IOSUA 22:25 - Buka Helaga (Hiri Motu) 1993

²⁵ Lohiabada ese Ioridane Sinavai be ai bona umui Rubena bona Gado taudia iseda huanai ia atoa, tano hetoana. Umui be Lohiabada ena taudia lasi.’ Emui natudia bema unai bamona do idia hereva neganai, sedira aiemai natudia ese Lohiabada tomadiho henia kara do idia hadokoa.

IOSUA 22:25 Iomraidhean Croise

2 SAMUELA 20:1

Unai neganai tau dikana ta, ena ladana Sieba Bikiri be Gilegala dekenai ia noho. Ia be Beniamina iduhu tauna. Ia ese iena kibi ia hiriria, bona ia boiboi, ia gwau, “Davida be namo lasi, ia be iseda iduhu lasi tauna. Israela taudia e, inai Iese ena natuna ena murinai do ita raka lasi, to iseda gabu Israela dekenai do ita giroa lao.”

1 KING TAUDIA 12:16

Israela iduhu taudia ibounai idia itaia, king Rehoboama ese edia hereva ia kamonai lasi, vadaeni idia ese king dekenai idia haere, idia gwau, “Davida bona iena famili be ai ura lasi! Dahaka namo ai dekenai idia havaraia? Israela taudia e, iseda ruma dekenai ita giroa lou namo! Rehoboama be do ia lao, bona ia ese sibona ia naria be namo!” Vadaeni unai bamona dala dekenai Israela taudia ese Rehoboama dekena amo idia raka siri.

1 KING TAUDIA 14:16

Lohiabada ese Israela do ia rakatania, badina Ieroboama ese ia kara dika, bona ia ese unai kara dika dekena amo Israela taudia ia hakaudia kerere dainai, kara dika ma idia karaia.”

1 KING TAUDIA 15:30

Inai kara ia vara, badina be Ieroboama ese Lohiabada, Israela ena Dirava ia habadua. Ieroboama ese kara dika bada ia karaia, bona ia ese Israela taudia ia hakererea dainai, idia danu kara dika bada idia karaia. Unai dainai Lohiabada ena badu ia toreisi.

NEHEMIA 2:20

Vadaeni lau haere, lau gwau, “Guba ena Dirava ese ai dekenai kwalimu do ia henia. Ai be iena hesiai taudia, bona haginia gaukara do ai karaia. To umui be Ierusalema ena tano dekenai mai emu maoro ta lasi, bona inai gabu dekenai mai emui siahu ta lasi.”

SALAMO 16:5

Lohiabada e, oi lau abia hidi vadaeni, lau be mai egu dirava idauna ta lasi. Lau dekenai hegeregere lasi gaudia ibounai, be lau dekenai oi henia noho. Ma lau dekenai do idia vara gaudia, be oi ese oi naria noho.

APOSETOLO EDIA KARA 8:21

Inai gaukara dekenai oi be gabu lasi, badina be oiemu kudouna be maoro lasi Dirava ena vairanai.

IOSUA 22:24

To lasi, ai ese unai boubou patana ai haginia ena anina be inai: Nega gabeai sedira umui emui natudia ese aiemai natudia do idia gwau henia, do idia gwau, ‘Badina dahaka umui ese Lohiabada, ai Israela taudia emai Dirava dekenai umui tomadiho?

IOSUA 22:26

“Unai dainai ai sibona ai herevahereva, ai gwau, ‘Namona be, boubou patana ta do ita haginia, gabua boubou totona lasi, o boubou ta totona lasi gauna.’

IOSUA 22:27

To toa gauna sibona, ai bona umui, iseda huanai, bona aiemai bese, bona emui bese edia huanai. Inai toa ena anina be, ai ese Lohiabada ai tomadiho henia noho momokani, iena Palai Dubu korikori dekenai. Unuseni gabua bouboudia, kara dika totona bouboudia, bona maino karaia bouboudia do ai karaia noho. Vadaeni nega gabeai umui emui natudia ese aiemai natudia dekenai inai bamona do idia gwau diba lasi, ‘Umui be Lohiabada ena bese taudia lasi.’

1 SAMUELA 26:19

Lauegu lohia bona lauegu king e, lau be oiemu hesiai tauna, mani emu kara egu hereva do oi kamonai. Bema Lohiabada ese oiemu lalona ia ha-aukaia lau dekenai, sedira bema boubou gauna do lau henia neganai, ia ese lau do ia bogahisihisi henia. To bema taunimanima ese oiemu lalona idia ha-aukaia lau dekenai, lau ura Lohiabada ese idia do ia hadikaia momokani. Badina be idia ese Lohiabada ena tano dekena amo lau idia lulua, idia ura lau be idau tano lau noho, bona idau dirava dekenai do lau tomadiho. Bona unai dainai lau be hegeregere lasi, Lohiabada ena gau namodia, iena bese taudia dekenai ia henia gaudia, do lau davaria totona.