IOSUA 2:14 - Buka Helaga (Hiri Motu) 1993

¹⁴ Ruaosi ese ia dekenai idia haere, idia gwau, “Aiemai mauri davana be oiemu mauri. Aiemai gaukara ena sivarai bema oi gwauraia lasi neganai, ai ese umui dekenai do ai bogahisihisi momokani, Lohiabada ese inai tano ai dekenai ia henia neganai.”

IOSUA 2:14 Iomraidhean Croise

GENESE 24:49

Unai dainai mani oi hereva, lauegu biaguna dekenai do oi bogahisihisi, bona hanamoa kara ia dekenai do oi karaia. Bema lasi, mani oi hamaoroa lau, vadaeni do lau diba edena bamona do lau karaia.”

GENESE 47:29

Iena mase ia kahirakahira neganai, iena natuna Iosepa dekenai ia boiria. Ia gwau, “Mani emu kara, oiemu imana lauegu mamuna henunai do oi atoa. Vadaeni mai momokani danu do oi gwauhamata inai kara namona do oi karaia, lau oi lalokau henia toana: Aigupito dekenai lau do oi guria lasi.

2 SAMUELA 2:5

Vadaeni Davida ese hesiai taudia Iabese Gileada dekenai ia siaia, bona Davida ena hereva idia gwauraia, Davida ia gwau, “Lohiabada ese umui do ia hanamoa, badina be umui emui abidadama be emui biaguna Saulo dekenai umui hedinaraia, vadaeni umui guria.

2 SAMUELA 2:6

Lohiabada ese iena bogahisihisi, bona iena durua umui dekenai do ia henia. Bona lau danu umui do lau hanamoa, unai kara umui karaia dainai.

2 SAMUELA 9:1

Davida ese ia henanadai, ia gwau, “Saulo ena famili tauna ta ia do noho, o lasi? Lau ura kara namona ia dekenai do lau karaia, Ionatana dainai.”

1 KING TAUDIA 20:39

King be ia raka mai neganai, unai peroveta tauna ese ia dekenai ia boiboi, ia gwau, “Egu king e, lau ese lau tuari noho neganai, tuari tauna ta ese ia abia mauri Suria tauna lau dekenai ia hakaua mai, ia gwau, ‘Inai tau do oi dogoatao. Bema ia boio neganai, oiemu kerere davana be do oi mase, o siliva moni ibounai 3000 do oi henia.’

AONEGA HEREVADIA 14:22

Kara dika karaia dala idia tahua taudia, be idia kerere, ani? To kara namo karaia dala idia tahua taudia ese, bogahisihisi bona abidadama ena maino do idia davaria.

AONEGA HEREVADIA 18:24

Turana haida be turana koikoi taudia sibona, to turana ta ia noho, iena turana kara, ese tadikaka ta ena lalokau ia hereaia noho.

MATAIO 5:7

“Bogahisihisi henia taudia be idia namo, Dirava ena bogahisihisi do idia davaria.

APOSETOLO EDIA KARA 23:22

Tuari biaguna ia gwau, “Hari oi hereva lau dekenai gaudia, tau ta dekenai oi hamaoroa lasi.” Vadaeni, mero ia siaia lao.

IOSUA 2:13

“Umui ese lauegu tamana, lauegu sinana, lauegu taihuna, lauegu tadikakana bona edia famili ibounai do umui hamauria. Mase dekena amo ai do umui hamauria!”

IOSUA 2:15

Unai hahine ena ruma be hanua ena magu ena kahana ta, ia be magu ena latanai ia noho. Vadaeni ia ese ruaosi ia abidia, uindo dekena amo varo badana dekenai ia atodia diho.

IOSUA 6:17

Inai hanua, bona ia lalonai gau ibounai, be boubou gauna Lohiabada dekenai dainai, do umui hadikaia ore momokani. To ariara hahine Rahaba sibona, mai ena ruma taudia ibounai danu do umui hamauria, badina be ia ese iseda hasinadoa taudia ia hunia dainai.

IOSUA 6:22

Iosua ese hasinadoa taudia ruaosi dekenai ia hamaoroa, ia gwau, “Ariara hahine ena ruma dekenai do umui daekau, hahine mai ena varavara taudia ibounai danu do umui hakaua, emui gwauhamata umui henia hegeregerena.”

IOSUA 6:25

To ariara hahine Rahaba, iena tamana ena famili taudia, bona iena varavara ibounai be Iosua ese ia hamauria. Unai hahine Rahaba ena tubudia be Israela dekenai idia noho ia mai bona hari, badina Iosua ena hesiai taudia, Ieriko, hasinadoa totona idia lao, be Rahaba ese ia hunidia dainai.

1 SAMUELA 20:8

“Unai dainai, lau, oiemu hesiai tauna do oi bogahisihisi henia, badina be ita ese ita laloa tamona, bona Lohiabada ena vairanai gwauhamata helagana ita karaia vadaeni. To momokani, bema lau dekenai be kerere ta ia noho, oi sibona ese lau do oi alaia mase. Badina lau ura lasi oi ese lau do oi hakaua lao oiemu tamana dekenai.”