IOSUA 18:8 - Buka Helaga (Hiri Motu) 1993

⁸ Unai dainai unai mapu do idia torea taudia idia toreisi, tano ena toana ena sivarai torea totona idia lao, Iosua ese idia ia hadibaia hegeregerena. Iosua ia hamaorodia vadaeni, ia gwau, “Umui lao, tano dekenai do umui raka loaloa, mapu do umui torea, bona do umui mai lou, bona lau ese Silo dekenai, umui totona laki do lau gadara, Lohiabada ena vairanai.”

IOSUA 18:8 Iomraidhean Croise

GENESE 13:17

Oi toreisi, inai tano ibounai do oi hanaia lao, badina be ibounai oi dekenai do lau henia.”

ISAIA 34:17

Ia ese idia ta ta dekenai tano kahana ia henia, idia ta ta mai edia ahuna. Idia be unai edia tano dekenai, do idia noho hanaihanai, bona nega ibounai unai be edia tano.

ROMA 14:19

Unai dainai maino daladia do ita tahua, bona ita ta ta ese iseda bamona ta ta edia abidadama do ita hagoadaia.

IOSUA 13:7

“Unai dainai inai tano ibounai do oi haria, Israela edia iduhu 9, bona Manase iduhu kahana edia huanai do oi haria, edia tano korikori do ia lao.”

IOSUA 15:1

Iuda iduhu taudia edia bese ta ta ese tano ta ta idia abia. Edia tano hetoana diho kahana dekenai be Edoma taudia edia tano hetoana, bona ia lao ela bona Sini ena tano kaukau ena diho kahana isena korikori dekenai.

IOSUA 18:1

Idia ese unai tano ena taudia ibounai idia halusia neganai, Israela bese taudia ibounai be Silo dekenai idia haboua. Unuseni Palai Dubu idia haginia.

IOSUA 18:10

Vadaeni Iosua be Silo dekenai unai Israela taudia totona laki gadara ia karaia, Lohiabada ena vairanai. Unai gabu dekenai Iosua ese tano ia haria, bona Israela taudia edia iduhu ta ta dekenai edia tano korikori ia henia.

IOSUA 18:6

Tano ena toana ena sivarai do umui torea, kahana 7 dekenai, bona mapu be lau dekenai do umui mailaia. Vadaeni lau ese umui totona laki do lau gadara, Lohiabada iseda Dirava ena vairana dekenai. Unai dekena amo do lau diba edena tano Dirava ese emui iduhu ta ta dekenai do ia henia.

IOSUA 18:9

Vadaeni unai taudia be tano ena kahana ibounai dekenai idia raka loaloa, bona iena toana ena sivarai be buka dekenai idia torea, kahana 7 dekenai. Vadaeni idia be Iosua dekenai idia giroa lou, Silo ena kamepa dekenai.

1 SAMUELA 14:41

Saulo ese Lohiabada dekenai ia hereva, ia gwau, “Lohiabada, Israela ena Dirava e, dahaka dainai hari dina lau dekenai oi haere lasi? Bema inai kerere be lauegu, o lauegu natuna Ionatana ena, nadi helagana Urima, dekena amo do oi haere? To bema inai kerere be Israela taudia edia, nadi helagana, Tumima, dekena amo do oi haere.” Urima ese ia haere henia, kerere be Ionatana bona Saulo edia, to Israela taudia edia kerere be lasi.