IOSUA 2:11 - Buka Helaga (Hiri Motu) 1993

¹¹ Unai sivarai ai kamonai neganai, aiemai kudouna idia gari bada, bona ta ena lalona ia goada lasi umui dainai. Badina Lohiabada emui Dirava be guba dekenai ia noho, bona inai tanobada dekenai ia noho danu.

IOSUA 2:11 Iomraidhean Croise

1 KING TAUDIA 8:60

Unai dekena amo tanobada besedia ibounai do idia diba, Lohiabada be Dirava, dirava idauna ta be lasi.

2 KING TAUDIA 5:15

Namana be Elisaia dekenai ia giroa lou, mai iena orea taudia ibounai danu. Elisaia ena vairanai Namana ia gini, ia gwau, “Harihari lau diba tanobada ibounai lalonai Dirava ta be lasi, to Israela ena Dirava sibona. Unai dainai mani emu kara, harihari gauna lau dekena amo do oi abia.”

NEHEMIA 6:16

Ai idia ura hadikaia taudia ibounai ese inai sivarai idia kamonai neganai, bona bese idauidau, ai kahirakahira idia noho tano taudia idia itaia neganai, idia gari bona idia hemarai, badina idia diba aiemai Dirava ena durua dainai inai gaukara ai haorea.

ESETA 8:17

Hanua ibounai, bona basileia ibounai dekenai, king ena oda hereva idia kamonai Iuda taudia ibounai be idia moale noho, bona laga-ani dinana idia abia, aria idia karaia, bona idia noho namo. Bona unai tano idau bese taudia be Iuda taudia dekenai idia gari. Unai dainai idia momo be sibodia Iuda taudia idia halaoa, Iuda orea danu idia haboua.

SALAMO 102:15

Bese idauidau ese Lohiabada ena ladana do idia gari henia. Tanobada ena king taudia ibounai ese, oiemu hairaina do idia matauraia.

SALAMO 22:14

Lauegu goada ia ore vadaeni, ranu be tano dekenai idia bubua kava bamona. Lauegu turiana ibounai be idia dika. Lauegu kudouna be kandolo bamona, egu kemena dekenai ia veve ore.

SALAMO 58:7

Ia heau lao ranu ia boio haraga bamona, inai laiona danu mani do idia boio haraga. Mani emu kara, oi ese idia do oi moia patapata, ava idia moia patapata bamona.

SALAMO 83:18

Lau ura inai bamona do oi karaia, vadaeni idia be do idia diba oiemu ladana be Iehova. Bona oi sibona, Ataiai Momokani Diravana, ese tanobada oi biagua noho.

ESODO 15:14

Bese idauidau oiemu kara ena sivarai idia kamonai, vadaeni idia gari, idia heudeheude. Pilistia taudia edia gari, be mara ena hisihisi bamona.

ESODO 15:15

Edoma lohia taudia danu idia gari dikadika noho. Moaba edia siahu taudia danu idia gari momo. Kanana noho taudia ibounai edia lalona goada ia ore vadaeni.

ISAIA 13:7

Inai kara dainai, taunimanima ibounai edia imana be do idia manokamanoka, taunimanima ibounai edia kudoudia, be gari dainai do idia manoka momokani.

ISAIA 19:1

Peroveta hereva Aigupito totona be inai: Itaia, Lohiabada be ori ena latanai ia guia noho, Aigupito dekenai ia mai noho. Aigupito taudia edia kaivakuku, be Lohiabada ena vairanai idia heudeheude noho, bona Aigupito taudia be, edia kudoudia do idia manoka lao.

ESEKIELA 21:15

Unai neganai edia kudoudia be gari bada dainai do idia veve, badina be edia iduara ibounai dekenai tuari kaia ia diaridiari noho, kevaru bamona ia diaridiari noho. Bona ena isena be mai matana, ala-ala totona.

NAHUMU 2:10

Nineva be idia hadikaia ore vadaeni, ia be anina lasi momokani! Taunimanima edia kudoudia idia manoka lao, gari bada dainai. Edia tuidia idia heudeheude noho, edia goada ia ore. Edia vairadia be idia laboralabora lao noho.

DEUTERONOMI 1:28

Edeseni do ita lao? Ita be ita gari noho. Ita siaia hasinadoa taudia ese ita idia hamaoroa unai tano idia noho taudia be bada herea bona lata herea, to ita be maragi bona kwadogi. Hasinadoa taudia danu idia gwau unai tano ena hanua be idia bada, edia magu danu be idia lata, edia ataiai be guba dekenai idia daekau. Ma iseda hasinadoa taudia ese Anakima tau badadia unai tano dekenai idia itaia!’

DEUTERONOMI 20:8

“Ma tuari biagudia ese edia tuari taudia do idia hereva henia do idia gwau, ‘Bema tau ta be tuari totona ia gari bada neganai, ia ese iena ruma dekenai do ia giroa lou, ia ese iena bamona tuari taudia edia lalona do ia hamanokaia garina.’

DEUTERONOMI 4:39

“Unai dainai hari dina umui diba momokani, bona do umui laloaboio lasi, Lohiabada be Dirava, guba dekenai bona tanobada dekenai. Ia sibona be Dirava, ta ma be lasi.

IOSUA 14:8

Lauegu tadikaka taudia, lau danu idia lao taudia, ese taunimanima edia lalona idia hamanokaia, to lau ese Lohiabada egu Dirava lau badinaia momokani, mai egu kudouna ibounai.

IOSUA 2:24

Idia ese Iosua idia hamaoroa, idia gwau, “Momokani, Lohiabada ese unai tano ibounai ita dekenai ia henia vadaeni. Tano taudia ibounai be ita dainai idia gari bada herea noho.”

IOSUA 5:1

Amoro king taudia ibounai Ioridane Sinavai ena dina diho kahanai, bona Kanana king taudia ibounai kone kahana dekenai idia noho, be Israela edia sivarai idia kamonai. Idia kamonai Lohiabada ese Ioridane Sinavai ia hakaukaua, vadaeni Israela taudia idia raka hanaia vadaeni. Vadaeni unai king taudia idia gari bada, bona edia kudoudia be idia manoka Israela taudia dainai.

IOSUA 7:5

Ai hanua taudia ese unai Israela taudia idia lulua lao, Ai ena magu iduara dekena amo ela bona Sebarimi, nadi abia gabuna dekenai. Ai taudia ese Israela taudia 36 bamona idia alaia mase. Vadaeni Israela taudia edia laloa goada ia ore, edia lalodia be manoka, ranu bamona, gari dainai.

IOSUA 9:24

Gibeona taudia ese Iosua dekenai idia haere, idia gwau, “Lohia e, ai kamonai bona ai diba Lohiabada oiemu Dirava ese iena hesiai tauna Mose ia oda henia, inai tano ibounai be umui dekenai do ia henia, bona inai tano dekenai noho taudia ibounai be emui vairana dekenai do ia alaia mase. Unai dainai umui dekenai ai gari dikadika, bona aiemai heau mauri dalana ai tahua. Unai dainai unai koikoi kara ai karaia.

APOKALUPO 6:16

Idia ese ororo bona nadi badadia dekenai idia boiboi, idia gwau, “Umui ese aiemai latanai do umui moru diho, ai do umui hunia, helai gabuna badana dekenai ia helai Diravana ena vairana do ai itaia garina. Ai do umui hunia, Mamoe ena Natuna ena badu ese ai do ia abia garina!