IOSUA 17:11 - Buka Helaga (Hiri Motu) 1993

¹¹ Isakara taudia bona Asere taudia edia tano lalonai inai hanua be Manase taudia edia: Bete Seana, mai ena hanua maragidia danu, Ibileama, mai ena hanua maragidia danu, kone dekenai noho gabu, Doro, mai ena hanua maragidia danu, Ene Doro, mai ena hanua maragidia danu, Tanaka, mai ena hanua maragidia danu, bona Megido, mai ena hanua maragidia danu.

IOSUA 17:11 Iomraidhean Croise

2 SAMUELA 21:12

Vadaeni Davida ia lao, Saulo bona iena natuna Ionatana edia turiana be Iabese Gileada taudia dekena amo ia abia. Badina be Pilistia taudia ese Gileboa Ororo dekenai Saulo idia alaia mase dinana dekenai, idia ese Saulo bona Ionatana edia tauanina Betesana hanua ena ariara dekenai idia taua dae. To Iabese Gileada taudia ese Betesana dekenai idia lao, unai tauanina ruaosi idia henaoa, bona idia abia lao.

1 KING TAUDIA 9:15

King Solomona ese gaukara taudia momo ia abia, ia fosia, iena gaukara idia karaia. Idia ese Dubu Helaga, bona Solomona ena ruma idia haginia. Idia ese danu Ierusalema ena gabu aukana ta, kohoro, ena ladana Milo idia haginia. Ma Solomona ese unai gaukara taudia ia siaia, Ierusalema hanua ena magu idia haginia. Inai gaukara taudia ese danu Hasoro, Megido bona Gesere hanua toiosi idia haginia lou.

2 KING TAUDIA 9:27

Ahasaia, Iuda ena king, ese unai kara ia itaia, vadaeni ia be Bete Hagana ia lao dalana dekenai ia heau lao. Iehu ese ia lulua lao, bona iena tuari taudia ia oda henia, ia gwau, “Ahasaia danu do umui alaia mase!” Vadaeni idia haberoa. Idia haberoa gabuna be Guru hanua ia lao dalana dekenai, Ibileama hanua kakirakahira. To ia heau lao noho, ela bona Megido hanua dekenai ia ginidae, bona unuseni ia mase.

1 SIVARAI 6:70

Manase ena iduhu kahana dekena amo Israela taudia ese hanua rua, Anere bona Bileama, mai edia rei gabudia danu Kohata taudia dekenai idia henia.

1 SIVARAI 7:29

Bona Manase taudia edia tano hetoana kahirakahira be inai hanua idia noho: Bete Seana, Tanaka, Megido bona Doro, mai edia hanua maragidia danu. Iosepa Israela ena bese taudia be unai hanua edia lalonai idia noho.

2 SIVARAI 35:22

To Iosaia ia ura lasi Neko dekena amo do ia raka siri. Iosaia ese iena king dabua ia kokia, bona iena toana ia haidaua, tuari dekenai do ia vareai totona. Ia ese Dirava ena hereva, king Neko dekena amo gauna ia kamonai henia lasi, to Megido tano palaka dekenai tuari lalonai ia vareai.

SALAMO 83:10

Ene Doro dekenai oi ese idia oi hadikaia ore, bona edia mase tauanidia be tano dekenai idia bodaga lao.

IEREMIA 49:2

Kamonai! Dina do idia mai noho, lau Lohiabada ese haida do lau hagoadaia, vadaeni tuari kibi do idia hiriria, Raba, Amono taudia edia hanua, do idia hadikaia ore. Raba be momoru haboua gabuna do idia halaoa, bona iena hanua maragidia, be lahi dekena amo do idia gabua. Vadaeni Israela taudia idia luludia taudia, be Israela taudia ese do idia luludia. Lau inai Lohiabada lau hereva noho.

SEKARAIA 12:11

Unai neganai Ierusalema taudia edia taitai be bada herea, edia taitai Hadada Rimono totona, Megido ena tano palaka dekenai bamona.

IOSUA 11:2

bona Simarona ena king, bona Akasapa ena king dekenai, bona ororo gabudia edia king taudia dekenai, mirigini kahanai, bona Arabaha tano palaka edia king taudia, Galilea gohu ena diho kahana edia king, bona dina diho kahana ororo henunai gabudia edia king, bona Doro hanua, kone kahirakahira, ena king.

IOSUA 12:21

Tanaka ena king, Megido ena king.

IOSUA 12:23

Doro ena king, (Doro be Napata Doro dekenai), Goimi ena king. (Goimi be Gilegala dekenai.)

IOSUA 16:9

Hanua haida danu, mai edia hanua maragidia danu, Manase taudia edia tano lalonai, be Eparaima taudia dekenai idia henia.

IOSUA 17:10

Diho kahana tano be Eparaima taudia edia, to mirigini kahana tano be Manase taudia edia. Idia ruaosi edia dina diho kahana tano hetoana be Davara Badana ena kone. Mirigini kahana dekenai be Asere taudia edia tano, bona dina daekau kahanai be Isakara taudia edia tano.

IOSUA 17:16

Iosepa ena iduhu taudia ma idia gwau, “Ororo kahana tano be ai totona ena bada be ia hegeregere lasi, to Kanana taudia, tano palaka dekenai idia noho taudia be mai edia auri kariota, Bete Seana, mai ena hanua maragidia taudia, bona Ieserele Koura dekenai noho Kanana taudia danu.”

GUNALAIA TAUDIA 1:27

Manase taudia ese danu Bete Seana taudia, Tanaka taudia, Doro taudia, Ibileama taudia, bona Megido taudia, unai hanua taudia, mai edia hanua maragidia taudia danu, idia lulua lao lasi. Kanana taudia be idia do noho unai tano dekenai.

GUNALAIA TAUDIA 5:19

Kanana king taudia idia mai, idia tuari, Tanaka dekenai, Megido ranu gabuna kahirakahira dekenai. Oibe, Kanana taudia edia king idia tuari, to siliva gaudia haida idia abia lao lasi.

1 SAMUELA 28:7

Saulo ese iena hesiai taudia ia hamaoroa, ia gwau, “Babalau hahine ta do umui tahua, vadaeni lau ese ia dekenai do lau lao, ia dekenai do lau henanadai.” Iena hesiai taudia idia haere, idia gwau, “Babalau hahine ta be Ene Doro dekenai ia noho.”

1 SAMUELA 31:10

Saulo ena tuari dabua be Asataroto ena dubu dekenai idia atoa, bona Saulo ena tauanina be Betesana hanua ena magu dekenai idia kokoa daekau.

1 SAMUELA 31:12

Vadaeni edia goada taudia ibounai idia toreisi, unai hanuaboi ena hora ibounai lalonai idia raka, Saulo, mai ena natuna edia tauanina be Betesana maguna dekena amo idia abia diho. Vadaeni Iabese dekenai idia abia lao, unuseni edia tauanina idia gabua.