IOSUA 20:3 - Buka Helaga (Hiri Motu) 1993

³ Sedira tau ta ese ma tau ta ia alaia kava, ia ura lasi ia alaia, to ia marere kerere dainai unai mase ia vara kava. Vadaeni unai bamona ia karaia tauna ese unai heau mauri hanua ta dekenai ia heau diba. Unai gabu dekenai mase tauna ena varavara, davana henia tauna, ese unai heau tauna ia alaia diba lasi.

IOSUA 20:3 Iomraidhean Croise

2 SAMUELA 14:11

Ma hahine ese Davida ia noia lou, ia gwau, “Egu king e, mani emu kara oi ese Lohiabada oiemu Dirava do oi noia, vadaeni mase ena davana henia tauna ese mase ma ta do ia havaraia lasi, egu natuna tamona do ia alaia lasi.” Davida ese hahine dekenai ia haere, ia gwau, “Ia mauri noho Lohiabada ena ladanai lau gwauhamata inai, oiemu natuna be do idia hadikaia lasi momokani.”

LEVITIKO 4:2

“Israela taudia inai bamona do oi hamaoroa: Bema tau ta ia diba lasi dainai, ia kara dika kava, o Lohiabada ena taravatu ta ia utua kava, ia diba lasi dainai, inai bamona do ia karaia:

NUMERA 35:12

“Unai heau mauri tauna be unai hanua lalonai do ia mauri noho diba, badina unuseni mase tauna ena varavara tauna, davana henia tauna, ese unai tau do ia alaia diba lasi. Bema tau ta ese ma tau ta ia hamasea kava, ia marere kerere o ia diba lasi dainai, do umui alaia mase lasi ela bona kota ese unai kara ia tahua namonamo guna.

NUMERA 35:19

Mase tauna ena varavara korikori ese alaia tauna do ia alaia mase. Unai varavara tauna ese unai alaia tauna ia davaria neganai do ia hamasea.

NUMERA 35:22

“To bema tau ta ese ma tau ta ia badu henia lasi, to ia alaia kava, sedira ia doria kava, o ia gwadaia kava,

HEBERU 6:18

Vadaeni, inai Dirava ena hereva gaudia rua idia noho, gwauhamata bona hereva helagana, bona idia senisi diba lasi. Ita diba unai hereva ruaosi idia noho, bona ita diba Dirava ia koikoi diba lasi. Unai dainai ita be mase dekena amo ita heau, bona Dirava ena mauri ita davaria vadaeni taudia. Vadaeni inai Dirava ena hereva ruaosi ese iseda lalona idia hagoadaia noho. Bona unai dainai, iseda abidadama do ita dogoatao noho, badina be ita diba ita naria noho davana namona, mauri hanaihanai, be do ita abia momokani.

IOSUA 20:2

“Israela taudia do oi hamaoroa, heau mauri hanua haida do idia abia hidi, lau ese Mose dekena amo umui lau hadibaia hegeregerena.

IOSUA 20:4

“Unai heau tauna be inai hanua ta ena magu iduara kota dekenai do ia gini, bona ia dekenai ia vara kerere ena sivarai be hanua tau badadia dekenai do ia gwauraia. Vadaeni tau badadia ese hanua lalonai do idia hakaua vareai, gabu ta do idia henia, unuseni do ia noho.