IOSUA 2:2 - Buka Helaga (Hiri Motu) 1993

² Haida ese Ieriko ena king idia hamaoroa, idia gwau, “Israela taudia haida be inai hanuaboi idia mai vadaeni, inai tano hunia dekenai idia itaia totona.”

IOSUA 2:2 Iomraidhean Croise

SALAMO 127:1

Bema Lohiabada ese ruma ia haginia lasi neganai, unai ruma idia haginia taudia idia hekwarahi kava noho. Bema Lohiabada ese hanua ta ia naria lasi neganai, hanua gimaia taudia ese idia gimaia kava.

AONEGA HEREVADIA 21:30

Taunimanima edia aonega, edia laloa kehoa, bona edia laloa ese, Lohiabada ena ura do idia koua diba lasi, lasi momokani.

ISAIA 43:13

Oibe, bona nega gunaguna dekena amo lau be Dirava. Lauegu siahu dekena amo, ta ese ia heau mauri diba lasi, bona kara ta lau karaia neganai, ta ese unai kara ia haidaua diba lasi.”

DANIELA 4:35

Inai tanobada besedia ibounai, be gau ta lasi bamona Dirava ena vairanai. Guba ena aneru orea ibounai, be iena siahu henunai idia noho, bona tanobada taudia danu be unai bamona. Tau ta ese Dirava ena kara ia koua diba lasi, o inai bamona ia hereva henia diba lasi, ‘Oi be dahaka oi karaia?’

IOSUA 2:1

Iosua Nunu ese hasinadoa taudia rua Sitima dekena amo hunia dekenai ia siaia. Ia oda henidia, ia gwau, “Do umui lao, Kanana tano do umui itaia, bona Ieriko hanua danu.” Vadaeni ruaosi be Ieriko hanua dekenai idia lao, bona ariara hahine ta, ena ladana be Rahaba, ena ruma dekenai idia daekau, unuseni idia noho.

IOSUA 2:3

Vadaeni Ieriko ena king ese iena hesiai taudia ia siaia, Rahaba dekenai idia lao, idia gwau, “Oi dekenai idia mai, bona oiemu ruma dekenai idia daekau taudia do oi hakaudia mai, badina be inai tano ibounai hunia dekenai itaia totona idia mai.”

GUNALAIA TAUDIA 18:2

Unai dainai Dano taudia ese edia iduhu taudia ibounai dekena amo goada taudia 5 idia siaia, Sora dekena amo bona Esetaoli dekena amo, idia ese hunia dekenai tano idauidau edia kahana ibounai do idia itaia totona. Inai tau 5 be Eparaima ena ororo tano dekenai idia ginidae, vadaeni idia ese Mika ena ruma dekenai idia raka vareai, bona unuseni idia mahuta.