai ese Lohiabada ai tomadiho henia noho momokani, iena Palai Dubu korikori dekenai. Unuseni gabua bouboudia, kara dika totona bouboudia, bona maino karaia bouboudia do ai karaia noho. Vadaeni nega gabeai umui emui natudia ese aiemai natudia dekenai inai bamona do idia gwau diba lasi, ‘Umui be Lohiabada ena bese taudia lasi.’

IOSUA 22:27 Iomraidhean Croise

GENESE 31:48

Vadaeni Labana ia gwau, “Hari dina dekenai inai nadi haboua ese, be maino laloatao toana oi bona lau iseda huanai.” Unai dainai unai laloatao nadina ena ladana be Galeda.

GENESE 31:52

Inai nadi haboua gaudia bona inai laloatao nadina edia anina be inai, lau ese inai nadi do lau raka hanaia lasi, oi dekenai hadikaia totona, bona oi ese inai nadi do oi raka hanaia lasi, lau dekenai hadikaia totona.

SALAMO 16:5

Lohiabada e, oi lau abia hidi vadaeni, lau be mai egu dirava idauna ta lasi. Lau dekenai hegeregere lasi gaudia ibounai, be lau dekenai oi henia noho. Ma lau dekenai do idia vara gaudia, be oi ese oi naria noho.

ISAIA 19:19

Unai dina dekenai Lohiabada ena boubou patana ta be Aigupito tano dekenai do ia noho, bona Lohiabada ena ladana hanamoa totona, nadi namona badana do idia haginia Aigupito ena tano hetoana dekenai.

DEUTERONOMI 12:11

Unai neganai Lohiabada ese gabu ta do ia abia hidi, iena Ladana do ia noho totona. Unai gabu dekenai Lohiabada do umui tomadiho henia, bona unuseni be umui dekenai lau oda gaudia ibounai do umui mailaia, emui gabua bouboudia, emui boubou idauidau, bona emui kohu haria kahana 10 dekena amo kahana ta Lohiabada henia gaudia, harihari gaudia idaudia, bona emui gwauhamata gaudia, Lohiabada ena.

IOSUA 22:10

Idia be Ioridane Sinavai ena isena dekenai, gabu ta ladana Geliloto dekenai idia ginidae, Kanana tano dekenai. Unuseni Rubena iduhu bona Gado iduhu bona Manase iduhu kahana taudia ese boubou patana badana ta idia haginia, Ioridane Sinavai ena badibadinai.

IOSUA 22:26

“Unai dainai ai sibona ai herevahereva, ai gwau, ‘Namona be, boubou patana ta do ita haginia, gabua boubou totona lasi, o boubou ta totona lasi gauna.’

IOSUA 22:28

“Bona ai laloa, bema nega ta inai bamona ai dekenai, o aiemai natudia dekenai idia hereva neganai, aiemai natudia do idia gwau, ‘Umui itaia! Aiemai tubudia ese boubou patana ta idia haginia, iena toana be Lohiabada ena boubou patana bamona. To ia be gabua bouboudia totona lasi, o boubou haida totona lasi, ia be toa ta sibona, aiemai taunimanima bona emui taunimanima iseda huanai.’

IOSUA 22:34

To Rubena bona Gado taudia ese unai boubou patana ena ladana idia atoa “Uitnesi.” Idia gwau, “Inai boubou patana be uitnesi ta ita ibounai iseda huana dekenai, Lohiabada tamona sibona be Dirava.”

IOSUA 24:27

Vadaeni Iosua ese Israela taudia ibounai ia hamaoroa, ia gwau, “Inai nadi be iseda uitnesi do ia lao. Inai nadi ese Lohiabada ese ita dekenai ia henia hereva ibounai ia kamonai vadaeni. Unai dainai inai nadi be iseda gwauhamata ena maka, vadaeni umui itaia negadia ibounai, be emui gwauhamata do umui laloa, emui Dirava do umui koia garina.”

1 SAMUELA 7:12

Vadaeni Samuela ese nadi ta ia abia, Misipa bona Iesana edia huana dekenai ia haginia, bona unai nadi ena ladana ia atoa, Ebenesera. Ia gwau, “Lohiabada ese ita ia durua vadaeni, ia mai bona inai gabu dekenai.”