IOSUA 18:10 - Buka Helaga (Hiri Motu) 1993

¹⁰ Vadaeni Iosua be Silo dekenai unai Israela taudia totona laki gadara ia karaia, Lohiabada ena vairanai. Unai gabu dekenai Iosua ese tano ia haria, bona Israela taudia edia iduhu ta ta dekenai edia tano korikori ia henia.

IOSUA 18:10 Iomraidhean Croise

1 SIVARAI 24:5

Eleasara besena bona Itamara besena ruaosi be mai edia Helaga Gabuna naria taudia, bona mai edia Dirava ena hereva hadibaia taudia. Unai dainai tau ta ta dekenai dagi henia dalana be laki gadara dekena amo.

NEHEMIA 11:1

Bese gunalaia taudia be Ierusalema dekenai idia noho. Taunimanima oredia ese laki gadara dekena amo idia abia hidi, taunimanima 10, 10, dekena amo ta, ta, be hanua helagana dekenai do idia noho, to oredia 9 be edia hanua korikori ta ta dekenai do idia noho.

SALAMO 47:4

Dirava ese tano ta ia abia hidi, bona ita dekenai ia henia. Ita be Iakobo ena tubuna, Dirava ese ita ia lalokau henia. Inai tano be iseda tano dainai, iniseni do ita noho, mai moale danu.

SALAMO 61:5

Badina be Dirava e, egu gwauhamata be oi ese oi kamonai vadaeni, bona oi ese, oiemu ladana idia matauraia taudia edia davana namona, be lau dekenai oi henia vadaeni.

AONEGA HEREVADIA 18:18

Bema goada taudia rua ese idia kota neganai, laki gadara dekena amo unai kota idia hamaoromaoroa diba.

IEREMIA 7:12

“Silo dekenai do umui lao, bona unai gabu dekenai dahaka lau karaia do umui itaia. Guna lau ese Silo lau abia hidi, umui ese lau do umui tomadiho henia gabuna, to gabeai Israela edia kara dika lau itaia neganai, unai gabu lau hadikaia ore.

ESEKIELA 47:22

Inai tano be emui ahuna korikori do ia lao, umui emui, bona idau taudia, emui huanai idia noho, bona edia natudia be emui huanai idia havaraia vadaeni taudia. Idia be Israela memero korikori hegeregerena do idia lao umui emui huana dekenai. Bona idia ese edia ahuna tano kahana do idia abia, Israela taudia edia huanai.

ESEKIELA 48:29

Lohiabada Dirava ia gwau, “Unai dala dekenai Israela ena tano do umui haria lao, Israela ena iduhu ta ta ese edia ahuna do idia abia totona.”

MIKA 2:5

Unai dainai inai tano be Lohiabada ena bese taudia dekenai do idia henia lou neganai, umui ta ese kahana ta do umui abia lasi.

NUMERA 34:16

Lohiabada ese Mose ia hamaoroa, ia gwau,

MATAIO 27:35

Vadaeni idia hasatauroa, bona laki dekena amo iena dabua idia haria karaia.

IOANE 17:2

Badina be oi ese siahu oi henia vadaeni, ia ese taunimanima ibounai do ia biagua karaia, bona oi ese ia dekenai oi henia taudia ibounai be ia ese mauri hanaihanai do ia henia idia dekenai.

APOSETOLO EDIA KARA 13:19

Kanana tano lalonai Dirava ese bese 7 ia hamakohia, bona edia tano Israela taudia dekenai ia henia, haria dala dekenai.

APOSETOLO EDIA KARA 26:18

Edia matana do oi kehoa, vadaeni dibura do idia rakatania, bona mai lalona giroa danu, diari dekenai do idia mai. Vadaeni Satani ena siahu do idia rakatania, bona Dirava dekenai do idia mai. Vadaeni idia edia kara dika do idia gwauatao, lau dekenai idia abidadama henia dainai, bona Dirava ena abia hidi taudia huanai edia gabu do idia abia.’

KOLOSE 1:12

Tamana ita tanikiu henia be namo, badina be ia ese iseda kara ia hagoevaia. Vadaeni ita be hegeregere, Dirava ena taudia danu, ahuna do ita davaria, diari ena Basileia dekenai.

IOSUA 14:2

Idia haria dalana be laki gadara dekena amo, Lohiabada ese Mose ia hamaoroa hegeregerena, iduhu 9 bona iduhu kahana edia huanai.

IOSUA 14:5

Vadaeni Israela taudia ese Kanana tano idia haria, Lohiabada ese Mose ia hamaoroa hegeregerena.

IOSUA 18:11

Iosua ese laki gadara dekenai ia abia hidi guna iduhuna be Beniamina, iena bese ta ta dekenai. Beniamina ena tano be Iuda iduhu bona Iosepa iduhu edia tano edia huanai.

IOSUA 18:6

Tano ena toana ena sivarai do umui torea, kahana 7 dekenai, bona mapu be lau dekenai do umui mailaia. Vadaeni lau ese umui totona laki do lau gadara, Lohiabada iseda Dirava ena vairana dekenai. Unai dekena amo do lau diba edena tano Dirava ese emui iduhu ta ta dekenai do ia henia.

IOSUA 18:8

Unai dainai unai mapu do idia torea taudia idia toreisi, tano ena toana ena sivarai torea totona idia lao, Iosua ese idia ia hadibaia hegeregerena. Iosua ia hamaorodia vadaeni, ia gwau, “Umui lao, tano dekenai do umui raka loaloa, mapu do umui torea, bona do umui mai lou, bona lau ese Silo dekenai, umui totona laki do lau gadara, Lohiabada ena vairanai.”

IOSUA 18:9

Vadaeni unai taudia be tano ena kahana ibounai dekenai idia raka loaloa, bona iena toana ena sivarai be buka dekenai idia torea, kahana 7 dekenai. Vadaeni idia be Iosua dekenai idia giroa lou, Silo ena kamepa dekenai.

IOSUA 19:51

Eleasara, hahelagaia tauna, Iosua Nunu, bona Israela iduhu gunalaia taudia ese laki gadara dekena amo inai tano kahana ibounai iduhu ta ta dekenai idia haria, Silo dekenai, Lohiabada ena vairanai. Idia haria gabuna be Lohiabada ena Palai Dubu. Tano haria gaukara be unai bamona idia karaia haorea.

IOSUA 23:4

Umui kamonai namonamo: Do noho idau bese taudia edia tano, bona lau ese lau hadikaia ore bese taudia edia tano be umui dekenai lau henia, Ioridane Sinavai dekena amo ela bona Davara Badana, dina diho kahanai.