IOSUA 21:1 - Buka Helaga (Hiri Motu) 1993

¹ Levi iduhu ena gunalaia taudia be Eleasara bona Iosua Nunu bona Israela iduhu kwarana taudia dekenai idia lao,

IOSUA 21:1 Iomraidhean Croise

GENESE 49:7

Simeona bona Levi edia badu lau hadikaia inai, badina edia badu be auka momokani, bona edia dagedage danu lau hadikaia inai, badina be ia dika momokani. Iakobo ena tano ibounai dekenai, edia bese dohore lau makohia maragimaragi. Israela taudia edia huanai dekena amo, dohore lau siaidia kava, gabu idauidau dekenai.

ESODO 6:14

Mose bona Arona edia iduhu edia kwarana taudia edia ladana be inai: Rubena, Israela ena natuna, guna ia vara tauna, ena natuna be inai: Hanoka, bona Palu, bona Hesarona bona Karami, Rubena ena iduhu be unai.

ESODO 6:25

Eleasara, Arona ena natuna, ese Putiele ena natuna kekeni ta ia adavaia, ia ese Pineha ia havaraia. Levi ena iduhu dekenai ruma edia kwarana taudia be unai.

NUMERA 35:1

Moaba tano palaka dekenai, Ioridane Sinavai ena isena dekenai, Ieriko kahirakahira, Lohiabada ese Mose dekenai ma ia hereva henia, ia gwau,

NUMERA 35:8

“Inai hanua be Israela taudia edia huanai do umui henidia, iduhu badadia ese hanua momo do idia henia, bona iduhu maragidia ese hanua haida sibona do idia henia. Iduhu ta ta edia tano ena bada hegeregerena, idia ese Levi taudia dekenai hanua do idia henia.”

IOSUA 14:1

Israela taudia dekenai Kanana tano idia haria dalana ena sivarai be inai: Hahelagaia tauna Eleasara, bona Iosua Nunu, bona Israela iduhu gunalaia taudia ese inai tano idia haria.

IOSUA 17:4

Idia lao, bona hahelagaia tauna Eleasara bona Iosua Nunu bona lohia taudia edia vairanai idia gini, idia gwau, “Lohiabada ese Mose ia oda henia, tano ta ai dekenai do ia henia danu, aiemai taihudia dekenai sibona lasi.” Vadaeni Iosua ese tano ta idia dekenai ia henia, edia tamana ena tadikaka taudia danu, Lohiabada ena oda hegeregerena.

IOSUA 19:51

Eleasara, hahelagaia tauna, Iosua Nunu, bona Israela iduhu gunalaia taudia ese laki gadara dekena amo inai tano kahana ibounai iduhu ta ta dekenai idia haria, Silo dekenai, Lohiabada ena vairanai. Idia haria gabuna be Lohiabada ena Palai Dubu. Tano haria gaukara be unai bamona idia karaia haorea.