IOSUA 22:18 - Buka Helaga (Hiri Motu) 1993

¹⁸ Edena bamona, hari umui ura lasi Lohiabada ena murinai do umui raka, a? Bema hari dina Lohiabada ena hereva umui negea, kerukeru ia ese Israela besena ibounai do ia badu henia.

IOSUA 22:18 Iomraidhean Croise

2 SAMUELA 24:1

Lohiabada ena badu ma ia vara lou Israela taudia edia latanai. Vadaeni idia do ia hadikaia totona, Lohiabada ese Davida ia hamaoroa, ia gwau, “Oi lao, Israela taudia bona Iuda taudia do oi duahia.”

1 KING TAUDIA 9:6

“To bema oi, o oiemu natuna o tubuna taudia ese lau dekena amo idia raka siri neganai, o bema lauegu Taravatu bona oda umui kamonai henia lasi, bona dirava idaudia do umui tomadiho henia neganai,

2 KING TAUDIA 17:21

Lohiabada ese Israela be Iuda, Davida ena iduhu dekena amo ia darea parara neganai, Israela taudia ese Ieroboama Nebata idia abia, edia king idia halaoa. Vadaeni Ieroboama ese ia koidia, bona Lohiabada badinaia kara dekena amo ia hakaudia siri. Ia ese kara dika bada dekenai ia hakaudia kerere.

1 SIVARAI 21:1

Satani ese Israela taudia hadikaia dalana ia tahua, vadaeni ia ese Davida ia koia, Israela taudia be hida, be Davida ese do ia duahia gwauraia.

1 SIVARAI 21:14

Unai dainai Lohiabada ese Israela taudia edia latanai hanaia gorere ia siaia, bona taunimanima ibounai 70,000 idia mase.

2 SIVARAI 25:27

Lohiabada dekena amo Amasaia ia raka siri negana dekena amo, Ierusalema taudia haida ese ia do idia alaia dalana idia tahua. Unai dainai ia ese Lakisi hanua dekenai ia heau. To idia ese tau haida Amasaia ena murinai idia siaia lao ela bona Lakisi, bona unuseni idia ese Amasaia idia alaia mase.

2 SIVARAI 34:33

King Iosaia ese kaivakuku ibounai bona dirava koikoi edia laulau gaudia ibounai, dika rohoroho gaudia, Israela taudia edia tano dekenai idia noho gaudia, ia hadikaia ore. Iosaia ese danu ia oda henia, Israela dekenai idia noho taudia ibounai ese Lohiabada, edia Dirava ena hesiai gaukara do idia karaia. Bona Iosaia ena mauri dinadia lalonai, idia be Lohiabada, edia sene taudia edia Dirava, ena dala dekena amo idia raka siri lasi.

LEVITIKO 10:6

Mose ese Arona, mai ena natuna tau Eleasara bona Itamara danu ia hamaoroa, ia gwau, “Emui huina do umui naria, do umui duaria bona kwatua namonamo. Bema inai mase taudia dainai emui lalona idia hisihisi neganai, emui dabua do umui darea lasi. Bema unai bamona umui karaia neganai do umui mase, bona Lohiabada be Israela taudia ibounai dekenai do ia badu. To emui bese, Israela taudia ese inai mase taudia, Lohiabada ena lahi ese ia alaia taudia, totona idia taitai diba.

NUMERA 16:22

To Mose bona Arona be tano dekenai edia vairana idia atoa diho, idia boiboi, idia gwau, “Dirava e, Dirava e, oi be taunimanima ibounai edia laumadia edia Dirava, tau tamona do ia kara dika neganai, inai hebou taudia ibounai do oi badu henia, a?”

NUMERA 32:15

Badina bema hari umui Rubena bona Gado taudia ese Lohiabada ena murinai umui raka lasi neganai, ia ese Israela taudia ma tano kaukau dekenai do ia siaidia lao lou, bona inai kerere be do umui emui latanai.”

DEUTERONOMI 7:4

Badina unai bamona neganai, idia ese emui natudia Lohiabada dekena amo do idia hakaua siri, idau dirava tomadiho henia totona. Unai bamona ia vara neganai, Lohiabada ese umui do ia hadikaia ore haraga.

IOSUA 22:15

Idia be Rubena taudia bona Gado taudia, bona Manase iduhu kahana taudia dekenai idia ginidae, Gileada tano dekenai. Vadaeni idia hamaoroa, idia gwau,

IOSUA 22:16

“Lohiabada ena orea taudia ibounai idia hereva, idia gwau, ‘Inai kerere, umui ese umui havaraia gauna, ena anina be dahaka? Israela ena Dirava dekenai kerere umui karaia vadaeni. Hari dina dekenai umui ese Lohiabada dekena amo umui raka siri, iena hereva umui kamonai henia lasi, boubou patana ta umui haginia vadaeni.

IOSUA 22:20

Akana, Sera ena natuna do umui laloa, ia ese Lohiabada ia taravatua gaudia ia abia kava, bona unai kerere ena davana be, Israela taudia ibounai ese idia davaria, ani? Akana ena kerere davana be mase, be ia sibona lasi, to iseda bese taudia momo idia mase.’ ”

IOSUA 7:1

Lohiabada ese Israela taudia ia oda henidia, Ieriko dekenai ia taravatua gaudia do idia abia lao lasi, to unai oda idia badinaia lasi. Tau ta, ena ladana be Akana ese inai oda ia kamonai henia lasi. Unai dainai Lohiabada ese Israela taudia dekenai ia badu momokani. Inai Akana ena tamana be Kami, bona iena tubuna badana be Sabadi. Akana ena sene tauna be Sera, bona iena iduhu be Iuda.

IOSUA 7:11

Israela taudia idia kara dika vadaeni! Idia ese lauegu gwauhamata taravatuna, idia danu lau karaia gauna idia hamakohia vadaeni. Lau ese lau taravatua gaudia be idia ese idia abia, idia henaoa, bona idia koikoi, unai gaudia be edia kohu lalonai idia hunia vadaeni.

IOSUA 7:21

Tuari dekenai ita abia kohu edia huana dekenai Babulonia kouti dabua namo herea lau itaia, bona siliva ena metau kilogaram rua, bona golo sisina danu, ena metau kilogaram kahana. Lau ese lau ura henidia bada dainai lau abidia. Idia be tano lalonai, lauegu palai ruma lalonai, lau hunia. Siliva be edia henunai.”

1 SAMUELA 12:14

Bema Lohiabada dekenai umui gari, iena hesiai gaukara umui karaia, ia dekenai do umui kamonai, bona iena oda hereva do umui kamonai henia, bona bema umui bona emui king ese Lohiabada emui Dirava ena murinai umui raka neganai, emui noho be do ia namo.

1 SAMUELA 12:20

Vadaeni Samuela ese idia ia hamaoroa, ia gwau, “Do umui gari lasi, inai kara dika ibounai umui karaia vadaeni. To Lohiabada dekena amo do umui raka siri lasi. Lohiabada ena hesiai gaukara do umui karaia, mai emui kudouna ibounai.