IOSUA 2:10 - Buka Helaga (Hiri Motu) 1993

¹⁰ Badina be ai kamonai Lohiabada ese Davara Kakakaka be umui emui vairanai ia hakaukaua, Aigupito tano dekena amo umui raka mai neganai. Ai kamonai vadaeni danu Amoro ena king ruaosi, Sihona bona Oga be umui aladia mase, Ioridane Sinavai unai kahana dekenai.

IOSUA 2:10 Iomraidhean Croise

SALAMO 74:15

Oi ese tano oi hapararaia, ranu do ia lohilohi, bona do ia heau lao totona, bona nega daudau idia heau vadaeni sinavai, be oi ese oi hakaukaua.

NUMERA 20:14

Mose ese Kadesi dekena amo iena hesiai taudia be Edoma ena king dekenai ia siaia. Idia gwau, “Inai hereva be oiemu tadina Israela dekena amo. Oi diba vadaeni ai dekenai idia vara hisihisi gaudia ibounai.

NUMERA 23:22

Dirava ese Aigupito dekena amo, Israela taudia ia hakaua. Idia edia goada be uda boromakau edia goada bamona.

NUMERA 24:8

Dirava ese Israela taudia Aigupito dekena amo ia hakaudia. Idia edia goada be uda boromakau ena goada bamona. Israela taudia ese, idia dekenai idia dagedage taudia do idia halusia. Edia turiana do idia hamakohia momokani, bona idia edia diba bona peva dekena amo, Israela taudia ese, idia hadikaia gwauraia taudia do idia pidia mase.

DEUTERONOMI 2:30

“To king Sihona, Hesebona ena king ese iseda dala ia koua, iena tano do ita hanaia lasi ia gwau. Badina be Lohiabada emui Dirava ese Sihona ena lauma ia ha-aukaia bona iena lalona ia habadua. Unai dainai ita ese ita tuari henia, bona ita halusia diba, bona iena tano, ita do noho tanona ita abia diba totona.

IOSUA 24:12

“Umui raka vaira neganai, lau ese lau hagaridia dikadika, bona Amoro taudia edia king rua umui emui vairana dekenai lau luludia lao. To emui tuari kaia bona emui peva ese unai Amoro taudia idia halusia lasi.

IOSUA 4:24

Unai bamona ia karaia dainai, tanobada taudia ibounai do idia diba Lohiabada ena siahu be bada herea, bona umui danu ese Lohiabada emui Dirava do umui gari henia, ela bona hanaihanai.’ ”

IOSUA 5:1

Amoro king taudia ibounai Ioridane Sinavai ena dina diho kahanai, bona Kanana king taudia ibounai kone kahana dekenai idia noho, be Israela edia sivarai idia kamonai. Idia kamonai Lohiabada ese Ioridane Sinavai ia hakaukaua, vadaeni Israela taudia idia raka hanaia vadaeni. Vadaeni unai king taudia idia gari bada, bona edia kudoudia be idia manoka Israela taudia dainai.

IOSUA 9:10

Bona Lohiabada ese Amoro king ruaosi, Ioridane Sinavai unai kahana dekenai, dahaka ia karaia ena sivarai danu ai kamonai. Unai king be Sihona, Hesebona ena king, bona Oga, Basana ena king, Asataroto dekenai ia noho tauna.