IOSUA 21:45 - Buka Helaga (Hiri Motu) 1993

⁴⁵ Israela taudia dekenai ia gwauhamata henia gaudia ibounai, be Lohiabada ese ia badinaia momokani.

IOSUA 21:45 Iomraidhean Croise

1 KING TAUDIA 8:15

Unai neganai ia gwau, “Lohiabada, Israela ena Dirava do ita hanamoa. Ia ese lauegu tamana Davida ena gwauhamata ia badinaia vadaeni, Lohiabada ia gwau,

1 KING TAUDIA 8:20

“Harihari Lohiabada ese iena gwauhamata ia hamomokania vadaeni, badina be lau ese lau toreisi, tamagu Davida ena gabuna dekenai, Israela ena king lau helai noho, Lohiabada ena gwauhamata hegeregere. Bona lau ese Dubu lau haginia vadaeni, Lohiabada, Israela ena Dirava be ia lalonai do idia tomadiho henia totona.

1 KING TAUDIA 8:24

Oiemu gwauhamata lauegu tamana Davida dekenai be oi ese oi badinaia vadaeni. Hari dina inai gwauhamata oi hamomokania vadaeni.

1 KING TAUDIA 8:56

Ia gwau, “Lohiabada do ita hanamoa, badina be ia ese iena bese Israela dekenai maino ia henia, iena gwauhamata ibounai hegeregere. Iena gwauhamata namodia ibounai, iena hesiai tauna Mose ena uduna dekenai ia gwauraia gaudia, be Lohiabada ese ia badinaia vadaeni.

NEHEMIA 9:8

Oi ese Aberahamo oi tahua, bona oi davaria, Aberahamo ese oi dekenai ia abidadama henia, bona oi ese ia danu gwauhamata taravatuna oi karaia. Oi ese Kanana taudia, Hiti taudia, Amoro taudia, Perisi taudia, Iebusu taudia, Girigasa taudia, edia tano Aberahamo dekenai oi henia, iena tubuna taudia be unai tano dekenai do idia noho. Oi ese oiemu gwauhamata oi badinaia, badina oi be maoromaoro.

ISAIA 48:3

Lohiabada ese Israela ia hamaoroa inai: “Kara gunadia be idaunegai lau gwauraia hedinarai do idia vara, bona unai karadia be karaharaga lau havaraia.

NUMERA 23:19

Dirava be taunimanima bamona lasi, mai ena koikoi lasi, Dirava be taunimanima ena natuna bamona lasi, mai ena laloa rua lasi. Dirava ia hereva vadaeni gauna, be do ia karaia lasi, a? Dirava ia gwauhamata neganai, iena gwauhamata do ia hamomokania lasi, a?

1 KORINTO 1:9

Dirava ese umui ia boiria vadaeni, iena Natuna Iesu Keriso, iseda Lohiabada danu do umui noho hebou totona. Bona Dirava ena kara be momokani, ita abidadama henia diba.

1 TESALONIKA 5:24

Umui dekenai ia boiboi Diravana be momokani, ia ese iena hereva gauna do ia karaia.

TITO 1:2

Edia abidadama lau durua, badina inai abidadama ese mauri hanaihanai ia havaraia noho. Inai mauri hanaihanai be tanobada ia do karaia lasi neganai, Dirava ese ia gwauhamatalaia, bona Dirava be koikoi diba lasi.

HEBERU 6:18

Vadaeni, inai Dirava ena hereva gaudia rua idia noho, gwauhamata bona hereva helagana, bona idia senisi diba lasi. Ita diba unai hereva ruaosi idia noho, bona ita diba Dirava ia koikoi diba lasi. Unai dainai ita be mase dekena amo ita heau, bona Dirava ena mauri ita davaria vadaeni taudia. Vadaeni inai Dirava ena hereva ruaosi ese iseda lalona idia hagoadaia noho. Bona unai dainai, iseda abidadama do ita dogoatao noho, badina be ita diba ita naria noho davana namona, mauri hanaihanai, be do ita abia momokani.

1 SAMUELA 3:19

Samuela ia tubu noho ela bona ia bada, ena dina ibounai lalonai, Lohiabada ese ia dekenai ia noho. Vadaeni Samuela ese ia gwauraia hereva ibounai, be Lohiabada ese ia hamomokania.