IOSUA 22:22 - Buka Helaga (Hiri Motu) 1993

²² “Dirava korikori be Lohiabada! Dirava korikori be Lohiabada! Ia ese aiemai kara ena anina ia diba, bona ai ura Israela taudia ibounai do idia diba danu! Bema Lohiabada dekenai ai dagedage, o bema iena vairana dekenai ai kara dika neganai, hari dina ai do umui alaia mase!

IOSUA 22:22 Iomraidhean Croise

1 KING TAUDIA 8:39

iena guriguri do oi kamonai. Guba dekena amo do oi kamonai, iena kara dika do oi gwauatao, bona ia be oi ese do oi durua. Badina be oi sibona ese taunimanima ibounai edia laloa oi diba noho. Idia ta ta dekenai edia kara, edia kara hegeregerena, durua do oi henia.

IOBU 10:7

To oi diba lau be kerere lasi. Bona oi diba danu, ta ese oiemu imana dekena amo lau ia hamauria diba lasi.

IOBU 23:10

To Dirava ese egu lao dalana ia diba. Ia ese lau ia tohoa vadaeni murinai, lau be golo hegeregerena do lau raka lao.

IOBU 31:22

unai bamona lau karaia neganai, namona be egu imana ruaosi idia hamakohia, bona egu imana be, egu pagana dekena amo do idia darea bona kokia.

SALAMO 136:2

Ia be dirava ibounai ia hereaia Diravana, bona do ita tanikiu henia. Iena lalokau bona bogahisihisi do idia noho hanaihanai.

SALAMO 37:6

Oiemu kara namona be Lohiabada ese do ia hedinaraia, dina ena diari bamona. Ia ese oiemu kara maoromaoro, be taunimanima edia vairanai do ia hedinaraia, dina tubua bamona.

SALAMO 40:9

Lohiabada e, lau ese oiemu taudia momo edia vairanai, hamauria sivaraina lau gwauraia hedinarai. Lohiabada e, oi diba vadaeni, lau ese inai Sivarai Namona, be nega ibounai do lau gwauraia. Lauegu udu bibina do lau koua lasi.

SALAMO 44:21

oi ese inai kerere do oi itaia lasi, a? Badina be oi, Dirava, ese aiemai laloa gaudia, hunia gaudia ibounai oi diba noho.

SALAMO 44:22

To oiemu ladana dainai, nega ibounai idia ese ai idia alaia mase noho. Mamoe idia haboua, do idia alaia totona bamona, idia ese ai idia haboua, bona ai idia alaia noho.

SALAMO 50:1

Siahu Ibounai Dirava, iseda Lohiabada ia hereva vadaeni. Ia ese taunimanima ibounai ia boiria, dina ia daekau kahana gabudia dekena amo, ela bona dina ia diho kahana gabudia danu. Tanobada taudia ibounai ia boiria.

SALAMO 82:1

Dirava ese guba ena kota hebou gabuna lalonai, iena gabu dekenai ia gini noho. Guba ena lohia taudia idia haboua, bona Dirava ese iena kota hereva ia gwauraia noho.

SALAMO 95:3

Badina ia sibona be Dirava mai siahu badana. Ia be King goadana, bona dirava ibounai be ia ese ia hereaia.

SALAMO 97:7

Kaivakuku idia tomadiho henia taudia ibounai be do idia hemarai, badina dirava ibounai, be Lohiabada ena vairana dekenai do idia tomadiho.

ESODO 18:11

Harihari lau diba Lohiabada ese dirava ibounai ia hereaia noho. Badina be Aigupito taudia be mai hekokoroku danu Israela idia hadikaia neganai, Lohiabada ese Aigupito ia halusia vadaeni.”

IEREMIA 12:3

Lohiabada e, oi be lau oi diba. Oi ese lau oi itaia noho, bona egu laloa oi dekenai be oi ese oi tohoa noho. Unai tau dikadia do oi veridia lao, do idia alaia gwauraia mamoedia bamona. Do oi atodia siri, ela bona edia mase negana ia ginidae.

IEREMIA 17:10

Lau Lohiabada ese taunimanima edia kudoudia lau tahua noho, bona edia lalodia danu lau tohoa noho. Taunimanima ta ta edia dala, edia dala lau itaia noho. Bona idia ta ta edia kara anina danu lau tahua noho, idia ta ta dekenai, edia davana korikori do lau henidia totona.”

DANIELA 11:36

“Unai Suria king ese iena ura hegeregere do ia karaia. Sibona do ia habadaia dikadika, do ia gwau ia ese dirava ibounai ia hereaia. Ia ese dirava ibounai edia Dirava dekenai danu do ia hereva dika momo. Unai bamona ia karaia lao diba, ela bona unai nega, Dirava ese ia gwauraia vadaeni negana. Badina be Dirava ese ia gwauraia gaudia be do idia vara.

DANIELA 2:47

King ese Daniela ia hereva henia, ia gwau, “Momokani, momokani, lau diba oiemu Dirava be dirava ibounai edia Dirava, hereadae momokani, bona king ibounai edia Lohiabada. Ia be hunia gaudia hedinaraia Diravana, badina oi ese inai hunia gauna oi hedinaraia momokani vadaeni.”

MIKA 7:9

Ita ese Lohiabada ena vairana dekenai ita kara dika dainai, iena badu ena mamina do ita abia nega sisina. To gabeai ia ese ita do ia durua, bona idau bese taudia ese ita dekenai idia karaia vadaeni dika edia davana, be Dirava ese do ia henia. Ia ese dibura dekena amo ita do ia mailaia, ma diari lalonai ita do ia atoa. Lohiabada ese ita dekenai kara maoromaoro momokani ia karaia, be do ita itaia namonamo.

MALAKI 3:18

Unai neganai lauegu kara ena idau do umui itaia lou, kara maoromaoro taudia dekenai edena bamona do lau karaia, bona kara dika taudia dekenai edena bamona do lau karaia. Oibe, do umui itaia Dirava ena gaukara idia karaia, bona iena gaukara idia karaia lasi taudia dekenai, dahaka do ia vara.”

IOANE 21:17

Iesu ese nega ihatoina ma ia nanadaia, ia gwau, “Simona Iona e, oi ura henia lau dekenai, a?” Petero ena lalona ia hisihisi, badina be nega toi ia dekenai Iesu ia nanadaia, ia gwau, “Oi ura henia lau dekenai, a?” Unai dainai, ia ese ia haere, ia gwau, “Lohiabada e, oi be gau ibounai oi diba, oi diba vadaeni lau ura henia oi dekenai!” Iesu ia gwau, “Egu mamoe do oi ubua.

APOSETOLO EDIA KARA 1:24

Gabeai idia guriguri, idia gwau, “Lohiabada e, taunimanima ibounai edia lalona be oi diba, inai tau ruaosi, mani oi hedinaraia daika be oi ese oi abia hidi, inai aposetolo gaukara bona hesiai gaukara do ia abia,

APOSETOLO EDIA KARA 25:11

Bema taravatu lau makohia, o kara ta lau karaia, unai kara davana be mase, vadaeni, lau idia alaia mase be namo. To bema edia samani hereva be momokani lasi, tau ta be hegeregere lasi edia imana dekenai lau ia atoa. Lau be Kaisara dekenai lau noinoi. Iena kota dekenai lau lao be namo.”

2 KORINTO 11:11

Inai bamona lau hereva, be umui lau lalokau henia lasi dainai, a? Lasi momokani. Dirava ia diba vadaeni, umui lau lalokau henia.

2 KORINTO 11:31

Dirava, iseda Lohiabada Iesu Keriso ena Tamana, do idia hanamoa hanaihanai Diravana, ia be ia diba lau koikoi lasi.

2 KORINTO 5:11

Vadaeni, Lohiabada ai gari henia dainai, ai ese taunimanima ai sisiba henia goada, do idia abidadama henia totona. Aiemai laloa ibounai be Dirava ia diba, ia diba aiemai laloa be maoromaoro momokani. Lau ura bada umui danu umui diba aiemai laloa be maoromaoro momokani.

DEUTERONOMI 10:17

Badina be Lohiabada emui Dirava, ese dirava ibounai ia hereaia, siahu taudia ibounai danu ia ese ia hereaia. Ia be Dirava badana, ia be mai ena siahu bada, bona ia be taunimanima ese idia gari henia Diravana. Iena vairana dekenai taunimanima ibounai be hegeregere. Tau ta ese Dirava ena lalona ia veria diba lasi.

1 TIMOTEO 6:16

Ia sibona ia mase diba lasi, ia sibona diaridiari bada dekenai ia noho, bona ia kahirakahira ita lao diba lasi. Tau ta lasi ese Dirava ia itaia vadaeni, bona ta ese vaira neganai do ia itaia diba lasi. Iena ladana badana do ita matauraia, badina iena siahu do ia noho, ela bona hanaihanai. Amen.

HEBERU 4:13

Gau ta Dirava dekena amo ita hunia diba lasi. Dirava ese ia karaia gaudia ibounai nega ibounai ia itaia noho. Idia be hanaihanai iena matana edia vairanai idia noho. Bona Dirava ese danu iseda kara do ia kota henia.

IOSUA 22:21

Vadaeni Rubena taudia bona Gado taudia bona Manase iduhu kahana taudia ese Israela ena lohia taudia idia haere henia, idia gwau,

APOKALUPO 19:16

Unai gunalaia tauna ena dabua bona iena mamuna dekenai be iena ladana ia torea. Inai ladana be inai bamona: “King ibounai edia King, bona lohia ibounai edia Lohia.”

APOKALUPO 2:23

Unai hahine ena murinai idia raka taudia danu do lau alaia mase. Vadaeni ekalesia orea taudia ibounai do idia diba, lau be taunimanima ibounai edia laloa bona edia ura lau diba. Bona umui danu ta ta emui davana do lau henia, emui kara, emui kara hegeregerena.

1 SAMUELA 15:23

Badina Lohiabada ena hereva utua kara, be meamea dikana ena kerere hegeregerena, bona dagedage ena dika, be dirava koikoi tomadiho henia kara hegeregerena. Oi ese Lohiabada ena hereva oi negea dainai, ia ese danu oiemu king dagi ia negea vadaeni.”

1 SAMUELA 2:3

“Hekokoroku hereva do umui gwauraia lou lasi, hekokoroku hereva oiemu uduna ese do ia gwauraia lasi. Badina be Lohiabada be aonega Diravana, ia ese kara ibounai edia namo o dika ia diba.