IOSUA 18:6 - Buka Helaga (Hiri Motu) 1993

⁶ Tano ena toana ena sivarai do umui torea, kahana 7 dekenai, bona mapu be lau dekenai do umui mailaia. Vadaeni lau ese umui totona laki do lau gadara, Lohiabada iseda Dirava ena vairana dekenai. Unai dekena amo do lau diba edena tano Dirava ese emui iduhu ta ta dekenai do ia henia.

IOSUA 18:6 Iomraidhean Croise

SALAMO 105:11

Lohiabada ese Iakobo dekenai ia hereva inai bamona: “Lau ese Kanana tano oi dekenai do lau henia, bona inai tano be oi bona oiemu tubuna ese do umui biagua.”

AONEGA HEREVADIA 16:33

Edia dala diba totona taunimanima ese, laki gadara idia karaia noho, to Dirava sibona ese edia dala ia havaraia noho.

AONEGA HEREVADIA 18:18

Bema goada taudia rua ese idia kota neganai, laki gadara dekena amo unai kota idia hamaoromaoroa diba.

NUMERA 33:54

Tano be laki dalana dekenai iduhu ta ta dekenai do oi haria, bona iduhu badadia dekenai tano badadia do oi henia, bona iduhu maragidia dekenai tano maragidia do oi henia. Bema laki ese tau ta dekenai tano ta ia henia, unai be iena tano.

NUMERA 34:13

Vadaeni Mose ese Israela taudia ia hamaoroa, ia gwau, “Inai tano be emui tano, bona laki dekena amo do umui haria. Lohiabada ese ia hereva vadaeni iduhu 9 bona iduhu ta kahana ese inai tano do idia abia.

APOSETOLO EDIA KARA 13:19

Kanana tano lalonai Dirava ese bese 7 ia hamakohia, bona edia tano Israela taudia dekenai ia henia, haria dala dekenai.

IOSUA 14:2

Idia haria dalana be laki gadara dekena amo, Lohiabada ese Mose ia hamaoroa hegeregerena, iduhu 9 bona iduhu kahana edia huanai.

IOSUA 18:10

Vadaeni Iosua be Silo dekenai unai Israela taudia totona laki gadara ia karaia, Lohiabada ena vairanai. Unai gabu dekenai Iosua ese tano ia haria, bona Israela taudia edia iduhu ta ta dekenai edia tano korikori ia henia.

IOSUA 18:7

“To Levi taudia be emui huanai tano ta do idia abia lasi, badina idia be Lohiabada ena hahelagaia taudia do idia lao, edia davana be unai. Bona Gado iduhu, Rubena iduhu, bona Manase iduhu kahana ese edia tano idia abia vadaeni, Ioridane Sinavai ena dina daekau kahana dekenai, Lohiabada ese idia dekenai ia henia gabudia.”

IOSUA 18:8

Unai dainai unai mapu do idia torea taudia idia toreisi, tano ena toana ena sivarai torea totona idia lao, Iosua ese idia ia hadibaia hegeregerena. Iosua ia hamaorodia vadaeni, ia gwau, “Umui lao, tano dekenai do umui raka loaloa, mapu do umui torea, bona do umui mai lou, bona lau ese Silo dekenai, umui totona laki do lau gadara, Lohiabada ena vairanai.”