IOSUA 20:8 - Buka Helaga (Hiri Motu) 1993

⁸ Ioridane Sinavai ena dina daekau kahana dekenai Besere hanua idia abia hidi, Rubena iduhu dekena amo. Besere be ororo ena tano palaka, Ieriko ena dina daekau kahanai ia noho, tano kaukau gabuna dekenai. Ma Gado iduhu dekena amo be Ramoto hanua, Gileada tano dekenai idia abia hidi. Bona Manase ena iduhu ena tano dekena amo be Golana hanua idia abia hidi. Golana be Basana tano lalonai.

IOSUA 20:8 Iomraidhean Croise

1 KING TAUDIA 22:6

Unai dainai Ahaba ese peroveta taudia ia haboua, idia be tau 400 bamona. Idia ia nanadaia, ia gwau, “Ramoto Gileada do lau tuari henia, o do lau tuari henia lasi?” Peroveta taudia idia haere, idia gwau, “Oi lao, oi tuari henia, badina Lohiabada ese kwalimu oi dekenai do ia henia.”

2 KING TAUDIA 8:28

King Ahasaia ese Israela ena king, Iorama Ahaba ia durua, vadaeni idia ruaosi idia lao, Hasaele, Suria ena king idia tuari henia, Ramoto Gileada dekenai. Unuseni Suria taudia ese Iorama idia haberoa.

1 SIVARAI 6:78

Rubena tano, Ioridane Sinavai ena dina daekau kahana, Ieriko kahirakahira, be inai hanua Merari taudia dekenai idia henia: Besere, tano kaukau dekenai, Iahasaha,

1 SIVARAI 6:80

Gado iduhu taudia ese danu edia tano dekena amo Merari taudia dekenai inai hanua idia henia: Ramoto, Gileada dekenai, Mahanaimi,

DEUTERONOMI 3:10

“King Oga, Basana tauna ena tano ibounai ita abia, ororo edia ataiai idia noho hanua ibounai, Gileada tano ibounai, Basana tano ibounai, ela bona Saleka hanua bona Ederei hanua.”

DEUTERONOMI 4:43

Inai hanua toi be inai: Besere, tano kaukau ororo gabuna dekenai. Ia be Rubena iduhu taudia edia. Ma hanua ta be Ramoto, Gileada tano dekenai. Ia be Gado iduhu taudia edia. Ma hanua ta be Golana, Basana tano dekenai. Ia be Manase iduhu taudia edia.

IOSUA 20:7

Unai dainai Ioridane Sinavai ena dina diho kahanai be Kedesi, Galilea tano, Napatali ororo tano dekenai idia abia hidi. Sekema, Eparaima ororo tano dekenai danu idia abia hidi. Ma Heberona danu idia abia hidi, Iuda ena ororo tano dekenai.

IOSUA 20:9

Inai heau mauri hanuadia idia gwauraia, be Israela taudia ibounai totona, bona idau bese taudia, Israela edia huanai idia noho taudia, totona. Vadaeni bema tau ta ese ma tau ta, ia badu henia lasi tauna, ia alaia kava neganai, unai hanua ta dekenai ia heau mauri diba, mase tauna ena varavara tauna, davana henia tauna, do ia alaia garina. Unuseni idia alaia diba lasi, ela bona kota biaguna ese iena hereva ia gwauraia.

IOSUA 21:27

Geresone bese taudia, Levi taudia, ese Manase iduhu kahana taudia dekena amo idia abia hanua be inai: Golana, Basana lalonai. (Ia be ala-ala kava taudia idia heau mauri hanua ta,) bona Be Esitera, mai edia rei gabudia danu, hanua rua.

IOSUA 21:36

Rubena iduhu taudia dekena amo idia abia hanua be inai: Besere bona Iahasa, mai edia rei gabudia danu,

IOSUA 21:38

Gado iduhu taudia dekena amo idia abia hanua be inai: Ramoto, Gileada tano lalonai mai ena rei gabudia danu. (Ramoto be ala-ala kava taudia edia heau mauri hanua ta.) Bona Mahanaimi, mai ena rei gabudia danu,