IOSUA 2:18 - Buka Helaga (Hiri Motu) 1993

¹⁸ Unai dainai inai bamona do oi karaia: Ai be inai tano lalonai do ai raka vareai neganai, inai varo kakakakana be, ai oi atoa diho dekena amo uindo dekenai, do oi kwatua namonamo. Oiemu tamana bona sinana bona taihuna, bona oiemu tamana ena famili taudia ibounai be oiemu ruma dekenai do oi haboua.

IOSUA 2:18 Iomraidhean Croise

GENESE 12:2

Lau be oi dekenai tubuna momo do lau henia, dohore idia be bese bada herea. Oi do lau hanamoa, bona oiemu ladana do lau habadaia, vadaeni taunimanima ese namo bada do idia davaria oi dekena amo.

GENESE 7:1

Lohiabada ese Noa dekenai ia hereva, ia gwau, “Lagatoi lalonai oi guia, oi bona oiemu ruma taudia ibounai, badina be lau itaia, oi sibona be kara maoromaoro tauna inai taunimanima edia huanai.

ESETA 8:6

Badina inai dika bada egu bese taudia dekenai lau ura lasi momokani. Bema egu varavara taudia idia alaia mase neganai edena bamona do lau noho namo diba?”

ESODO 12:13

Inai rara umui emui noho rumadia dekenai be toana ta, toana be, umui be lau umui kamonai henia taudia. Rara do lau itaia neganai, do lau raka hanaia umui, lauegu badu ese do ia hadikaia lasi umui, Aigupito tano do lau botaia neganai.

SOLOMONA ENA ANE 4:3

Oiemu uduna bibinadia be varo kakakaka bamona, bona oiemu uduna be mai hairaina. Ma oiemu vairana ena kahana kahana, ena koua dabua murinai, be apolo huahua idia ivaia parara ena toana bamona.

LEVITIKO 14:4

“Bema gorere ia ore, hahelagaia tauna ese do ia oda henia, lepera tauna hagoevaia totona manu rua, goeva momokani gaudia, bona mauri gaudia do idia mailaia, sida au maragina ta, bona varo kakakakana ta, bona husopo rigina ta danu do idia mailaia.

NUMERA 19:6

Vadaeni hahelagaia tauna ese sida audia, bona husopo muramura avana, bona varo kakakaka be boromakau idia gabua lahi ena latanai do ia negea.

NUMERA 4:8

Inai gau ibounai edia latanai dabua ena kala kakakaka do idia atoa, vadaeni pata ena huaia audia be edia gabu dekenai do idia toia vareai.

LUKA 19:9

Iesu ia gwau, “Harihari hamauria be inai ruma dekenai ia ginidae vadaeni, badina ia danu be Aberahamo ena natuna.

APOSETOLO EDIA KARA 10:27

Bona ia raka vareai, Korenelio danu ia herevahereva, bona hebou taudia momo ia davaridia.

APOSETOLO EDIA KARA 10:33

Vadaeni karaharaga hereva lau siaia oi dekenai, bona oi mai dainai lau tanikiu henia. Hari ai ibounai be Dirava ena vairanai iniseni ai hebou, gau ibounai Dirava ia hadibaia oi dekenai, do ai kamonai totona.”

APOSETOLO EDIA KARA 11:14

Ia ese hereva do ia gwauraia umui dekenai, oi bona oiemu ruma bese taudia ibounai hamauria totona.’

2 TIMOTEO 1:16

Onesiporo mai ena ruma taudia danu, be Lohiabada ese do ia bogahisihisi henidia, badina be Onesiporo ese nega momo egu lalona ia hagoadaia, bona lau be dibura ruma lalonai lau noho, to ia be lau totona ia hemarai lasi.

HEBERU 9:19

Guna be Mose ese Taravatu ena hereva ibounai taunimanima dekenai ia gwauraia. Unai murinai, boromakau natuna bona nanigosi edia rara bona ranu ia abia. Vadaeni unai rara, be mamoe ena huina kakakaka, bona husopo auna dekena amo taunimanima bona Taravatu Buka edia latanai ia negea lao.

IOSUA 2:21

Rahaba ia hereva, ia gwau, “Emui hereva be lau abia dae vadaeni.” Vadaeni ia ese idia ia siaia lao, bona idia rakatania murinai, ia ese unai varo kakakakana uindo dekenai ia kwatua namonamo.

IOSUA 6:23

Vadaeni unai eregabe ruaosi, guna idia be hasinadoa taudia, ese ruma idia raka vareai. Idia ese Rahaba, iena tamana bona sinana, iena taihuna bona iena varavara ibounai danu idia hakaua murimuri dekenai. Idia ibounai be idia hakaua lao, Israela taudia edia kamepa murinai idia atodia.

IOSUA 6:25

To ariara hahine Rahaba, iena tamana ena famili taudia, bona iena varavara ibounai be Iosua ese ia hamauria. Unai hahine Rahaba ena tubudia be Israela dekenai idia noho ia mai bona hari, badina Iosua ena hesiai taudia, Ieriko, hasinadoa totona idia lao, be Rahaba ese ia hunidia dainai.