IOSUA 18:28 - Buka Helaga (Hiri Motu) 1993

²⁸ Sela, Haelepa, Iebusu (ena ladana ta be Ierusalema), Gibea, Kiriata Iearimi. Inai be hanua ibounai 14, mai edia hanua maragidia danu. Beniamina iduhu taudia edia hanua, mai edia tano be unai, edia bese ta ta ibounai edia huanai idia haria.

IOSUA 18:28 Iomraidhean Croise

2 SAMUELA 21:14

Vadaeni Saulo bona iena natuna Ionatana edia turiana be Sela hanua, Beniamina tano dekenai idia guria, edia tamana Kisa ena guria gabuna dekenai. Idia ese king Davida ena oda ibounai hegeregerena idia karaia. Bona unai murinai Dirava ese edia noinoi, tano do ia durua totona noinoi, ia kamonai henia.

2 SAMUELA 23:29

Helebe Banaha, Netopa tauna, Itai Ribai, Gibea tauna, Beniamina iduhu tauna ta.

2 SAMUELA 5:6

King, mai iena tuari taudia danu Ierusalema dekenai idia lao, unai hanua taudia, Iebusu taudia do idia tuari henia totona. Iebusu taudia ese Davida idia hamaoroa, idia gwau, “Oi be iniseni oi daekau mai diba lasi, matakepulu bona aena dika taudia ese oi do idia koua diba.” Iebusu taudia idia laloa, Davida be Ierusalema dekenai ia kwalimu diba lasi.

2 SAMUELA 5:8

Ierusalema ia abia dina dekenai, Davida ese iena tuari taudia ia hamaoroa, ia gwau, “Daika be lau danu Iebusu taudia do ita alaia mase? Bema ita ura Ierusalema ita halusia, be hanua ena ranu paipa badana do ita vareai lao, bona paipa do ita badinaia lao, ela bona hanua henunai ita noho, vadaeni do ita daekau mai, hanua lalonai. Vadaeni ita ese unai aena dika bona matakepulu taudia, lau idia dagedage henia taudia do ita alaia mase.” Unai kara dekena amo, inai hereva gunana be ia vara, gauna inai: “Matakepulu taudia bona aena dika taudia be king ena ruma do idia vareai diba lasi.”

1 SIVARAI 8:28

Unai taudia be iduhu gunalaia taudia, bona lohia taudia edia uru lalonai. Idia be Ierusalema dekenai idia noho.

ISAIA 10:29

Ororo raka hanaia gabuna dekena amo idia hanaia vadaeni. Geba dekenai hanuaboi neganai idia kamepa ela bona dabai. Rama taudia idia heudeheude noho, Gibea, Saulo ena hanua, ena taudia idia heau vadaeni.

IEREMIA 6:1

Beniamina taudia e, Ierusalema dekena amo do umui heau mauri! Tekoa dekenai kibi do umui hiriria! Bete Hakereme dekenai pepe do umui abia isi! Badina be dika bada, be mirigini kahana dekena amo ia mai noho. Hanua ena gau ibounai hadikaia ore kara, be kahirakahira do ia vara.

HOSEA 10:9

Lohiabada ia gwau, “Israela taudia e, Gibea dekenai umui kara dika dinadia, ia mai bona hari dina danu, umui ese lau dekenai umui kara dika noho. Unai dainai Gibea dekenai, ma tuari ese umui do ia alaia mase.

NUMERA 26:38

Beniamina ena natuna bona edia iduhu be inai: Bela, Bela iduhu ia havaraia tauna, bona Asabela, Asabela iduhu ia havaraia tauna, bona Ahirama, Ahirama iduhu ia havaraia tauna.

NUMERA 26:54

Iduhu badana dekenai be tano badana do oi henia, to iduhu maragina dekenai tano maragina do oi henia. Iduhu ta ta edia tano ena bada be edia taunimanima hida hegeregerena.

NUMERA 33:54

Tano be laki dalana dekenai iduhu ta ta dekenai do oi haria, bona iduhu badadia dekenai tano badadia do oi henia, bona iduhu maragidia dekenai tano maragidia do oi henia. Bema laki ese tau ta dekenai tano ta ia henia, unai be iena tano.

IOSUA 15:63

To Iuda taudia edia goada be hegeregere lasi Iebusu taudia, Ierusalema dekenai idia noho taudia, do idia lulua ore. Unai dainai Iebusu taudia bona Iuda taudia be Ierusalema dekenai idia noho hebou ia mai bona hari dina.

IOSUA 15:8

Ene Rogele dekena amo ma ia lao, Hinoma ena Koura dekena amo, ela bona Iebusu Ororo, ena ladana ta be Ierusalema, ena diho kahana. Unuseni dekena amo ma ia lao, ela bona Hinoma Koura unai kahana ororo ena ataiai, dina diho kahana dekenai. Unai be Repaima Koura dokona mirigini kahana dekenai.

IOSUA 18:16

Ma ia lao, ela bona Hinoma Koura kahirakahira ia noho ororo dekenai ia ginidae. Inai ororo be Repaima Koura ena mirigini kahanai. Tano hetoana be ma diho kahanai ia lao, bona Hinoma Koura ia badinaia, bona Iebusu taudia edia ororo ena diho kahana danu ia badinaia, ela bona Ene Rogele dekenai.

IOSUA 18:27

Rekema, Iripele, Tarala,

IOSUA 19:1

Iosua ese laki gadara dekena amo tano ia abia hidi iduhu iharuana totona be Simeona, iena bese ta ta dekenai. Simeona taudia edia tano be Iuda taudia edia tano ena huanai.

GUNALAIA TAUDIA 1:21

To Beniamina taudia ese Iebusu taudia, Ierusalema dekenai idia noho taudia, idia lulua diba lasi. Unai dainai, Iebusu taudia be Beniamina taudia danu idia noho hebou Ierusalema dekenai, ia mai bona hari dina.

GUNALAIA TAUDIA 19:10

To Levi tauna be ia ura lasi unuseni do ia mahuta. Ia be ia toreisi, mai ena adavana, bona mai edia hesiai tauna bona edia doniki rua. Idia be Iebusu, unai gabu ena ladana ta be Ierusalema, dekenai idia lao gwauraia.

1 SAMUELA 10:26

Saulo danu iena ruma Gibea dekenai ia lao. Goada herea taudia haida danu, Dirava ese edia kudouna ia davaria taudia, be Saulo danu idia lao.