IOSUA 2:9 - Buka Helaga (Hiri Motu) 1993

⁹ ia gwau, “Lau diba Lohiabada ese inai tano umui dekenai ia henia vadaeni. Umui dekenai ai gari bada, bona inai tano taudia ibounai be umui dainai idia gari dikadika noho.

IOSUA 2:9 Iomraidhean Croise

GENESE 35:5

Iakobo mai ena natuna ese unai gabu idia rakatania neganai, unuseni noho hanua ta ta taudia ibounai idia gari bada Dirava dekenai, vadaeni idia ese Iakobo dekenai idia tuari henia lasi.

2 SAMUELA 17:10

Unai neganai tuari taudia goada herea, edia lalona be laiona ena lalona bamona taudia, be do idia gari dikadika. Badina be Israela taudia ibounai idia diba oiemu tamana be goada herea, bona ia dekenai idia noho taudia danu be goada herea.

2 KING TAUDIA 5:15

Namana be Elisaia dekenai ia giroa lou, mai iena orea taudia ibounai danu. Elisaia ena vairanai Namana ia gini, ia gwau, “Harihari lau diba tanobada ibounai lalonai Dirava ta be lasi, to Israela ena Dirava sibona. Unai dainai mani emu kara, harihari gauna lau dekena amo do oi abia.”

2 KING TAUDIA 7:6

Unai kara ia vara, badina be Lohiabada ese kariota bona hosi bona tuari orea badana ena regena ia havaraia Suria taudia dekenai. Unai dainai idia herevahereva, idia gwau, “Umui kamonai, Israela ena king ese Hiti taudia bona Aigupito taudia edia king dekenai moni ia henia, idia ese ita do idia tuari henia totona.”

NEHEMIA 6:16

Ai idia ura hadikaia taudia ibounai ese inai sivarai idia kamonai neganai, bona bese idauidau, ai kahirakahira idia noho tano taudia idia itaia neganai, idia gari bona idia hemarai, badina idia diba aiemai Dirava ena durua dainai inai gaukara ai haorea.

ESETA 8:17

Hanua ibounai, bona basileia ibounai dekenai, king ena oda hereva idia kamonai Iuda taudia ibounai be idia moale noho, bona laga-ani dinana idia abia, aria idia karaia, bona idia noho namo. Bona unai tano idau bese taudia be Iuda taudia dekenai idia gari. Unai dainai idia momo be sibodia Iuda taudia idia halaoa, Iuda orea danu idia haboua.

IOBU 19:25

Badina be lau diba, ia ese lau ia hamauria Diravana be ia noho, bona nega dokona dekenai, ia ese lau do ia durua.

SALAMO 112:10

Kara dika taudia ese inai iena goada idia itaia noho, bona idia badu noho. Idia ese unai tau namona do idia badu henia, bona do idia boio momokani. Kara dika tauna ena ura gauna ena anina, be do ia vara lasi.

SALAMO 115:16

Guba be Lohiabada sibona ese ia biagua noho, to tanobada be Lohiabada ese taunimanima dekenai ia henia.

ESODO 18:11

Harihari lau diba Lohiabada ese dirava ibounai ia hereaia noho. Badina be Aigupito taudia be mai hekokoroku danu Israela idia hadikaia neganai, Lohiabada ese Aigupito ia halusia vadaeni.”

ESODO 23:27

“Umui dekenai idia dagedage henia taudia be do lau hagaridia, bona umui dekenai idia tuari henia taudia dekenai daradara do lau havaraia, vadaeni idia ibounai umui dekena amo do idia heau.

HADIBAIA TAUNA 8:12

Momokani, kara dika tauna be nega 100 do ia kara dika, bona iena mauri do ia daudau noho, to lau diba momokani, Dirava idia gari henia taudia be do idia namo, idia ese Dirava idia matauraia noho dainai.

ISAIA 19:1

Peroveta hereva Aigupito totona be inai: Itaia, Lohiabada be ori ena latanai ia guia noho, Aigupito dekenai ia mai noho. Aigupito taudia edia kaivakuku, be Lohiabada ena vairanai idia heudeheude noho, bona Aigupito taudia be, edia kudoudia do idia manoka lao.

ISAIA 23:5

Aigupito taudia danu, be do idia lalohisihisi bada, Turo ia dika ena sivarai do idia kamonai neganai.

IEREMIA 27:5

“ ‘Egu siahu badana bona goada dekena amo tanobada lau karaia, taunimanima bona tanobada ena boroma idauidau danu, bona lau ura henidia taudia dekenai tanobada lau henia.

NAHUMU 2:10

Nineva be idia hadikaia ore vadaeni, ia be anina lasi momokani! Taunimanima edia kudoudia idia manoka lao, gari bada dainai. Edia tuidia idia heudeheude noho, edia goada ia ore. Edia vairadia be idia laboralabora lao noho.

NUMERA 20:14

Mose ese Kadesi dekena amo iena hesiai taudia be Edoma ena king dekenai ia siaia. Idia gwau, “Inai hereva be oiemu tadina Israela dekena amo. Oi diba vadaeni ai dekenai idia vara hisihisi gaudia ibounai.

NUMERA 20:24

“Arona be Israela taudia dekenai lau henidia vadaeni tanona do ia raka vareai lasi. Ia be kahirakahira do ia mase, badina be umui ese Meriba ranu gabuna dekenai lauegu hereva umui utua.

MATAIO 20:15

Be, lauegu gau, vadaeni lauegu ura hegeregere do lau karaia lasi, a? Lau be mai hariharibada tauna, inai dainai oi badu, a?’ ”

DEUTERONOMI 11:25

“Umui lao gabudia ibounai, unai tano dekenai, Lohiabada emui Dirava ese iena gwauhamata hegeregerena, gari do ia havaraia. Vadaeni unuseni idia noho taudia ese umui dekenai do idia gari bada, bona tau ta ese umui do ia hadokoa diba lasi.

DEUTERONOMI 2:25

Hari dina dekenai lau ese guba henunai idia noho bese ibounai dekenai gari bada do lau havaraia. Vadaeni idia ese emui sivarai do idia kamonai, bona gari dainai umui emui vairana dekenai do idia manokamanoka.”

DEUTERONOMI 28:10

Unai neganai tanobada taudia ibounai ese do idia itaia, Lohiabada ese umui ia abia hidi vadaeni, iena bese korikori do umui lao, vadaeni umui dekenai do idia gari.

DEUTERONOMI 32:8

Ataiai Herea Diravana ese, bese ta ta dekenai tano ia haria henidia neganai, taunimanima ibounai edia noho gabudia ia gwauraia neganai, ia ese bese ta ta edia tano hetoadia ia henidia. Ia ese bese ta ta ibounai dekenai, edia dirava ta ta ia henia.

HEBERU 11:31

Ariara hahine Rahaba ese Dirava ia abidadama henia dainai, ia ese Israela hasinadoa taudia ruaosi edia itaia hunia gaukara ia durua. Vadaeni abidadama lasi taudia danu, be Rahaba ia mase lasi.

IOSUA 2:11

Unai sivarai ai kamonai neganai, aiemai kudouna idia gari bada, bona ta ena lalona ia goada lasi umui dainai. Badina Lohiabada emui Dirava be guba dekenai ia noho, bona inai tanobada dekenai ia noho danu.

IOSUA 2:24

Idia ese Iosua idia hamaoroa, idia gwau, “Momokani, Lohiabada ese unai tano ibounai ita dekenai ia henia vadaeni. Tano taudia ibounai be ita dainai idia gari bada herea noho.”

IOSUA 2:8

Unai tatau ruaosi do idia hekure lasi neganai, hahine be idia dekenai guhi dekenai ia daekau lao,

IOSUA 5:1

Amoro king taudia ibounai Ioridane Sinavai ena dina diho kahanai, bona Kanana king taudia ibounai kone kahana dekenai idia noho, be Israela edia sivarai idia kamonai. Idia kamonai Lohiabada ese Ioridane Sinavai ia hakaukaua, vadaeni Israela taudia idia raka hanaia vadaeni. Vadaeni unai king taudia idia gari bada, bona edia kudoudia be idia manoka Israela taudia dainai.

IOSUA 6:2

Vadaeni Lohiabada ese Iosua ia hamaoroa, ia gwau, “Kamonai, Ieriko hanua be oiemu imana dekenai lau atoa vadaeni, mai ena king bona mai ena tuari taudia danu.

IOSUA 9:10

Bona Lohiabada ese Amoro king ruaosi, Ioridane Sinavai unai kahana dekenai, dahaka ia karaia ena sivarai danu ai kamonai. Unai king be Sihona, Hesebona ena king, bona Oga, Basana ena king, Asataroto dekenai ia noho tauna.

IOSUA 9:24

Gibeona taudia ese Iosua dekenai idia haere, idia gwau, “Lohia e, ai kamonai bona ai diba Lohiabada oiemu Dirava ese iena hesiai tauna Mose ia oda henia, inai tano ibounai be umui dekenai do ia henia, bona inai tano dekenai noho taudia ibounai be emui vairana dekenai do ia alaia mase. Unai dainai umui dekenai ai gari dikadika, bona aiemai heau mauri dalana ai tahua. Unai dainai unai koikoi kara ai karaia.

IOSUA 9:9

Idia haere, idia gwau, “Ai, oiemu hesiai taudia, be gabu daudau dekena amo ai mai. Lohiabada, emui Dirava, ena ladana dainai ai mai vadaeni. Badina be Lohiabada ena sivarai ai kamonai vadaeni, bona iena kara ibounai Aigupito dekenai ia karaia ena sivarai.

GUNALAIA TAUDIA 7:14

Iena turana be ia haere, ia gwau, “Nihi ena anina be tamona sibona. Inai be Gideona Ioasa, Israela tauna, ena tuari kaia. Dirava ese Midiana, mai ena tuari taudia ibounai danu, Gideona ena siahu henunai ia atoa vadaeni.”