IOSUA 22:20 - Buka Helaga (Hiri Motu) 1993

²⁰ Akana, Sera ena natuna do umui laloa, ia ese Lohiabada ia taravatua gaudia ia abia kava, bona unai kerere ena davana be, Israela taudia ibounai ese idia davaria, ani? Akana ena kerere davana be mase, be ia sibona lasi, to iseda bese taudia momo idia mase.’ ”

IOSUA 22:20 Iomraidhean Croise

2 SIVARAI 24:18

bona idia ese Lohiabada, edia sene taudia edia Dirava ena Dubu Helaga idia rakatania, Asera kaivakuku bona kaivakuku haida idia tomadiho henia. Idia edia kerere dainai, Dirava ena badu be Iuda bona Ierusalema edia latanai ia vara.

IOBU 35:8

Oiemu kara dika ese, tau ta oi hegeregerena sibona ia hisihisi henia noho, bona oiemu kara namona ese, taunimanima sibona ia durua noho.

LEVITIKO 10:6

Mose ese Arona, mai ena natuna tau Eleasara bona Itamara danu ia hamaoroa, ia gwau, “Emui huina do umui naria, do umui duaria bona kwatua namonamo. Bema inai mase taudia dainai emui lalona idia hisihisi neganai, emui dabua do umui darea lasi. Bema unai bamona umui karaia neganai do umui mase, bona Lohiabada be Israela taudia ibounai dekenai do ia badu. To emui bese, Israela taudia ese inai mase taudia, Lohiabada ena lahi ese ia alaia taudia, totona idia taitai diba.

1 KORINTO 10:6

Unai kara ia vara be ita dekenai toa ta bamona, gau dikadia do ita ura henia lasi, idia ese idia ura henia bamona.

IOSUA 22:21

Vadaeni Rubena taudia bona Gado taudia bona Manase iduhu kahana taudia ese Israela ena lohia taudia idia haere henia, idia gwau,

IOSUA 7:1

Lohiabada ese Israela taudia ia oda henidia, Ieriko dekenai ia taravatua gaudia do idia abia lao lasi, to unai oda idia badinaia lasi. Tau ta, ena ladana be Akana ese inai oda ia kamonai henia lasi. Unai dainai Lohiabada ese Israela taudia dekenai ia badu momokani. Inai Akana ena tamana be Kami, bona iena tubuna badana be Sabadi. Akana ena sene tauna be Sera, bona iena iduhu be Iuda.

IOSUA 7:18

Sabadi ena ruma taudia ma ia hakaua mai, tau ta ta dekena amo, vadaeni Akana Kami, Sabadi Sera ena tubuna, Iuda iduhu tauna, ia abia hidi.

IOSUA 7:24

Unai neganai Iosua bona Israela taudia ibounai ese Akana Sera idia abia, siliva bona kouti dabua bona golo danu, bona Akana ena natuna memero bona natuna kekeni, iena boromakau, iena doniki, iena mamoe, iena palai ruma, bona ia ese ia biagua gaudia ibounai. Inai ibounai be Kerere Koura dekenai idia abia lao.

IOSUA 7:5

Ai hanua taudia ese unai Israela taudia idia lulua lao, Ai ena magu iduara dekena amo ela bona Sebarimi, nadi abia gabuna dekenai. Ai taudia ese Israela taudia 36 bamona idia alaia mase. Vadaeni Israela taudia edia laloa goada ia ore, edia lalodia be manoka, ranu bamona, gari dainai.

2 PETERO 2:6

Dirava ese Sodoma bona Gomora danu ia kota henia. Lahi dekena amo unai hanua ruaosi ia araia ore. Unai kara dekena amo, Dirava ese ia dekenai idia gari henia lasi taudia ia hagaridia. Badina be do idia diba, edia kerere davana be dohore unai lahi hegeregere.