IOSUA 18:1 - Buka Helaga (Hiri Motu) 1993

¹ Idia ese unai tano ena taudia ibounai idia halusia neganai, Israela bese taudia ibounai be Silo dekenai idia haboua. Unuseni Palai Dubu idia haginia.

IOSUA 18:1 Iomraidhean Croise

2 SAMUELA 7:6

Israela taudia be Aigupito tano dekena amo lau hakaudia mai dinana ia mai bona hari, lau be ruma ta dekenai lau noho lasi. To lau be lau loaloa, Palai Ruma dekenai lau noho.

1 KING TAUDIA 14:2

Vadaeni Ieroboama ese iena adavana ia hamaoroa, ia gwau, “Oi toreisi, oiemu toana do oi haidaua, taunimanima do idia diba lasi oi be Ieroboama ena adavana, bona Silo dekenai do oi lao. Unuseni peroveta tauna Ahaisa dekenai do oi lao. Guna ia gwau lau be Israela ena king do lau lao.

1 KING TAUDIA 14:4

Ieroboama ena adavana be unai bamona ia karaia. Ia toreisi, Silo dekenai ia lao, Ahaisa ena ruma dekenai ia ginidae. Inai Ahaisa be gau ta ia itaia lasi, badina madi ia buruka.

1 KING TAUDIA 2:27

Unai dainai Solomona ese Abiatara be hahelagaia tauna ena dagi dekena amo ia lulua. Unai kara dekena amo, Solomona ese Lohiabada ena hereva, Silo dekenai Eli ena iduhu totona ia gwauraia hereva, ia hamomokania.

NEHEMIA 9:24

Idia ese Kanana tano idia halusia, bona Kanana taudia dekena amo kwalimu oi henidia. Unai neganai Kanana ena king bona edia taudia ibounai, be Israela taudia edia siahu henunai idia noho, vadaeni Israela taudia ese unai bese taudia dekenai, sibodia edia ura idia karaia.

SALAMO 78:60

Vadaeni Dirava ese iena Palai Dubu, Silo dekenai ia noho gauna ia rakatania. Unai Silo Palai Dubu, be taunimanima edia huanai Dirava ia noho guna gauna.

SALAMO 78:66

Ia ese ia dekenai idia tuari henia taudia ia tuari henidia, ia ese idia ia lulua ore. Ia luludia ore, ia halusidia momokani, mai edia hemarai danu.

IEREMIA 26:6

Bema lauegu hereva do umui kamonai henia lasi noho neganai, lau ese inai Dubu Helaga dekenai, be Silo dekenai lau karaia hegeregerena do lau karaia. Bona unai neganai, tanobada bese idauidau taudia ese inai hanua, be do idia kirikirilaia noho gauna, do lau halaoa!”

IEREMIA 26:9

Ma idia gwau, “Badina dahaka oi ese Lohiabada ena ladana dekenai oi hereva, inai Dubu Helaga be do idia hadikaia ore, Silo idia hadikaia ore bamona, bona tau ta do ia noholaia lasi?” Unai neganai, taunimanima ibounai ese lau idia hagegea noho.

IEREMIA 41:5

tau ibounai 80 be Sekema bona Silo bona Samaria dekena amo idia mai. Edia auki huidia idia kakasia ore vadaeni, edia dabua idia darea vadaeni, bona edia kopidia be kaia dekenai idia utua kava. Idia ese paraoa boubou gaudia, bona muramura mai bonana idia mailaia, Lohiabada ena Dubu Helaga lalonai Lohiabada dekenai do idia henia totona.

NUMERA 32:22

Bona unuseni do umui noho, ela bona Lohiabada ese tano ibounai do ia abia momokani. Unai murinai umui be inai gabu dekenai umui giroa mai diba, badina be Lohiabada bona Israela taudia durua totona kara umui karaia haorea vadaeni. Bona unai neganai Lohiabada ese do ia gwauraia, inai tano, Ioridane Sinavai ena dina daekau kahana tano be umui emui.

APOSETOLO EDIA KARA 7:45

Gabeai iseda sene taudia, Iosua danu idia mai, idau taudia edia tano abia totona. Bona Dirava ese unai idau bese taudia ia luludia iseda sene taudia edia vairana dekena amo. Unai neganai inai Palai Dubu idia huaia mai, bona ia noho iniseni, ia mai bona Davida ena nega.

IOSUA 18:2

To Israela ena iduhu 7 ese edia tano kahana idia do abia lasi.

IOSUA 18:8

Unai dainai unai mapu do idia torea taudia idia toreisi, tano ena toana ena sivarai torea totona idia lao, Iosua ese idia ia hadibaia hegeregerena. Iosua ia hamaorodia vadaeni, ia gwau, “Umui lao, tano dekenai do umui raka loaloa, mapu do umui torea, bona do umui mai lou, bona lau ese Silo dekenai, umui totona laki do lau gadara, Lohiabada ena vairanai.”

IOSUA 19:51

Eleasara, hahelagaia tauna, Iosua Nunu, bona Israela iduhu gunalaia taudia ese laki gadara dekena amo inai tano kahana ibounai iduhu ta ta dekenai idia haria, Silo dekenai, Lohiabada ena vairanai. Idia haria gabuna be Lohiabada ena Palai Dubu. Tano haria gaukara be unai bamona idia karaia haorea.

IOSUA 21:2

Silo dekenai, Kanana tano dekenai, idia hereva, idia gwau, “Lohiabada ese Mose ia hamaoroa, ai ese hanua do ai abia, idia dekenai do ai noho, bona rei gabudia danu do ai abia, aiemai boromakau bona mamoe totona.”

IOSUA 22:12

Israela taudia ese unai sivarai idia kamonai neganai, idia ibounai be Silo dekenai idia haboua, unai iduhu toi do idia tuari henia gwauraia.

IOSUA 22:19

“ ‘Bema emui tano be guriguri totona ia goeva lasi neganai, namona be do umui hanaia lou, Lohiabada ena tano, iena Palai Dubu ia noho tanona, lalonai do umui noho. Aiemai tano haida do umui abia, to Lohiabada dekenai do umui dagedage lasi, bona umui ese ai danu do umui hakererea lasi Lohiabada ena vairana dekenai. Boubou patana idauna ta, iseda Dirava, Lohiabada ena lasi, be do umui haginia lasi.

IOSUA 22:9

Unai dainai Rubena iduhu, Gado iduhu, bona Manase iduhu kahana taudia be edia gabu korikori dekenai idia giroa lao. Idia ese Israela taudia oredia Silo, Kanana tano dekenai idia rakatania, bona edia tano, Gileada dekenai idia giroa lao hamatamaia. Unai Gileada tano idia abia guna vadaeni, Lohiabada ese Mose dekenai unai bamona ia oda henidia dainai.

GUNALAIA TAUDIA 18:31

Bona inai dirava koikoi, Mika ena kaivakuku, be unai gabu dekenai ia noho, Dirava ena Palai Dubu be Silo dekenai ia noho negana ibounai.

GUNALAIA TAUDIA 21:12

Vadaeni tuari taudia idia lao, bona unai bamona idia karaia. Idia ese Iabese Gileada taudia edia huanai, tau danu idia do sihari lasi kekeni taudia ibounai 400 idia davaria, vadaeni Silo kamepa dekenai idia abidia lao, Kanana tano dekenai.

GUNALAIA TAUDIA 21:19

Unai dainai Israela taudia ma idia gwau, “Lagani ta ta ibounai taunimanima ese Lohiabada ena aria ta idia karaia noho Silo dekenai, bona unai aria be kahirakahira do idia matamaia.” (Silo be Betele ena mirigini kahanai, Lebona ena diho kahanai, Betele dekena amo ia lao Sekema dekenai dalana ena dina daekau kahanai.)

1 SAMUELA 1:24

Mero ese rata ia negea murinai, Hana ese Silo dekenai ia abia lao. Boromakau tau ta, lagani toi gauna, paraoa 10 kilogaram, bona uaina kopina ta danu ia abia lao. Ia ese mero Samuela danu ia abia lao, ela bona Lohiabada ena Dubu Silo dekenai idia ginidae. Mero be ia do maragi.

1 SAMUELA 1:3

Lagani ibounai Elikana be ena hanua ia rakatania, Silo dekenai ia lao. Unuseni ia ese Siahu Ibounai Lohiabada dekenai ia tomadiho henia, bona boubou gaudia Lohiabada dekenai ia henia. Bona unuseni Silo dekenai, Eli ena natuna tau ruaosi Hopini bona Pineha be Lohiabada ena hahelagaia taudia.