IOSUA 18:3 - Buka Helaga (Hiri Motu) 1993

³ Vadaeni Iosua ese Israela taudia ia hamaoroa, ia gwau, “Ela bona edena negai do umui naria kava, Lohiabada, emui sene taudia edia Dirava, ese umui dekenai ia henia vadaeni tano umui abia lasi?

IOSUA 18:3 Iomraidhean Croise

AONEGA HEREVADIA 10:4

Bema oi lahedo neganai oi be do oi ogogami, to bema oi gaukara auka neganai, oi be kohu momo do oi abia.

AONEGA HEREVADIA 13:4

Lahedo tauna ese gau ia ura dikadika, to gau ta ia abia lasi. Gaukara auka tauna ese, ia ura henia gaudia ibounai do ia davaria.

AONEGA HEREVADIA 15:19

Lahedo tauna ena dala, be mai hekwakwanai gaudia momo danu, to gaukara momokani tauna ena dala, be namo bona mai daradara lasi.

HADIBAIA TAUNA 9:10

Oiemu imana ese ia davaria gaukara ibounai, be do oi karaia mai oiemu goada ibounai danu. Badina be mase taudia edia gabu, oi lao gabuna, dekenai be kara ta lasi, laloa ta lasi, diba bona aonega ta lasi.

SEPANAIA 3:16

Unai dina ia ginidae neganai, Ierusalema dekenai do idia gwau, “Siona taudia e, do umui gari lasi. Emui imadia do umui ha-aukaia, do umui manoka lasi.

MATAIO 20:6

Adorahi kahana ma 5 okaloka bamona ia raka murimuri dekenai, ma haida idia gini kava neganai, ia itadia. Vadaeni ia nanadaia idia dekenai, ia gwau, ‘Badina be dahaka iniseni umui gini kava ia mai bona dina be kahirakahira ia diho?’

IOANE 6:27

Umui gaukara lasi aniani ia ore gauna abia totona, to do ia noho, ia lao bona mauri hanaihanai, ena aniani abia totona do umui gaukara. Unai be Taunimanima ena Natuna ese do ia henia umui dekenai, badina be iena Tamana Dirava ese, ia hamomokania ena toa be ia dekenai ia henia vadaeni.”

IOSUA 1:6

“Do oi goada, do oi gari lasi. Badina be oi ese inai bese do oi gunalaia, edia sene taudia dekenai lau gwauhamata henidia tanona do idia abia neganai.

IOSUA 13:1

Iosua be ia buruka vadaeni, iena mauri lagani be momo herea. Lohiabada ese ia hereva henia, ia gwau, “Oi be oi buruka vadaeni, oiemu mauri lagani be momo herea, to tano bada herea be do noho, umui do abia lasi.

IOSUA 18:2

To Israela ena iduhu 7 ese edia tano kahana idia do abia lasi.

IOSUA 18:4

Iduhu ta ta dekena amo tau toi, tau toi do umui abia hidi, vadaeni lau ese idia do lau siaia, tano ibounai dekenai do idia raka hanaia, bona mapu do idia torea, tano haria namonamo dalana mapu dekenai do idia hedinaraia, bona lau dekenai do idia giroa mai.

GUNALAIA TAUDIA 18:9

Idia 5 idia gwau, “Umui toreisi haraga! Maoromaoro do ita lao, do ita tuari henia, badina be ai ese unai tano ai itaia vadaeni, uma tano namo herea. Do umui noho kava, a? Do umui naria kava lasi, badina unai tano do umui raka vareai, bona do umui abia, emui tano.