IOSUA 20:9 - Buka Helaga (Hiri Motu) 1993

⁹ Inai heau mauri hanuadia idia gwauraia, be Israela taudia ibounai totona, bona idau bese taudia, Israela edia huanai idia noho taudia, totona. Vadaeni bema tau ta ese ma tau ta, ia badu henia lasi tauna, ia alaia kava neganai, unai hanua ta dekenai ia heau mauri diba, mase tauna ena varavara tauna, davana henia tauna, do ia alaia garina. Unuseni idia alaia diba lasi, ela bona kota biaguna ese iena hereva ia gwauraia.

IOSUA 20:9 Iomraidhean Croise

NUMERA 35:13

“Heau mauri hanua ibounai 6 do umui abia hidi.

NUMERA 35:15

Inai hanua 6 be Israela taudia, bona idau taudia, emui huanai idia noho taudia danu, noho daudau, o noho daudau lasi taudia, edia heau mauri hanua. Bema idia ta ese ia marere kerere, bona ia diba lasi dainai, ia ese tau ta ia alaia kava neganai, ia be unai hanua ta dekenai ia heau mauri diba.

IOSUA 20:4

“Unai heau tauna be inai hanua ta ena magu iduara kota dekenai do ia gini, bona ia dekenai ia vara kerere ena sivarai be hanua tau badadia dekenai do ia gwauraia. Vadaeni tau badadia ese hanua lalonai do idia hakaua vareai, gabu ta do idia henia, unuseni do ia noho.

IOSUA 20:6

“Unai tau be unai hanua dekenai do ia noho, ela bona kota ena vairanai do ia gini, bona iena kota hereva do idia gwauraia vadaeni. Bona ia ese unai hanua dekenai do ia noho ela bona unai nega ena Hahelagaia Tauna Badana be do ia mase vadaeni. Unai neganai unai tau ese iena hanua korikori dekenai, bona iena ruma korikori dekenai do ia giroa lou diba. Guna taunimanima dekena amo ia heautania gabuna be unai.”

IOSUA 20:8

Ioridane Sinavai ena dina daekau kahana dekenai Besere hanua idia abia hidi, Rubena iduhu dekena amo. Besere be ororo ena tano palaka, Ieriko ena dina daekau kahanai ia noho, tano kaukau gabuna dekenai. Ma Gado iduhu dekena amo be Ramoto hanua, Gileada tano dekenai idia abia hidi. Bona Manase ena iduhu ena tano dekena amo be Golana hanua idia abia hidi. Golana be Basana tano lalonai.