IOSUA 2:4 - Buka Helaga (Hiri Motu) 1993

⁴ To hahine ese unai tatau ruaosi ia abia, bona gabu ta dekenai ia hunidia. Vadaeni hahine ia haere, ia gwau, “Momokani, unai tatau be lau dekenai idia mai, to edeseni idia mai gabuna lau diba lasi.

IOSUA 2:4 Iomraidhean Croise

2 KING TAUDIA 6:19

Elisaia ese unai Suria tuari taudia ia hereva henia, ia gwau, “Umui ura raka lao dalana be inai dala lasi, bona umui ura davaria hanua be inai hanua lasi. Lauegu murinai do umui raka, lau ese umui do lau hakaua, umui tahua noho tauna dekenai.” Vadaeni Elisaia ese idia ia hakaua lao, ela bona Samaria.

ESODO 1:19

Inai durua henia hahine ese idia haere henia Farao dekenai, idia gwau, “Badina be Heberu hahine taudia be Aigupito hahine taudia bamona lasi. Idia be mai goada, vadaeni durua henia hahine taudia do idia ginidae lasi neganai, idia sibona edia natuna idia havaraia guna.”

IAMESI 2:25

Unai bamona danu, ariara hahine Rahaba be iena kara dainai Dirava ena vairanai ia maoromaoro. Badina be ia ese Israela ena hesiai taudia iena ruma dekenai ia abidia dae, bona dala idauna dekena amo ia siaidia lao, vadaeni idia heau mauri.

IOSUA 2:3

Vadaeni Ieriko ena king ese iena hesiai taudia ia siaia, Rahaba dekenai idia lao, idia gwau, “Oi dekenai idia mai, bona oiemu ruma dekenai idia daekau taudia do oi hakaudia mai, badina be inai tano ibounai hunia dekenai itaia totona idia mai.”

IOSUA 2:5

Vadaeni dina ia diho neganai, hanua ena magu iduara kahirakahira do idia koua neganai, idia be lauegu ruma idia rakatania. Edeseni idia lao gabuna be lau diba lasi. To do umui lao haraga, idia do umui lulua lao, bona do umui abidia diba.”

IOSUA 6:17

Inai hanua, bona ia lalonai gau ibounai, be boubou gauna Lohiabada dekenai dainai, do umui hadikaia ore momokani. To ariara hahine Rahaba sibona, mai ena ruma taudia ibounai danu do umui hamauria, badina be ia ese iseda hasinadoa taudia ia hunia dainai.

IOSUA 6:25

To ariara hahine Rahaba, iena tamana ena famili taudia, bona iena varavara ibounai be Iosua ese ia hamauria. Unai hahine Rahaba ena tubudia be Israela dekenai idia noho ia mai bona hari, badina Iosua ena hesiai taudia, Ieriko, hasinadoa totona idia lao, be Rahaba ese ia hunidia dainai.