IOSUA 2:19 - Buka Helaga (Hiri Motu) 1993

¹⁹ Bema idia ta oiemu ruma ena iduara dekena amo hanua ena huana dekenai idia raka neganai, ia be do ia mase, be ia sibona ena kerere, bona ai be kerere lasi. To bema oiemu ruma lalonai ia noho tauna ta dekenai dika ia vara neganai, inai be aiemai kerere.

IOSUA 2:19 Iomraidhean Croise

2 SAMUELA 1:16

Davida ese Amaleka tauna ia hamaoroa, ia gwau, “Oi mase, be oiemu kerere sibona. Badina be oi sibona oi gwau, ‘Lohiabada ia abia hidi tauna lau alaia vadaeni.’ ”

2 SAMUELA 4:11

Bona hari umui ruaosi ese iena ruma dekenai tau ta ia mahuta neganai umui alaia mase! Umui be tau dikadia momokani, bona umui laloa emui kerere davana do lau henia lasi, a? Lasi momokani. Umui do lau alaia mase!”

1 KING TAUDIA 2:32

Lohiabada ese unai rara ia bubua kava karadia edia davana Ioaba dekenai do ia henia. Ioaba ese Abinere Nere, bona Amasa Ietere ia alaia kava. Abinere be Israela ena tuari biaguna badana, bona Amasa be Iuda ena tuari biaguna badana. Inai tau ruaosi be namodia, mai edia kerere lasi, edia kara ese Ioaba ena kara idia hereaia. Ioaba ese egu tamana ia hadibaia guna lasi, to ia sibona ena ura dainai unai tau ruaosi ia alaia.

ESODO 12:13

Inai rara umui emui noho rumadia dekenai be toana ta, toana be, umui be lau umui kamonai henia taudia. Rara do lau itaia neganai, do lau raka hanaia umui, lauegu badu ese do ia hadikaia lasi umui, Aigupito tano do lau botaia neganai.

ESODO 12:22

Mamoe ena rarana do umui bubua disi dekenai, vadaeni ava ta ladana husopo ena rigi haida do umui guia hebou. Inai husopo umui atoa rara lalonai, vadaeni ia dekena amo iduara ena au kahana kahana, bona iduara ena ataiai au dekenai rara dekena amo do umui dahua. Vadaeni umui Israela taudia ibounai be unai emui ruma lalonai do umui noho, tau ta ese iena ruma dekena amo do ia lao lasi murimuri dekenai, ela bona dabai.

ESODO 12:23

“Badina be Lohiabada ese inai tano do ia raka hanaia, Aigupito taudia do ia alaia mase, to rara be iduara ena ataiai au bona iduara ena kahana kahana au dekenai do ia itaia neganai, Lohiabada ese unai iduara do ia raka hanaia sibona, Alaia Aneruna ena dala do ia koua, do ia vareai lasi umui emui ruma dekenai, do ia alaia lasi umui.

LEVITIKO 20:11

Bema tau ta ese iena tamana ena adavana ta do ia sihari henia neganai, ia ese iena tamana ia hahemaraia vadaeni. Unai dainai unai tau bona hahine ruaosi be do idia alaia mase, bona edia mase be idia sibona edia kerere dainai.

LEVITIKO 20:9

Lohiabada ese inai taravatu ma ia gwauraia inai: “Tamana o sinana dekenai tau ta ese do ia hereva dika henia neganai, unai tau be do umui alaia mase. Iena mase be ia sibona ena kerere dainai.

MATAIO 24:17

Bona ruma ena atai dekenai ia helai noho tauna be ruma lalonai do ia raka vareai lasi iena kohu abia totona.

APOSETOLO EDIA KARA 18:6

To idia ese iena hereva idia koua mai hereva dikadia danu neganai, Paulo ese iena dabua ena kahu ia negea oho, bona ia gwau, “Vadaeni, umui emui kerere be emui latanai ia noho, lau be kerere lasi. Harihari lau be idau bese taudia dekenai do lau lao.”

APOSETOLO EDIA KARA 20:26

Unai dainai inai harihari lau hamaoroa umui, bema umui ta ia boio, kerere be lau lasi.

APOSETOLO EDIA KARA 27:31

To Paulo ese kapena mai ena tuari taudia danu dekenai ia hereva, ia gwau, “Bema idia be lagatoi dekenai idia noho lasi, umui mauri diba lasi.”

FILIPI 3:9

Lau ura be Keriso danu do lau hakapua momokani. Lau sibona egu kara maoromaoro, Taravatu lau badinaia dekena amo, be hari lau dogoatao lasi. Hari lau dogoatao noho kara maoromaoro, be Keriso lau abidadama henia dekena amo lau davaria gauna. Dirava ia henia kara maoromaoro be abidadama dekena amo.

HEBERU 10:29

Edena bamona umui laloa? Dirava ena Natuna do ia negea tauna be edena bamona? Dirava ena gwauhamata taravatuna ena rarana ese unai tau ia hagoevaia vadaeni. To unai tau ese unai gwauhamata taravatu ena rarana, be anina lasi gauna bamona ia halaoa. Bona unai tau ese Dirava ena Hariharibada Laumana ia hereva dika henia. Unai bamona tauna ena kerere davana ena bada be edena bamona?

IOSUA 2:12

Unai dainai, mani emu kara Lohiabada ena ladana dainai lau dekenai do umui gwauhamata: Lau ese umui dekenai lau bogahisihisi hegeregerena, umui ese lauegu famili dekenai danu do umui bogahisihisi. Toa korikori ta lau dekenai mani oi henia, vadaeni umui lau abidadama henia diba.

IOSUA 2:14

Ruaosi ese ia dekenai idia haere, idia gwau, “Aiemai mauri davana be oiemu mauri. Aiemai gaukara ena sivarai bema oi gwauraia lasi neganai, ai ese umui dekenai do ai bogahisihisi momokani, Lohiabada ese inai tano ai dekenai ia henia neganai.”

IOSUA 2:20

“To bema aiemai gaukara ena sivarai be tau ta dekenai oi hamaoroa neganai, aiemai gwauhamata ai hamomokania lasi be ai kerere lasi.”