IOSUA 2:1 - Buka Helaga (Hiri Motu) 1993

¹ Iosua Nunu ese hasinadoa taudia rua Sitima dekena amo hunia dekenai ia siaia. Ia oda henidia, ia gwau, “Do umui lao, Kanana tano do umui itaia, bona Ieriko hanua danu.” Vadaeni ruaosi be Ieriko hanua dekenai idia lao, bona ariara hahine ta, ena ladana be Rahaba, ena ruma dekenai idia daekau, unuseni idia noho.

IOSUA 2:1 Iomraidhean Croise

GENESE 42:16

Umui dekena amo tau ta do umui siaia, umui emui tadina do ia hakaua mai iniseni, to umui orena be dibura ruma dekenai do umui noho, vadaeni do lau diba emui hereva be momokani o lasi. Bema lasi, inai be momokani, tuari taudia ese umui idia siaia, tano itaia totona.”

GENESE 42:9

Vadaeni Iosepa ena nihi, idia dekenai ia nihi gauna hari ia laloa, vadaeni ia gwau henidia, ia gwau, “Umui be koikoi taudia, tuari orea ta ese umui ia siaia mai, inai tano ena manoka itaia totona.”

MIKA 6:5

“Lauegu bese taudia e, Moaba ena king Balaki ia ura karaia umui dekenai kara, do umui laloa lou. Bona Balama Beoro ese Balaki ia haere henia hereva danu do umui laloa. Umui durua totona lau karaia gaudia danu do umui laloa, Sitima kamepa bona Gilegala dekenai umui raka lao neganai. Unai kara badadia be lau ese lau karaia umui do lau hamauria totona. Unai kara do umui laloa, vadaeni egu kara maoromaoro do umui diba.”

NUMERA 13:1

Lohiabada ese Mose ia hamaoroa, ia gwau,

NUMERA 13:2

“Hasinadoa taudia do oi siaidia, Kanana dekenai do idia lao, unai tano taudia edia goada do idia itaia totona. Unai tano be Israela taudia dekenai do lau henia. Iduhu ta ta ibounai dekena amo lohia taudia do oi siaidia.”

NUMERA 25:1

Israela taudia be Akasia Koura dekenai idia kamepa neganai, edia tatau ese Moaba hahine idia sihari henidia.

NUMERA 33:49

Edia kamepa be Ioridane Sinavai ena isena dekenai, Bete Iesimoto bona Abele Sitima edia huana dekenai, Moaba ena tano palaka dekenai.

MATAIO 1:5

Salamona ese Boasi ia havaraia, Rahaba ena bogana dekenai. Boasi ese Obeda ia havaraia, Ruta ena bogana dekenai. Obeda ese Iese ia havaraia.

MATAIO 10:16

“Lau ese lau siaia umui, mamoe, uda sisia edia huanai bamona. Unai dainai, do umui aonega, gaigai bamona, bona do umui dagedage lasi, pune manu bamona.

EFESO 5:5

Bona do umui diba momokani, heudahanai tauna, sihari kava kara tauna, matabodaga tauna, bona kohu ura dikadika tauna, be gabu lasi, Keriso bona Dirava edia Basileia lalonai. Kohu ura dikadika kara be hegeregere kaivakuku tomadiho henia kara bamona.

HEBERU 11:31

Ariara hahine Rahaba ese Dirava ia abidadama henia dainai, ia ese Israela hasinadoa taudia ruaosi edia itaia hunia gaukara ia durua. Vadaeni abidadama lasi taudia danu, be Rahaba ia mase lasi.

IAMESI 2:25

Unai bamona danu, ariara hahine Rahaba be iena kara dainai Dirava ena vairanai ia maoromaoro. Badina be ia ese Israela ena hesiai taudia iena ruma dekenai ia abidia dae, bona dala idauna dekena amo ia siaidia lao, vadaeni idia heau mauri.

IOSUA 1:18

Daika ese oi dekenai ia hepapahuahu, bona oiemu oda do ia negea, unai tauna be do ai alaia mase. Do oi goada, bona do oi boga auka nega ibounai!”

IOSUA 2:2

Haida ese Ieriko ena king idia hamaoroa, idia gwau, “Israela taudia haida be inai hanuaboi idia mai vadaeni, inai tano hunia dekenai idia itaia totona.”

IOSUA 21:31

bona Helikati, mai ena rei gabudia danu, bona Rehoba, mai ena rei gabudia danu, hanua 4.

IOSUA 3:1

Daba rere neganai, Iosua be ia toreisi, Sitima ia rakatania, Israela taudia ibounai be ia danu. Ioridane Sinavai ena ranu badina dekenai idia ginidae. Idia hanaia maoromaoro lasi, to idia kamepa guna.

IOSUA 5:10

Israela taudia be Gilegala dekenai idia noho neganai, idia ese Pasova aria idia karaia. Hua ena dina 14, adorahi neganai idia karaia, Ieriko tano palaka dekenai.

GUNALAIA TAUDIA 1:23

Iosepa taudia ese edia tau haida idia siaia, hunia dekenai Betele do idia itaia totona. Betele ena ladana gunana be Lusu.

GUNALAIA TAUDIA 18:14

Vadaeni unai tau 5, Laisi tano hunia dekenai idia itaia taudia ese edia varavara taudia idia hamaoroa, idia gwau, “Umui diba, a? Inai ruma lalonai be epodi dabua helagana ta, bona kaivakuku ta, au dekenai idia koroa, bona siliva dekenai idia koua gauna. Bona dirava haida edia laulau gaudia haida danu idia noho. Idia dekenai dahaka do ita karaia?”

GUNALAIA TAUDIA 18:17

Unai hasinadoa taudia 5 be maoromaoro ruma dekenai idia raka vareai, kaivakuku, siliva dekenai koua gauna, bona unai dirava haida edia laulaudia, bona epodi dabua helagana idia abia. Levi hahelagaia tauna be unai tuari taudia 600 danu, magu iduara dekenai ia gini noho.

GUNALAIA TAUDIA 18:2

Unai dainai Dano taudia ese edia iduhu taudia ibounai dekena amo goada taudia 5 idia siaia, Sora dekena amo bona Esetaoli dekena amo, idia ese hunia dekenai tano idauidau edia kahana ibounai do idia itaia totona. Inai tau 5 be Eparaima ena ororo tano dekenai idia ginidae, vadaeni idia ese Mika ena ruma dekenai idia raka vareai, bona unuseni idia mahuta.