IOSUA 18:16 - Buka Helaga (Hiri Motu) 1993

¹⁶ Ma ia lao, ela bona Hinoma Koura kahirakahira ia noho ororo dekenai ia ginidae. Inai ororo be Repaima Koura ena mirigini kahanai. Tano hetoana be ma diho kahanai ia lao, bona Hinoma Koura ia badinaia, bona Iebusu taudia edia ororo ena diho kahana danu ia badinaia, ela bona Ene Rogele dekenai.

IOSUA 18:16 Iomraidhean Croise

2 SAMUELA 17:17

Unai neganai Ionatana bona Ahimasa be Ene Rogele dekenai idia naria noho, Ierusalema ena murimurinai. Ierusalema lalonai idia vareai lasi, haida ese idia do idia itaia garina. Husai ena hesiai kekeni ta ena kara be, unai tau ruaosi dekenai ia lao, hereva idia dekenai ia gwauraia, vadaeni idia ese king Davida dekenai idia abia lao.

2 SAMUELA 5:18

Pilistia taudia idia mai, Repaima Koura ena kahana ibounai idia hahonua.

1 KING TAUDIA 1:9

Vadaeni Adonaisa be gabu ta ladana Gaigai Nadina dekenai ia lao, Ene Rogele ranu guri kahana dekenai. Unuseni ia ese mamoe bona boromakau namodia, bona ubua gaudia, be boubou totona ia alaia, bona henia. Bona ia ese unuseni king Davida ena natuna haida ia boiria, king ena hesiai taudia Iuda tanona dekena amo danu ia boiria.

2 KING TAUDIA 23:10

Iosaia ese danu dirava koikoi ladana Topete ena tomadiho gabuna, Hinoma Koura dekenai ia hadikaia ore. Unai dainai tau ta ese iena natuna mero o kekeni ia henia diba lasi, boubou totona, Moleka ena lahi lalonai.

1 SIVARAI 14:9

Pilistia taudia be Repaima Koura dekenai idia ginidae, bona unai gabu taudia dekenai idia tuari henia hamatamaia.

2 SIVARAI 28:3

Ahasa ese danu muramura mai bonana namo Hinoma Koura dekenai ia gabua, bona ia ese iena natuna tau be gabua bouboudia totona ia aladia, bona ia gabudia. Inai kara be Lohiabada ese Israela taudia edia vairanai ia lulua lao bese taudia edia kara hegeregerena.

2 SIVARAI 33:6

Manase ese danu iena natuna tau be boubou totona ia gabua ore, bona ia ese babalau, meamea, bona mase taudia edia lauma bona edia laulau dekenai hereva henia kara ia karaia. Manase ese Lohiabada ena vairanai ia kara dika bada, bona ia ese Lohiabada ia habadua.

ISAIA 30:33

Badina be idaunegai, lahi gabuna idia abia hegaegae, unuseni Asuria ena king do idia gabua ore totona. Inai lahi gabu be dobu bona ena lababa be bada, bona au rakuraku momo dekenai idia hahonua vadaeni. Lohiabada ese unai gabu dekenai do ia laga, lahi hururuhururu do ia siaia, bona do ia gabua ore.

IEREMIA 19:11

Bona idia dekenai inai lauegu hereva do oi hamaoroa, oi gwau, ‘Lau, Siahu Ibounai Lohiabada lau hereva inai: Inai Iuda taudia bona inai hanua, Ierusalema, be do lau hamakohia, inai uro ia makohia hegeregerena, bona tau ta ese do ia hanamoa lou diba lasi. Bona Topete be Iuda taudia edia mase guria gabuna do ia lao, bona edia mase tauanidia ese inai gabu do idia hahonua momokani.

IEREMIA 19:2

Vadaeni umui be Hinoma Koura dekenai do umui lao, emui dala dekenai Ierusalema magu iduara ta do umui hanaia. Inai iduara ena ladana be, ‘Ia Makohia Urona ena Iduara’. Unuseni lauegu hereva do oi gwauraia, inai bamona:

IEREMIA 19:6

Unai dainai Lohiabada ma ia gwau, “Negana be do ia mai, ‘Topete’ bona ‘Hinoma ena Koura’ do idia gwauraia lou lasi, to ‘Taunimanima Alaia ena Koura’.

IEREMIA 32:35

Bala ena ataiai idia noho tomadiho gabudia idia haginia Hinoma ena Koura lalonai, unuseni edia natudia tau bona hahine be boubou gaudia do idia halaoa totona, Moleka dirava ena. To lau ese inai bamona kara do idia karaia totona lau oda henidia lasi, bona lau laloa lasi unai bamona kara dika rohoroho do idia karaia. Badina unai kara dekena amo idia ese Iuda taudia idia hakererea momokani.”

IOSUA 15:63

To Iuda taudia edia goada be hegeregere lasi Iebusu taudia, Ierusalema dekenai idia noho taudia, do idia lulua ore. Unai dainai Iebusu taudia bona Iuda taudia be Ierusalema dekenai idia noho hebou ia mai bona hari dina.

IOSUA 18:28

Sela, Haelepa, Iebusu (ena ladana ta be Ierusalema), Gibea, Kiriata Iearimi. Inai be hanua ibounai 14, mai edia hanua maragidia danu. Beniamina iduhu taudia edia hanua, mai edia tano be unai, edia bese ta ta ibounai edia huanai idia haria.

GUNALAIA TAUDIA 1:21

To Beniamina taudia ese Iebusu taudia, Ierusalema dekenai idia noho taudia, idia lulua diba lasi. Unai dainai, Iebusu taudia be Beniamina taudia danu idia noho hebou Ierusalema dekenai, ia mai bona hari dina.

GUNALAIA TAUDIA 1:8

Vadaeni Iuda taudia ese Ierusalema hanua idia tuari henia, idia abia, hanua taudia ibounai idia alaia mase, bona lahi dekenai hanua idia gabua.

GUNALAIA TAUDIA 19:10

To Levi tauna be ia ura lasi unuseni do ia mahuta. Ia be ia toreisi, mai ena adavana, bona mai edia hesiai tauna bona edia doniki rua. Idia be Iebusu, unai gabu ena ladana ta be Ierusalema, dekenai idia lao gwauraia.