IOSUA 21:44 - Buka Helaga (Hiri Motu) 1993

⁴⁴ Vadaeni Lohiabada ese maino mai laga-ani danu idia dekenai ia henia, edia tano kahana ibounai dekenai, ia ese edia sene taudia dekenai ia gwauhamata hegeregerena. Idia dekenai idia tuari taudia ibounai, ta ese idia ia koua diba lasi, badina be Lohiabada ese tuari taudia ibounai dekena amo Israela taudia dekenai kwalimu ia henia.

IOSUA 21:44 Iomraidhean Croise

2 SIVARAI 13:16

Israela taudia ese Iuda taudia edia vairanai idia heau, bona Dirava ese Iuda taudia edia siahu henunai ia atodia.

ESODO 23:31

Emui tano ena hetoa gabudia do lau karaia, idia be Davara Kakakaka dekena amo ia lao bona Pilistia taudia edia davara, bona taunimanima idia noho lasi gabuna dekena amo ia lao bona Euperate Sinavai. Inai gabu dekenai idia noho taunimanima danu do umui tuari, bona do umui kwalimu, umui ese idia do umui lulua murimuri gabudia dekenai.

ESODO 33:14

Lohiabada ia gwau, “Lau ese oi do lau bamoa, bona kwalimu oi dekenai do lau henia.”

ISAIA 63:14

Boromakau be edia biaguna ese rei namona gabuna dekenai ia hakaudia bamona, Lohiabada ese iena bese dekenai laga-ani ia henidia. Ia ese iena bese taudia ia hakaua namonamo, bona unai dainai iena ladana be bada momokani.

DEUTERONOMI 2:36

“Aroere, Aranona Koura ena isena dekenai, bona koura ena huanai ia noho hanua dekena amo ela bona Gileada, hanua ta ia auka lasi, ibounai ita abia, badina be Lohiabada iseda Dirava ese ita ia durua dainai.

DEUTERONOMI 21:10

“Umui dekenai idia tuari henia taudia umui tuari henidia neganai, Lohiabada, emui Dirava, ese kwalimu umui dekenai do ia henia, bona taunimanima do umui abia mauri.

HEBERU 4:9

Unai dainai ita diba Dirava ena taudia edia laga-ani be ia do noho. Ia be Dirava ena laga-ani bamona, dina namba 7 dekenai ia laga-ani neganai.

IOSUA 1:13

“Lohiabada ena hesiai tauna Mose ese umui ia oda henia herevana do umui laloa, ia gwau, ‘Lohiabada emui Dirava, ese unai tano, Ioridane Sinavai ena dina daekau kahana be umui dekenai do ia henia, emui noho gabuna korikori.’

IOSUA 1:15

Inai bamona do umui karaia ela bona Israela taudia ese Ioridane Sinavai ena dina ia diho kahana tanona, Lohiabada ese ia henidia vadaeni tanona do idia abia. Israela iduhu ibounai be idia noho namo, tuari ta lasi neganai, umui be iniseni do umui giroa mai diba. Bona unai neganai emui tano, Mose ese Ioridane Sinavai ena dina daekau kahana, umui ia henia vadaeni tanona, do umui noholaia diba.”

IOSUA 1:5

“Iosua e, oiemu mauri dinadia ibounai lalonai tau ta ese oi do ia halusia diba lasi. Lau be oi dekenai do lau noho, Mose dekenai lau noho hegeregerena. Nega ibounai oi do lau bamoa, bona oi do lau rakatania lasi.

IOSUA 11:12

Iosua ese unai king edia hanua badadia ibounai, mai edia king danu ia abia, bona edia taunimanima bona king ibounai ia alaia mase, Mose, Lohiabada ena hesiai taudia ia oda henia hegeregerena.

IOSUA 11:23

Unai dainai Iosua ese tano ibounai ia abia, Lohiabada ese Mose ia oda henia hereva ibounai hegeregerena. Inai tano be Iosua ese Israela taudia dekenai ia henia, edia tano. Idia dekenai tano ia haria lao, edia iduhu ta ta dekenai tano kahana ta ia henia. Vadaeni taunimanima be tuari dekena amo idia laga-ani.

IOSUA 11:8

Vadaeni Lohiabada ese Israela taudia dekenai kwalimu ia henia, Israela taudia ese king taudia edia tuari orea idia halusia, bona idia lulua lao, ela bona Sidono Badana bona Misirepoto Maimi, ma idia luludia lao ela bona Misipa Koura, dina daekau kahanai. Idia tuari noho, ela bona Israela taudia ese king taudia edia tuari taudia ibounai idia alaia ore, ta ia heau mauri lasi.

IOSUA 2:24

Idia ese Iosua idia hamaoroa, idia gwau, “Momokani, Lohiabada ese unai tano ibounai ita dekenai ia henia vadaeni. Tano taudia ibounai be ita dainai idia gari bada herea noho.”

IOSUA 22:4

Harihari, Lohiabada, emui Dirava, ese emui varavara Israela taudia dekenai maino ia henia vadaeni, ia gwauhamata henia hegeregerena. Unai dainai do umui giroa lou, emui tano korikori, Lohiabada ena hesiai tauna Mose ese umui dekenai ia henia tano, Ioridane Sinavai unai kahana dekenai do umui giroa lou.

IOSUA 22:9

Unai dainai Rubena iduhu, Gado iduhu, bona Manase iduhu kahana taudia be edia gabu korikori dekenai idia giroa lao. Idia ese Israela taudia oredia Silo, Kanana tano dekenai idia rakatania, bona edia tano, Gileada dekenai idia giroa lao hamatamaia. Unai Gileada tano idia abia guna vadaeni, Lohiabada ese Mose dekenai unai bamona ia oda henidia dainai.

IOSUA 23:1

Nega daudau ia lao vadaeni, bona Lohiabada ese Israela taudia dekenai laga-ani ia henia. Idia dekenai idia tuari gwauraia taudia, Israela idia hagegea taudia be Lohiabada ese ia koua. Unai neganai Iosua be ia buruka, iena mauri lagani be momo.